Նիկոլի հերթական ստոր մանիպուլյացիան
ՔաղաքականությունՔանիցս է խոսվել այն մասին, որ այս իշխանությունների գործելաոճի հիմնական անկյունաքարը դա ստի ու կեղծիքի տարածումն է, որն էլ հանդիսանում է Նիկոլ Փաշինյանի իշխանության պահպանման հիմնական գործիքակազմը։ Բազում են այն փաստերը, որ փաշինյանական ագիտատուրան` հագուրդ տալով իր մտահորիզոնի ֆանտազիաներին՝ փորձում է ամենաէժան դեմագոգիայի միջոցով որոշակի քաղաքական բալանսավորում ապահովել և բարձրացնել սեփական վարկանիշը։
Հանուն արդարության, սակայն, պետք է փաստենք, որ այդ էյֆորիկ ժամանակներն աստիճանաբար անցնում են, և գործողությունները, որն այս օրերին անում է հայտնի ՊՈԱԿ-ը, ընդամենը, իրականության հետ ոչ մի աղերս չունի։ Այս օրերին Փաշինյանի մասին կլոր տարին միֆեր ու լեգենդներ պատմող մի շարք ֆեյք կայքերը, որոնք հստակ ուղղորդվում են ՊՈԱԿ-ի կողմից, տեղեկություն էին տարածել, թե իբր «Հայրենիք» կուսակցության զորախումբը, որը ռազմաճակատ էր մեկնել գեներալ-մայոր Արթուր Վանեցյանի հրամանատարությամբ, զենքով լի «ՈՒԱԶ» մակնիշի մեքենա է թողել Շուշիում, և հեռացել: Նման տեղեկատվության հետ ծանոթանալուց հետո միանգամից ակնհայտ է դառնում, որ Նիկոլն արդեն կախվում է փրփուրներից, որպեսզի ևս մի քանի օր հանրությանը կարողանա որոշակի տեսարաններով կերակրի։ Նման պրիմիտիվ մանիպուլյացիաներով Փաշինյանը հերթական անգամ վերահաստատում է, որ ինքը ոչ թե երկիր է ղեկավարում, այլ սովորական շարքային խմբագրություն, իսկ ինքը դասական «մուտիլովշիկի» մակարդակից այդպես էլ չկարողացավ առաջընթաց և զարգացում ունենալ։
Ի դեպ՝ հավելենք, որ «Հայրենիք» կուսակցության պաշտոնական ներկայացուցիչները այս ապատեղեկատվության վերաբերյալ հայտնել էին, որ կեղծ կայքում հրապարակված լուսանկարի մեքենայից իրենցեր զորախումբն ընդհանրապես չի ունեցել, իսկ զորախմբի ամբողջ զինամթերքը Վարդենիսում փաստաթղթավորված հանձնվել է ռազմական ոստիկանությանը: Ասել է, թե Նիկոլի ապիկար թիմը հերթական անգամ փորձեց մանևրել և ստեղծված իրավիճակում շահեկան դիրք ապահովել, բայց դարձյալ հայտնվեց կոտրած տաշտակի առաջ։
Անի Ավագյան
Pressmedia.am
