500 օրից ավելի է` Բաքվի բանտերում մարմնական ու հոգեկան խոշտանգումների են ենթարկվում Հայաստանի մի քանի տասնյակ քաղաքացիներ. «ՀայաՔվե»
Քաղաքականություն
500 օրից ավելի է` Բաքվի բանտերում մարմնական ու հոգեկան խոշտանգումների են ենթարկվում Հայաստանի մի քանի տասնյակ քաղաքացիներ, այդ թվում` Արցախի ռազմաքաղաքական ղեկավարները։
Հունվարի 17-ին մեկնարկել է նրանց նկատմամբ շինծու դատավարությունը:
Պատանդառված բոլոր անձինք Հայաստանի Հանրապետության քաղաքացիներ են։ Ինչպես մեր, այնպես էլ նրանց բոլորի անձնագրերում գրված է, որ իրենց հովանավորը Հայաստանի Հանրապետությունն է։
Նրանց ազատելու կամ առնվազն նրանց պայմանները տանելի դարձնելու գործում Հայաստանի Հանրապետությունը կարող է կիրառել քաղաքական, դիվանագիտական, միջազգային իրավական, լոբբիստական, քարոզչական տարբեր գործիքներ։ Այս մասին խոսել ու խոսում են փորձառու շատ գործիչներ Հայաստանում և արտերկրում։
Եվ այսպես ինչե՜ր կարելի էր անել, եթե Հայաստանում ազգային իշխանություն լիներ:
