ՌԴ-ն բալիստիկ հրթիռով հարվածել է Կրիվոյ Ռոգին. կան զոհեր (լուսանկարներ)
Ֆոտո
ՌԴ-ն հարձակվել է ուկրաինական Կրիվոյ Ռոգ քաղաքի վրա՝ արձակելով բալիստիկ հրթիռ. թարմացված տվյալների համաձայն՝ 4 մարդ զոհվել է, ևս 14-ը՝ վիրավորվել։
Ինչպես գրում է pravda.com.ua կայքը, վնասվել են բազմաբնակարան շենքեր. հրդեհ է բռնկվել։
Հարվածին արձագանքել է Ուկրաինայի նախագահ Վլադիմիր Զելենսկին։
«Ռուսական բոլոր նման հարվածներն ապացուցում են, որ Ուկրաինային անհրաժեշտ են բավականաչափ ՀՕՊ համակարգեր և հրթիռներ, որպեսզի մենք կարողանանք Ուկրաինայի բոլոր մարդկանց պաշտպանել ռուսական ահաբեկչությունից: Մենք աշխատում ենք բոլոր գործընկերների հետ՝ դրան հասնելու համար»,- գրել է նա։
