TikTok-ի ստեղծողը դարձել է Չինաստանի ամենահարուստ մարդը. Bloomberg
Ֆոտո
Չինական ByteDance ընկերության հիմնադիր Չժան Յիմինգը, որին պատկանում է TikTok ծառայությունը, գլխավորել է Չինաստանի ամենահարուստ մարդկանց վարկանիշը։ Այս մասին է վկայում Bloomberg-ի Billionaires Index-ը։
41-ամյա գործարարի կարողությունը 2024 թվականին աճել է 13,6 միլիարդ դոլարով, իսկ 2025 թվականի մարտի վերջին կազմում է 57,5 միլիարդ դոլար:
Երկրորդ տեղում է Tencent Holdings տեխնոլոգիական ընկերության համահիմնադիր Պոնի Ման՝ 56,6 միլիարդ դոլար կարողությամբ։ Երրորդ տեղում է շշալցված ջրի և զովացուցիչ ըմպելիքների Nongfu Spring ընկերության ղեկավար Չժոնգ Շանսանը, որի կարողությունը գնահատվում է 54,1 միլիարդ դոլար։
Ինչ վերաբերում է 500 միլիրադատիրոջից բաղկացած վարկանիշի առաջատարներին, ապա նրանք են Իլոն Մասկը (336 մլրդ դոլար), Ջեֆ Բեզոսը (222 մլրդ դոլար), Մարկ Ցուկերբերգը (216 մլրդ դոլար), Բեռնար Առնոն (173 մլրդ դոլար), Լարի էլիսոնը (170 մլրդ դոլար), Ուորեն Բաֆֆեթը (166 մլրդ դոլար), Բիլ Գեյթսը (164 մլրդ դոլար), Լարի Փեյջը (150 մլրդ դոլար), Սերգեյ Բրինը (141 մլրդ դոլար), Սթիվ Բալմերը (137 մլրդ դոլար):
