Թրամփի սպառնալիքների ֆոնին՝ Իրանի ԻՀՊԿ-ն ներկայացրել է նոր հրթիռային «քաղաք»
Քաղաքականություն
Իրանի Իսլամական հեղափոխության պահապանների կորպուսը ներկայացրել է նոր հրթիռային «քաղաք». այլ կերպ ասած, սա ստորգետնյա հրթիռային կայան է: Այն մեկն է ԻՀՊԿ օդատիեզերական ուժերի հարյուրավոր հրթիռային «քաղաքներից»: Այնտեղ տեղակայված են հազարավոր «Խեյբարշեկան», «Հաջ Քասեմ», «Կադեր Հ», «Սաջիլ», «Իմադ» և շատ այլ բարձր ճշգրտության հրթիռներ։
Վերջերս ԻՀՊԿ-ն ցույց էր տվել մեկ այլ այսպիսի կայան՝ զենքի ահռելի պաշարներով:
Հատկանշական է, որ Իրանն այս ստորգետնյա օբյեկտները ցուցադրում է ԱՄՆ նախագահ Դոնալդ Թրամփի սպառնալիքների ֆոնին: Թրամփի խոսքով՝ Իրանը պետք է միջուկային ծրագրի շուրջ բանակցությունների սկսի ԱՄՆ-ի հետ, հակառակ դեպքում՝ Միացյալ Նահանգների նախագահը սպառնում է ծանր հետևանքներով և հարվածներով: Թրամփի պնդմամբ՝ Թեհրանին չի կարելի թույլ տալ միջուկային զենք ստեղծել: Մինչդեռ Իրանը հայտարարում է, որ սպառնալիքների պայմաններում ԱՄՆ-ի հետ չի բանակցելու:
