Ռուսաստանը բազմաթիվ անհամաձայնություններ ունի ԱՄՆ վարչակազմի հետ․ անհրաժեշտ է քննարկել, թե ինչպես են նրանք պատկերացնում Մոսկվայի հետ տնտեսական հարաբերությունների ապագան․ Լավրով
Քաղաքականություն
Ռուսաստան-Չինաստան հարաբերություններում միակողմանի կախվածություն չկա, առևտրային և էներգետիկ կապերը հավասարակշռված են, այս մասին հայտարարել է ՌԴ ԱԳ նախարար Սերգեյ Լավրովը՝ Անթալիայի դիվանագիտական ֆորումում։
«Իրանում ԱՄՆ գործողության նպատակներից մեկը Հորմուզի նեղուցով անցնող նավթի վրա վերահսկողություն հաստատելն էր»,-նշել է Լավրովը՝ խոսելով ԱՄՆ-Իրան հակամարտության մասին։
Նա նշել է, որ ՆԱՏՕ-ն լավագույն վիճակում չէ այժմ, բայց Ռուսաստանը չի միջամտում դաշինքի ներքին գործերին։ Լավրովը հավելել է, որ Եվրոպայում շրջանառվում է նոր ռազմական դաշինքի գաղափարը և Ուկրաինան կլինի դրա մաս, բայց նույնիսկ այս նոր դաշինքը կլինի ագրեսիվ։
«Ռուսաստանը բազմաթիվ անհամաձայնություններ ունի ԱՄՆ վարչակազմի հետ մի շարք երկկողմ հարցերի և պատժամիջոցների վերաբերյալ, և անհրաժեշտ է քննարկում այն մասին, թե ինչպես են նրանք պատկերացնում Մոսկվայի հետ տնտեսական հարաբերությունների ապագան»,-նշել է նա։
