Փաշինյանը գնացել է Մակրոնին բողոքելու
Քաղաքականություն
ԱՄՆ-ից տակավին երկու օր առաջ վերադարձած Նիկոլ Փաշինյանն այսօր էլ աշխատանքային այցով մեկնել է Ֆրանսիա: Պաշտոնական հաղորդագրության համաձայն, Փաշինյանը մասնակցելու է Արհեստական բանականության գործողությունների գագաթնաժողովին: Նախատեսված է նաև հանդիպում Ֆրանսիայի նախագահ Էմանուել Մակրոնի հետ:
Արհեստական բանականության գործողությունների գագաթնաժողովը, ըստ էության, ավելի շուտ պատրվակ է Փարիզ թռչելու։ Մի քանի օր ԱՄՆ-ում անցկացրած և իր հարցերի պատասխանները չստացած Նիկոլ Փաշինյանն այժմ կրկին ցուգցվանգի մեջ է։
Վաշինգտոնում արհամարհական այն վերաբերմունքը, որ Թրամփի վարչակազմը ցույց տվեց ընդամենը դեկտեմբերին իր հետ ռազմավարական գործընկերության խարտիա ստորագրած պետության ղեկավարի հանդեպ, խուճապի է մատնել Նիկոլ Փաշինյանին ու իր թիմին։
Եվ այժմ Փաշինյանը փորձում է իր համար երաշխիքներ կորզել Ֆրանսիայից։ Առնվազն հասկանալ, թե մինչև ուր կարող է տանել իր մկան խաղը, արդյո՞ք պաշտոնական Փարիզը կօգնի իրեն, թե՞ ոչ։ Մյուս կողմից էլ սեփական թիմին ապացուցելու կարիք կա, որ իրեն Արևմուտքում դեռ լուրջ են ընդունում։ Իսկ Մակրոնը ցուցադրական լրջությունը կարող է ցուցադրել՝ առնվազն հայկական իշխանությունների հոգու հանգստությունն ապահովելու համար։
Նոնա Վաթյան
