Ամերիկյան ընկերությունը դադարեցրել է Ուկրաինայի հասանելիությունը արբանյակային պատկերներին
Քաղաքականություն
Ամերիկյան Maxar Technologies օդատիեզերական ընկերությունը զրկել է ուկրաինացի օգտատերերին իր արբանյակային նկարների հասանելիությունից։ Այս մասին գրում է ուկրաինական ռազմական պորտալը։
«Փաստորեն, անջատումը ԱՄՆ կառավարության կողմից Ուկրաինային հետախուզական տվյալներ տրամադրելու արգելքի հետևանքն էր: Դա վերաբերում է ինչպես պետական, այնպես էլ մասնավոր օգտատերերին»,- ասվում է հրատարակության մեջ:
Պորտալի տվյալներով՝ Maxar Technologies-ը եղել է Ուկրաինայի կառավարության և մասնավոր օգտատերերի համար կոմերցիոն արբանյակային պատկերների գրեթե հիմնական մատակարարը:
Այս շաբաթ արևմտյան լրատվամիջոցները հայտնեցին, որ Միացյալ Նահանգները դադարեցրել է Ուկրաինայի հետ հետախուզական տվյալների փոխանակումը, ինչը հաստատեց ԿՀՎ տնօրեն Ջոն Ռաթքլիֆը: Միևնույն ժամանակ, Վաշինգտոնն արգելափակել է իր դաշնակիցների հնարավորությունը՝ Կիևի հետ հետախուզական տվյալների փոխանակման համար:
