Դեռ երեկ ՔՊ-ական նախարարները, կտրված լինելով իրականությունից, մեզ անվանում էին «պոպուլիստներ» և հոխորտում, թե թոշակների բարձրացումն անհնար է. Հրայր Կամենդատյան
Քաղաքականություն
Թոշակները կաճեն!!!!!ՀԱՂԹԱՆԱԿԸ ՄԵՐՆ Է. ԻՇԽԱՆՈՒԹՅԱՆ ՆԱՀԱՆՋԸ ԵՎ «ՀԱՅԱՔՎԵԻ» ՀԵՏԵՎՈՂԱԿԱՆՈՒԹՅՈՒՆԸ
Սիրելի՛ հայրենակիցներ, հարգելի՛ թոշակառուներ,
Այսօր մենք ականատես եղանք մի տեսարանի, որը ևս մեկ անգամ ապացուցեց՝ կազմակերպված պայքարն ու ճշմարտությունը ստիպում են նույնիսկ ամենակարծրացած վարչախմբին նահանջել։
Ապրիլի 1-ից թոշակների 10,000 դրամով բարձրացման մասին հայտարարությունը ոչ թե իշխանության բարի կամքն է, այլ «Հայաքվեի» և մեր համատեղ պայքարի առաջին խոշոր հաղթանակը։
Իշխանության կեղծիքը և մեր սկզբունքայնությունը
Դեռ երեկ ՔՊ-ական նախարարները, կտրված լինելով իրականությունից, մեզ անվանում էին «պոպուլիստներ» և հոխորտում, թե թոշակների բարձրացումն անհնար է։ Ի՞նչ փոխվեց մեկ գիշերում։
* Նրանք գիտակցեցին իրականությունը. Տեսան, որ կես միլիոն մարդու հասցրել են աղքատության և սովի եզրին։
* Նրանք վախեցան. Ընտրությունների նախաշեմին կանգնած վարչախումբը հասկացավ, որ իրենց պարտությունն անխուսափելի է, և փորձում են «գնել» ժողովրդի վստահությունը չնչին հավելումներով։
Ինչո՞ւ հենց հիմա և ինչո՞ւ միայն այսքան
Այս 10,000 դրամը ոչ թե հարցի լուծում է, այլ քաղաքական նահանջ։ Մինչ մենք մեկ տարի շարունակ փաստերով ու թվերով ապացուցում էինք, որ թոշակները պետք է բարձրանան առնվազն 50%-ով, իշխանությունը լռում էր։ Նրանք տեղի տվեցին միայն այն ժամանակ, երբ զգացին «Հայաքվեի» հզոր շունչն իրենց թիկունքում։
Մեր պահանջը մնում է անփոփոխ
Մենք չենք բավարարվելու այս կիսատ-պրատ քայլով։ Թոշակառուն պետք է ապրի արժանապատիվ, այլ ոչ թե գոյատևի իշխանության տված «ողորմությամբ»։
* 50% բարձրացում. Սա է այն նվազագույնը, որը թույլ կտա հոգալ տարրական կարիքները։
* Ամենամյա ինդեքսավորում. Գնաճը չպետք է խլի մարդու հացը։
Հարգելի՛ թոշակառուներ,
Այս փոքրիկ հաղթանակը միայն սկիզբն է։ Մենք ապացուցեցինք, որ կարող ենք ստիպել նրանց հաշվի նստել ժողովրդի հետ։ «Հայաքվեն» կանգնած է ձեր կողքին և չի դադարեցնելու պայքարը, քանի դեռ յուրաքանչյուր թոշակառու չի ստացել իր արդար վաստակը։
Պայքարը շարունակվում է, և վերջնական հաղթանակը մերն է լինելու։
502 հազար թոշակառուների անունից պահանջում ենք Արսեն թորոսյանի հրաժարականը։
