Եվրոպայում սրընթացորեն կրճատվում են քաղցրահամ ջրի պաշարները. The Guardian
Ապրելակերպ
2002-2024թթ. արբանյակային նոր տվյալները տագնապալի միտում են ցույց տվել. Եվրոպայում սրընթացորեն կրճատվում են քաղցրահամ ջրի պաշարները, հատկապես ստորգետնյա, գրել է The Guardian-ը։
Հարավային եւ կենտրոնական տարածաշրջաններում, ինչպիսին են Իսպանիան, Իտալիան, ինչպես նաեւ Մեծ Բրիտանիայի որոշ հատվածներում, ստորգետնյա ջրերը ավելի արագ են սպառվում, քան հասցնում են լրացվել՝ կլիմայի փոփոխության համադրման, անբավարար տեղումների եւ չափից ավելի ջրառի պատճառով։
Մասնագետները նշել են, որ գլխավոր խնդիրը տեղումների ռեժիմի փոփոխությունն է եւ չոր շրջանների տեւողության ավելացումը։ Անգամ կայուն ջրաբեր հորիզոնները, որոնց վրա առաջ հենվում էին որպես հուսալի պահուստի, աստիճանաբար սպառվում են։ Դա սպառնալիքի տակ է դնում խմելու ջրով ապահովումը, գյուղատնտեսությունը եւ կայուն էկոհամակարգերը շատ տարածաշրջաններում։
Մի շարք երկրներում ջուրը բնակչության համար ստանում են ստորգետնյա աղբյուրներից։ Այնտեղ, որտեղ ստորգետնյա ջրերի մակարդակն ընկնում է, մեծանում է դեֆիցիտի վտանգը, հատկապես չորային տարածաշրջաններում։
Գիտնականները եւ փորձագետները նախազգուշացնում են․ սովորական միջոցները, ինչպիսին է նոր պահուստարանների եւ ենթակառուցվածքի շինարարությունը, կարեւոր են, բայց դրանք հարյուր տոկոսով չեն լուծում խնդիրը։ Անհրաժեշտ է շտապ վերակողմնորոշում ջրի խնայողական օգտագործման իմաստով, դրա կրկնակի օգտագործում եւ կայուն պլանավորում։
Եթե միջոցներ չձեռնարկվեն, հետեւանքները կարող են լուրջ լինել․ մարդկանց եւ գյուղատնտեսության համար ջրի անբավարարությունից մինչեւ բնապահպանական աղետ, երբ բնական ջրամբարները եւ ընդերքը կչորանան, իսկ անտառները եւ դաշտերը կկորցնեն կայունությունը։
