«Բավարիան» հետաքրքրված չէ Էրիկսենի ձեռքբերմամբ
Սպորտ
Մյունխենի «Բավարիայի» ղեկավարությունը մտադիր չէ բանակցություններ սկսել Միլանի «Ինտերի» հետ թիմի դանիացի կիսապաշտպան Կրիստիան Էրիկսենի տեղափոխության նպատակով, տեղեկացնում է Bild-ը:
«Բավարիայի» գլխավոր մարզիչ Հանս-Դիտեր Ֆլիկը, որն ավելի վաղ ցանկանում էր իր գլխավորած թիմում տեսնել Էրիկսենին, այժմ կարծում է, որ 28-ամյա ֆուտբոլիստը չի համապատասխանում «Բավարիայի» մակարդակին:
Ավելի վաղ հայտնի էր դարձել, որ միլանյան ակումբը դժգոհ է Էրիկսենի խաղից և փոխարինող է փնտրում 28-ամյա Էրիկսենին: «Ինտերն» Էրիկսենի հրաժարագինը սահմանել է 30 միլիոն եվրո:
Կրիստիան Էրիկսենը «Տոտենհեմում» հանդես է եկել 2013 թվականից, իսկ 2020 թվականի ձմռանը տեղափոխվել է «Ինտեր»:
Հետևեք NEWS.am SPORT-ին Facebook-ում և Twitter-ում
