Ռուսաստանը կդիտարկի Ուկրաինային ծովից կտրելու հարցը, եթե Կիևը շարունակի ծովահենությnւնը ռուսական նավերի դեմ. Պուտին
Քաղաքականություն
Լցանավերի վրա հարձակումները, նույնիսկ ոչ թե չեզոք ջրերում, այլ մեկ այլ պետության՝ երրորդ պետության հատուկ տնտեսական գոտում, ծովահենություն է, հայտարարել է ՌԴ նախագահ Վլադիմիր Պուտինը։
«Եթե սա շարունակվի, մենք կդիտարկենք, չեմ ասում, որ կանենք, բայց կդիտարկենք պատասխան միջոցներ այն երկրների նավերի դեմ, որոնք օգնում են Ուկրաինային այս գործողություններում։ Ամենաարմատական տարբերակը կլինի Ուկրաինային ծովից կտրելը։ Այդ դեպքում նրա համար անհնար կլինի ընդհանրապես զբաղվել ծովահենությամբ», - շեշտել է Պուտինը։
Հիշեցնենք, որ ավելի վաղ Ռուսաստանից Վրաստան արևածաղկի ձեթ տեղափոխող «Midvolga 2» լցանավը Ուկրաինայի կողմից հարձակման է ենթարկվել Թուրքիայի ափից 80 մղոն հեռավորության վրա:
