Հզորության և էլեգանտության սիմֆոնիա. Aston Martin-ը ներկայացրել է նոր Vanquish Volante-ն (լուսանկարներ)
Ապրելակերպ
Բրիտանական Aston Martin մեքենաշինական ընկերությունը ներկայացրել է Vanquish Volante մոդելը՝ բրիտանական ավտոինժեներիայի նոր նվաճումը, որը խոստանում է ընդլայնել կարողականության և շքեղության սահմանները:
Ինչպես գրում է Luxury Launches-ը, մեքենան համալրված է 5,2 լ աշխատանքային ծավալով, 824 ձիաուժ հզորությամբ երկտուրբո V12 շարժիչով՝ Vanquish Volante-ն դարձնելով առջևի շարժիչով ամենահզոր արտադրական մեքենան: Շարժիչը 0-100 կմ/ժ արագություն է զարգացնում 3,4 վայրկյանում, մինչդեռ զարգացրած առավելագույն արագությունը 344 կմ/ժ է:
Մեքենայի տանիքը բացվում է ընդամենը 14 վայրկյանում:
Vanquish Volante-ն կարտադրվի 1,000-ից պակաս օրինակով: Թեև հստակ գինը չի հրապարակվել, սակայն ենթադրվում է, որ այն կլինի շուրջ 450,000 դոլար:
