Չինաստանն ԱՄՆ-ին կոչ է արել չեղարկել միակողմանի մաքսատուրքերը
Քաղաքականություն
Չինաստանն ԱՄՆ-ին կոչ է անում չեղարկել միակողմանի մաքսատուրքերը և լուծել վեճերը երկխոսության միջոցով. առևտրային պատերազմներում հաղթողներ չեն լինի։ Ռիա Նովոստիի փոխանցմամբ, ասել է Թուրքիայում Չենաստանի դեսպան Ցզյան Սյուեբինը։
«Չինաստանը վճռականորեն դեմ է դրան և կձեռնարկի հակաքայլեր՝ պաշտպանելու իր իրավունքները և շահերը: Սակագնային և առևտրային պատերազմները հակասում են պատմական միտումներին և տնտեսական կանոններին, և հաղթողներ չեն լինի: Ճնշումը, հարկադրանքը կամ սպառնալիքները Չինաստանի հետ հարաբերություններ կառուցելու ճիշտ ճանապարհը չեն»,- նշել է դիվանագետը։
ԱՄՆ նախագահ Դոնալդ Թրամփը չորեքշաբթի հրաման է ստորագրել այլ երկրներից ներմուծվող ապրանքների համար «փոխադարձ» մաքսատուրքեր սահմանելու մասին։ Նրա խոսքով, սա ԱՄՆ-ի համար կդառնա «տնտեսական անկախության հռչակագիր» և կօգնի օգտագործել «տրիլիոնավոր և տրիլիոն դոլարներ»՝ պետական պարտքը մարելու համար։
