«Մանչեսթեր Յունայթեդը» ամռանը կարող է ձեռք բերել Գերմանիայի ազգային հավաքականի պաշտպան Դավիդ Ռաումին
Սպորտ
«Մանչեսթեր Յունայթեդը» գալիք ամռանը կարող է ձեռք բերել Գերմանիայի ազգային հավաքականի և «ՌԲ Լայպցիգի» ձախ պաշտպան Դավիդ Ռաումին։ Այս մասին X-ի իր էջում հայտնում է հայտնի մարզական լրագրող Էքրեմ Քոնուրը։
Ըստ աղբյուրի՝ 27-ամյա ֆուտբոլիստի հնարավոր տեղափոխությունն անգլիական ակումբ կարող է արժենալ շուրջ 30 մլն ֆունտ ստերլինգ (մոտ 34,8 մլն եվրո):
Ընթացիկ մրցաշրջանում Ռաումը բոլոր մրցաշարերում մասնակցել է 28 հանդիպման՝ դառնալով 3 գոլի և 7 գոլային փոխանցման հեղինակ։ Պաշտպանի գործող պայմանագիրը գերմանական ակումբի հետ նախատեսված է մինչև 2027 թվականի ամառը։
Transfermarkt պորտալի տվյալներով՝ ֆուտբոլիստի տրանսֆերային արժեքը գնահատվում է 20 միլիոն եվրո։
Հավելենք, որ Գերմանիայի ազգային հավաքականի կազմում Ռաումն անցկացրել է 34 հանդիպում, որոնցում խփել է 1 գոլ և կատարել 7 արդյունավետ փոխանցում։
