Ինչպե՞ս է տեղի ունենալու Թրամփի երդմնակալությունը
Քաղաքականություն
Այսօր Դոնալդ Թրամփը երդվելու է որպես ԱՄՆ 47-րդ նախագահ։ Արարողությունը ստիպված են եղել տեղափոխել Կապիտոլիումի Ռոտոնդա՝ ցրտի պատճառով (սպասվում է մոտ մինուս 15 աստիճան)։ Այսպիսով, Թրամփի մոտ 250,000 կողմնակիցները կկարողանան արարողությունը դիտել միայն տեսատախտակի վրա:
Ավանդույթի համաձայն՝ երդմնակալության օրը կսկսվի Սուրբ Հովհաննես եպիսկոպոսական եկեղեցում պատարագով, հիշեցնում է Bild-ը։
Այնուհետև Թրամփները կուղևորվեն Սպիտակ տուն՝ հեռացող նախագահ Ջո Բայդենի և առաջին տիկին Ջիլի հետ թեյի: Հանդիպումը կարող է զով լինել։ Մելանյայի մտերիմների խոսքերով՝ նա երբեք չի ներել Բայդեններին ամուսնու նկատմամբ վատ վերաբերմունքի համար։
Տեղական ժամանակով ուղիղ ժամը 12-ին Թրամփը Կոնգրեսում կբարձրացնի աջ ձեռքը՝ երդվելու համար։ 35 բառ անց նա նորից նախագահ կդառնա։
Այնուհետ Թրամփը կդիմի ժողովրդին, ապա կստորագրի իր առաջին հուշագրերն ու գործադիր հրամանները:
Ակնկալվում է, որ նա իր առաջին օրը մինչև 100 գործադիր հրաման կարձակի։ Կոնգրեսի ճաշից հետո Ջո և Ջիլ Բայդենները Սպիտակ տնից կլքեն ուղղաթիռով, իսկ անդրանիկ շքերթը Կապիտոլիումից դեպի Սպիտակ տուն կսկսվի երեկոյան 20:30-ին: Վերադառնալով Օվալաձեւ գրասենյակ, Թրամփը նախաստորագրելու է նոր գործադիր հրամանները:
