Հորոսկոպ. ապրիլի գլխավոր աստղագուշակային իրադարձությունները

Մարտը հարուստ էր բոլոր տեսակի աստղագուշակային իրադարձություններով՝ ռետրոգրադային Վեներա եւ Մերկուրի, արեւի եւ լուսնի խավարումներ, ինչպես նաեւ մարտի վերջին օրը Նեպտունը կփոխի նշանը, որը տեղի է ունենում 14 տարին մեկ անգամ: Ապրիլը կլինի ավելի հանգիստ ամիս, որը կբերի շատ դրական գարնանային մթնոլորտ։ Ավելի մանրամասն ներկայացնենք, թե ինչպիսին կլինի ամիսը։

Ապրիլի 7-ին Մերկուրին շրջվում է եւ դադարում ռետրոգրադային լինել: Այդ օրվանից կարող եք իրականացնել ցանկացած պլան եւ նոր նպատակներ առաջադրել։ Ցանկացած ձեռնարկ հեշտ ու բարենպաստ կլինի։ Եթե մարտին ինչ-որ բան դանդաղել է, ապրիլին ամեն ինչ առաջ կընթանա։ Ռետրոգրադային Մերկուրին խառնել է պլանները, ավելացրել սխալները, ձգձգումները, անհարկի շփոթությունը եւ աղմուկը. նրա ուղիղ շարժման անցնելը չպետք է վախեցնի ձեզ, որ ինչ-որ բան պլանավորվածի համաձայն չի ընթանա։ Ազատ պլաններ կազմեք, նպատակներ դրեք եւ շարժվեք առաջ, քամին համընթաց կլինի։

Ապրիլի 13-ին Վեներան շրջվում է եւ դադարում ռետրոգրադային լինել։ Ապրիլի 13-ից հետո բարենպաստ շրջան է սկսվում նոր ծանոթությունների, սիրավեպերի, հարաբերությունների, ամուսնության, նույնիսկ ամուսնալուծության համար, եթե դա երկար սպասված է ու դժվար։ Վեներան ավելի շատ դիվանագիտություն եւ ներդաշնակություն կբերի միջանձնային հարաբերություններում, ինչպես նաեւ կբարձրացնի ձեր կենսունակությունը։ Հիանալի կլինի զբաղվել այն ամենով, ինչ կապված է գեղեցկության, սիրո եւ հաճույքի հետ: Չնայած այն հանգամանքին, որ գարունը պաշտոնապես սկսվել է մարտին, հենց ապրիլի կեսերին կհայտնվեն ռոմանտիկ տրամադրություն եւ կյանքը վայելելու ցանկություն:

Ապրիլի 13-ին նաեւ կլինի լիալուսին, իսկ ապրիլի 27-ին ամիսը կավարտվի նորալուսնով։ Ավելի մանրամասն նորալուսնի եւ լիալուսնի մասին կպատմենք խորագրի հաջորդ նյութերում։