Ռոնալդուն բացահայտել է գլխավոր գաղտնիքը, որն օգնում է իրեն պահպանել ֆիզիկական պատրաստվածությունը
Սպորտ
«Ալ-Նասրի» և Պորտուգալիայի հավաքականի աստղային հարձակվող Կրիշտիանու Ռոնալդուն բացահայտել է գլխավոր գաղտնիքը, որն օգնում է իրեն պահպանել ֆիզիկական պատրաստվածությունը նույնիսկ 40 տարեկանում։
«Քունն իմ ամենակարևոր գործիքն է։ Ես հետևում եմ քնելու և արթնանալու ժամերին։ Օրինակ՝ ես պառկում եմ քնելու մոտավորապես ժամը 11-ին կամ 12-ին և արթնանում 8։30-ին։ Սա իմ ռեժիմն է։ Դա, թերևս, ամենակարևոր բանն է, որ մենք ունենք կյանքում՝ առողջությունը պահպանելու առումով», — ասել է Ռոնալդուն Whoop ընկերության պաշտոնական սոցիալական ցանցերի էջերում հրապարակված տեսանյութում։
Ռոնալդուն հանդես է գալիս «Ալ-Նասրում» 2023 թվականի հունվարից։ Այս ընթացքում հարձակվողը բոլոր մրցաշարերում անցկացրել է 112 խաղ, խփել 99 գոլ և կատարել 21 գոլային փոխանցում։ Նրա գործող պայմանագրի ժամկետը ակումբի հետ նախատեսված է մինչև 2027 թվականի ամառը։
