Ավելի քան 400 մարմին է փոխանցվել հայկական կողմին. Թշնամին տարբեր տեղերից զինծառայողների մարմինները հավաքագրել է. Բեգլարյան
Ապրելակերպ
Առ այսօր ավելի քան 400 մարմին է փոխանցվել հայկական կողմին։ Այս մասին ասաց ԱՀ ՄԻՊ Արտակ Բեգլարյանը։
Նա նշեց, որ այդ մարմինները մի մասը մեր փրկարար ծառայությունը, Կարմիր խաչը և ռուսական խաղաղապահներն են գտել մարտադաշտերում համատեղ որոնման աշխատանքների ընթացքում. «Մի մասը փոխանակվել է։ Մենք էլ ադրբեջանական դիակներ ենք փոխանցել նրանց։
Քանի որ մարտական գործողությունները տեղի են ունեցել գլխավորապես այն տարածքներում, որոնք այժմ գտնվում են ադրբեջանական կողմի վերահսկողության ներքո, դրա համար պարզ է, որ իրենց վերահսկողության ներքո ավելի շատ հայկական մարմիններ, դիեր կան, քան մեր վերահսկողության ներքո ադրբեջանական դիակները»,-ասաց Արտակ Բեգլարյանը՝ հավելելով, որ տարբեր տեղեկություններ ունեն, որ ադրբեջանական կողմը տարբեր տեղերից հավաքագրել է հայ զինծառայողների մարմինները, պահում է և անընդհատ ժամանակ է ձգում։
«Ադրբեջանական կողմը և՛ մարդասիրական իրավունքով, և՛ եռակողմ հայտարարությամբ հաստատված պարտավորությունները չի կատարում։ Թե ինչու են ժամանակ ձգում, կարող եմ ենթադրել, որ նրանք նպատակ ունեն լրացուցիչ կերպով ազդել ներհայկական լարվածության վրա և հայության շրջանում խորացնել հոգեկան տառապանքները։
Այդ պատճառով է, որ նրանք առ այսօր շարունակում են գերիների և դիակների հանդեպ անմարդկային վերաբերմունքի վերաբերյալ տեսանյութերի, լուսանկարների հրապարակումները և տարածումները։ Այս տեսանկյունից միջազգային հանրությունը և
