Մենք ոնց երեկ ենք ապրել, այնպես էլ այսօր ենք ապրում․ Սոթքի ղեկավարը՝ կրակnցների լուրի մասին

Քիչ առաջ «Ապրելու երկիր» կուսակցության համահիմնադիր Մեսրոպ Առաքելյանը հայտարարություն է տարածել՝ նշելով, թե ամբողջ գիշեր ադրբեջանական կողմը ինտենսիվ կրակոցներ է արձակել Սոթքի հատվածում։ 

ՀՀ Պաշտպանության նախարարությունից շտապեցին հերքել նրա գրառումը՝ նշելով, որ «հրադադարի ինտենսիվ, էական խախտման դեպքում ՀՀ պաշտպանության նախարարությունը հանդես է գալիս պաշտոնական հաղորդագրություններով, իսկ ապատեղեկատվություն հանդիսացող գրառումները հերքում է սահմանված կարգով՝ բազմակի ճշգրտումներից հետո»։

Սոթքի վարչական ղեկավար Սևակ Խաչատրյանն էլ MediaHub-ի հետ զրույցում նշեց, որ նման ինֆորմացիայի չի տիրապետում, կրակոցների մասին չի լսել, նման որևէ լուր չի ստացել։

«Սպասեք, եթե բան եղած լինի, ՊՆ-ն հաղորդագրություն կտարածի։ Մենք ոնց երեկ ենք ապրել, այնպես էլ այսօր ենք ապրում։ Այսինքն՝ որևէ բան եթե եղած լիներ, անհանգստություն կլիներ մարդկանց շրջանում։ Ես հիմա աշխատավայրում եմ, իմ առօրյա աշխատանքով եմ զբաղված»,- նշեց Խաչատրյանը։

Նարե Գնունի