Ինչպես խոստացել է Գագիկ Ծառուկյանը, մրցանակային ֆոնդն ավելացվել է․ Իվետա Տոնոյան
Քաղաքականություն
Իվետա Տոնոյանը ֆեյսբուքյան իր էջում գրել է․
Սիրելի՛ ընկերներ,
Այսօր լրացավ «Գագիկ Ծառուկյան» բարեգործական հիմնադրամի աջակցությամբ Ուսանողության միջազգային տոնին ընդառաջ հայտարարված «Առաջարկ Հայաստանին» երիտասարդական մրցույթի հայտերի ընդունման վերջնաժամկետը։
Ուրախությամբ ուզում եմ նշել, որ մրցույթի նկատմամբ ցուցաբերվել է աննախադեպ մեծ հետաքրքրություն, ստացել ենք 400-ից ավելի հայտեր Երևանից, Հայաստանի բոլոր մարզերից, Սփյուռքից, և արտերկրի առաջատար համալսարանների ուսանողներից, այդ թվում՝ արտասահմանցի։
Ձևավորվել է ծանրակշիռ, պրոֆեսիոնալ մրցութային հանձնախումբ, որի կազմը լիազորված եմ հրապարակելու ստորև։ Բոլոր հայտերը մանրամասն ուսումնասիրվելու են, իսկ լավագույններն ու ամենահեռանկարայինները կարժանանան դրամական պարգևների։
Ինչպես խոստացել է Գագիկ Ծառուկյանը, մրցանակային ֆոնդն ավելացվել է, և հրապարակված անվանակարգերից զատ, հետաքրքիր գաղափարների և նորարարական լուծումների հեղինակների համար սահմանվել են լրացուցիչ մրցանակներ։
Ուզում եմ ևս մեկ անգամ շեշտել․ բոլոր հետաքրքիր ու գործնական առաջարկները ներառվելու են «Առաջարկ Հայաստանին» ծրագրում` հեղինակների համաձայնությամբ:
Շնորհակալություն համարձակ մտքերի, վստահության և ակտիվ մասնակցության համար։ Միասին ձևավորում ենք մի ծրագիր, որի առանցքում ստեղծարար միտքն է, արդար մրցակցությունը և Հայաստանի ապագայի նկատմամբ հավատը։
Ստորև ներկայացնում եմ հանձնախմբի կազմը՝
ՀՀ նախկին ԱԳ նախարար
«Հայաստանի փոքրիկ երգիչներ» երգչախմբի գեղարվեստական ղեկավար
Ըմբշամարտի օլիմպիական չեմպիոն, աշխարհի քառակի չեմպիոն, Եվրոպայի յոթակի չեմպիոն
Լոնդոնի Օլիմպիական խաղերի ծանրամարտի բրոնզե մեդալակիր, Եվրոպայի չեմպիոն
ՀԱՕԿ նախագահի՝ պատերազմում վիրավորում ստացած զինվորների մարզվելու ու վերականգնվելու հարցերով օգնական, 44-օրյա պատերազմի մասնակից
Բանասիրական գիտությունների թեկնածու, դոցենտ, ՀԱՊՀ ռուսաց լեզվի ամբիոնի վարիչ
Երաժիշտ, երգահան, երաժշտական պրոդյուսեր, Հայաստանի վաստակավոր արտիստ
Երգչուհի
«Առաջարկ Հայաստանին» երիտասարդական մրցույթի հանձնախմբի համակարգող
«Առաջարկ Հայաստանին» երիտասարդական մրցույթի հանձնախմբի քարտուղար, «Հայաստան - Արցախ» համահայկական երիտասարդական միության նախագահ
