Կկարողանանք լավ կյանքի հույսը հետ բերել Հայաստան, կստանանք հասարակության աջակցությունը․ Կարապետյան

Շրջաններում մասսայական գործազրկություն է, մարդիկ ապրում են ուղղակի աշխատույժ արտահանելու վրա։ Մեր երկիրը այսքան տարիների ընացքում չի լուծել տեղում աշխատատեղ ստեղծելու խնդիրը։ Այդ մասին հայտարարել է «Ուժեղ Հայաստան» կուսակցության խորհրդի անդամ Նարեկ Կարապետյանը՝ նշելով, որ երկրի տնտեսական քաղաքականությունը կառուցված է ուղղակի հարկեր հավաքելու վրա։ «Ուժեղ Հայաստան» կուսակցության խորհրդի անդամ Նարեկ Կարապետյանը նշում է՝ հարկային արտոնությունից պետք է օգտվի փոքր բիզնեսը, իսկ երբ փոքր բիզնեսը անցնի միջին բիզնեսի դաշտ, ունենալու է արտոնություններ․

«Մենք պետք է գնանք ոչ թե սահմանափակման, ճնշման ճանապարհով, այլ շահավետ առաջարկ անել՝ ստանալ բիզնես վարկեր և ընդլայնել բիզնեսը» ,- ընդգծել է նա։

Կարապետյանը շեշտում է՝ ամեն տարի գյուղացին մի քանի պրոբլեմի է առերեսվում։ Նա պետք է առանց երաշխավորության, ապահովագրության աճեցնի իր բերքը, գումար հայթայթի, հետո հնարավորություն փորձի գտնել արագ վաճառել շուտ փչացող բերքը․ մի քանի մեծ ռիսկեր կա գյուղացու համար այսօր։ Նարեկ Կարապետյանը որպես լուծում առաջարկում է գյուղացու համար ստեղծել պայմաններ, որ նա լինի արտադրանք ստեղծողը և ոչ վաճառքի մասին մտածողը։

«Եթե մեր հայրենակիցները ցանկանում են ունենալ այն փոփոխությունները, ինչ մենք ենք առաջարկում, պետք է վստահեն տնտեսական մեր ծրագրին, վստահ ենք՝ կկարողանանք հասնել հասարակության նշանակալի մասի աջակցությանը, կկարողանանք հետ բերել Հայաստան հույսը լավ կյանքի»,- եզրափակել է «Ուժեղ Հայաստան» կուսակցության խորհրդի անդամ Նարեկ Կարապետյանը։