Ռուսաստանի դաշնակից համարվող Հայաստանում երբ, դու խոսում ես Ռուսաստանի դեմ, վարկաբեկում ես հայ-ռուսական հարաբերությունները. Մհեր Ավետիսյան
Քաղաքականություն
Մհեր Ավետիսյանը ֆեյսբուքյան իր էջում գրում է.
Ռուսաստանի դաշնակից համարվող Հայաստանում երբ, դու խոսում ես Ռուսաստանի դեմ, վարկաբեկում ես հայ-ռուսական հարաբերությունները, դու փաստացի դառնում ես Հայաստանի Հանրապետությունում պետական հանցագործ, որովհետև խոսում ես Հայաստանի պետական շահերի դեմ:
Եթե այդպես չէ, ուրեմն Հայաստանը թող դուրս գա ՀԱՊԿ-ից, ԵԱՏՄ-ից և դադարեցնի Ռուսաստանի հետ իր ռազմաքաղաքական համագործակցությունը ու խնդրի Ռուսաստանին, որպեսզի նա հանի իր ռազմաբազան Հայաստանից, իսկ եթե դա մենք չենք անում, ապա նշանակում է, որ Հայաստանի կարևորագույն դաշնակիցը Ռուսաստանն է և այստեղ հարց է առաջանում, ինչու ենք թույլ տալիս, որ Հայաստանում Ռուսաստանը քննադատող, հայ-ռուսական հարաբերությունները փչացնող մարդիկ ընկալվեն որպես հայ պետականամետ գործիչներ:
Այս իմաստով հասարակությունը, ժողովուրդը ինքը պետք է թույլ չտա, ինքը պետք է ուշադիր լինի, ինքը պետք է պահապանը լինի հայ-ռուսական հարաբերությունների։
Սրանից պարզ հնարավոր չէ բացատրել:
