Դանիայի դեմ խաղում դաշտ դուրս կգա ոչ թե 11 խաղացող, այլ ամբողջ Պորտուգալիայի ուժը. Ռոնալդու
Սպորտ
Պորտուգալիայի հավաքականի հարձակվող և ավագ Կրիշտիանու Ռոնալդուն Դանիայի հետ Ազգերի լիգայի 1/4 եզրափակչի պատասխան խաղից առաջ, որը կկայանա այսօր՝ մարտի 23-ին, կիսվել է իր սպասելիքներով, հայտնում է armsport.am-ը։
«Ոչ միայն 11 հոգի դուրս կգան դաշտ, այլ մի ամբողջ երկրի ուժը: Մենք ամբողջ ուժով կպայքարենք հաղթանակի հասնելու համար։ Միասին»,- գրել է Ռոնալդուն X սոցիալական ցանցի իր էջում:
Պորտուգալիայի և Դանիայի հավաքականների հանդիպումը կկայանա Լիսաբոնի Խոսե Ալվալադե մարզադաշտում։ Մրցավարի մեկնարկային սուլիչը կհնչի Երևանի ժամանակով 23:45-ին: Առաջին խաղում Դանիայի հավաքականը հաղթել էր 1։0 հաշվով։ Հանդիպման միակ գոլը խփել է հարձակվող Ռասմուս Հոյլունդը։
