Ընտրություններից առաջ իշխանության գլխավոր մտահոգությունը՝ Սամվել Կարապետյանի գործոնը

Գործարար և բարերար Սամվել Կարապետյանն այժմ ի վիճակի է միավորել ուժեղ կառավարություն, որը կարող է հաջողությամբ հաղթահարել առկա մարտահրավերներն ու ճգնաժամերը: Նրա առաջնահերթությունը կլինի երկրի ամրապնդումը և բնակչության սոցիալական վիճակի բարելավումը:

Միաժամանակ քաղաքական դաշտում շարունակում են քննարկվել նաև գործող իշխանության գործելաոճն ու հանրային վարքագիծը։ ՀՀ վարչապետ Նիկոլ Փաշինյանի շուրջ ստեղծվող քննարկումները չեն դադարում նույնիսկ այն ժամանակ, երբ նա երկրում չէ։ Քաղաքական գործիչ Նաիրա Զոհրաբյանի գնահատմամբ՝ վերջին շրջանում վարչապետի և նրա քաղաքական թիմի քայլերը ունեն հստակ քաղաքական հաշվարկ։

«Այն ինչ անում է Նիկոլ Փաշինյանը և իր քաղաքական թիմը ավտոբուսում տժժալը, կուկուռուզ կրծելը, Ֆրանսիայում լրջագույն համաժողովի ժամանակ խնձոր կրծելը ադեկվատ զանգվածին զայրացնում է, բայց Նիկոլի թիրախը ո'չ ես եմ, ո'չ դուք եք, ոչ էլ հասարակության էն հատվածն է, որը որեւէ պարագայում Փաշինյան չի ընտրելու։ Նա ֆանտաստիկ գրագետ աշխատում է իր էլեկտրորատի հետ, որը տեսնում է որ Նիկոլը իր նման է, իրենցից մեկն է։ Փաշինյանը այս քայլերով պեռաշկի փարթիներով, ուզում է ասի Մաուգլիի հայտնի խոսքը` «мы с тобой одной крови», ես ձեզնից մեկն եմ։ Ուստի, ովքեր հռճվում են Նիկոլի այս քայլերի վրա շատ իզուր են դա անում, որովհետեւ ինքը ծայրահեղորեն հարյուր տոկոսանոց ճշգրտությամբ մտածված է գործում և իր էլեկտրորատի համար խիստ թիրախային ու արդյունավետ»,- ՓԱՍՏ-ի հետ զրույցում նշել է Զոհրաբյանը։

Զոհրաբյանի խոսքով Նիկոլի ընտրազանգվածն իր պես թքած ունի, որ տարածաշրջանը պայթում է և վաղը կարող է Իրանի վրա արձակված մի ռումբ պատահական ընկնի Սյունիք, նրանց համար կարեւորը պեռաշկին է, կուկուռուզն ու կրծած խնձորն է։ Նաիրա Զոհրաբյանը մտավախություն ունի որ Նիկոլ Փաշինյանն առաջիկա խորհրդարանական ընտրություններին, որպես իր հիմնական մրցակցի Սամվել Կարապետյանի դեմ անազնիվ խաղեր կարող է խաղալ։

«Մենք տեսանք որ արտաքին հետախուզության վարչությունը հրապարկեց Նիկոլ Փաշինյանի գրած տեքստը, վստահ եմ որ այն գրել է Փաշինյանը, հուսամ գոնե Քրիստինե Գրիգորյանին տվել են, որ գոնե մի հատ կարդա ու ծանոթանա, որտեղ ուղղակիորեն հասկացրեց որ լուրջ վտանգ է սպառնում Սամվել Կարապետյանի քաղաքական ուժին, ընդհուպ չեմ բացառում, որ ընտրական պրոցեսի ինչ-որ իքս պահի, ես կարծում եմ որ իր ինքը դա կանի ամենավերջում, ինչպես որ արեց Սանդուն ընտրական ցուցակից հանելով իր հիմնական մրցակցին, կանի նաեւ Նիկոլը։ Ամեն դեպքում արձանագրելով հականիկոլ ճամբարի քաղաքական ուժերի աշխատանքն այս փուլում, այո, «Մեր ձևով»-ը ճիշտ թիրախ է ընտրել սոցիալական խնդիրները, որովհետեւ այսօր մեր հասարակության հիմնական խնդիրները գործազրկությունն է, թանկացումներն են, աշխատատեղերի խնդիրն է, այս ամենը շատ կարեւոր է։ Բայց նաեւ բոլոր այն քաղաքական ուժերը, որ գնալու են ժողովրդի քվեն խնդրեն պետք է կարողանան ներկայացնել անվտանգային համակարգը ինչպես են տեսնում և ինչ են անելու Ադրբեջանի, Թուրքիայի, ԱՄՆ-ի, ՌԴ-ի հետ մեր հարաբերություններում, եթե գան իշխանության։ Ընդհանուր ձևակերպումները բավարար չեն, կոնկրետ ճանապարհային քարտեզ է պետք, որովհետեւ Նիկոլը հասարակությանը կերակրել է, որ եթե մենք չլինենք կլինի պատերազմ։ Ես կարծում եմ նաեւ ընդդիմադիր դաշտի ու առաջին հերթին հենց Սամվել Կարապետյանի, որպես այս պահին հիմնական ընդդիմադիր ուժի, առանցքային խնդիրներից մեկը պետք է լինի կոտրել այդ ֆեյք միֆը։ Ըստ իմ դիտարկումների այդ ֆեյք պատերազմի սարսափը, որը Փաշինյանը ներշնչում է մարդկանց հավատացնում եմ ձեզ, ստիպելու է մարդկանց կամ չգնալ ընտրության, մնալով պասիվ ու նվազեցնելով մասնակցության թիվը, ինչը կլինի հօգուտ ռեժիմի կամ նորից ընտրելու են այս ռեժիմին, մտածելով որ մյուսները պատերազմ են բերելու»,- եզրափակել է Նաիրա Զոհրաբյանը։

Քաղաքական գործընթացների այս փուլում ընդդիմադիր դաշտում առանձնանում է նաև «Ուժեղ Հայաստան» կուսակցության դիրքավորումը։ Քաղաքական այս միավորն իրեն ներկայացնում է որպես այլընտրանքային ուժ, որը փորձում է առանձնանալ թե՛ նախկին, թե՛ գործող քաղաքական համակարգերից։ Կուսակցության ներկայացրած ծրագիրը, ըստ համախոհների, առանձնանում է ընդգրկուն և բազմաշերտ մոտեցմամբ՝ առաջնահերթություն տալով տնտեսական խնդիրների լուծմանը։

Տնտեսական զարգացումը ներկայացվում է որպես երկրի առաջընթացի հիմնական հիմք։ Սամվել Կարապետյանի թիմը հայտարարում է, որ պատրաստ է առաջարկել կոնկրետ քայլեր, որոնք կարող են բարելավել երկրի տնտեսական վիճակը, խթանել ներդրումները և նպաստել սոցիալական խնդիրների լուծմանը։ Ըստ նրանց՝ տնտեսական կայունության ապահովումը կարող է դառնալ նաև հասարակության վստահության վերականգնման և երկրի երկարաժամկետ զարգացման կարևոր նախապայման։