Մահացու որս. միլիոնատեր որսորդին փղերը ոտնակոխ են արել Աֆրիկայում՝ սաֆարիի ժամանակ

75-ամյա ամերիկացի միլիոնատեր և որսորդ Էրնի Դոզիոն, որը հայտնի էր գավաթների որսի հանդեպ իր կրքով և Կալիֆոռնիայում գինեգործարան ունենալու իր սեփականությամբ, ողբերգականորեն մահացել է Գաբոնում, հաղորդում է NYP-ն։

Ըստ աղբյուրների՝ նա աֆրիկյան անտառում էր պրոֆեսիոնալ ուղեկցորդի հետ՝ մասնակցելով մոտ 40,000 դոլար արժողությամբ թանկարժեք որսորդական սաֆարիի։ Նրանց թիրախը փոքրիկ այծքաղն էր, բայց իրավիճակը դուրս է եկեկ վերահսկողությունից, երբ խումբը հանդիպել է անտառային փղերի հոտի, որոնք ձագերի հետ էին։

Ըստ ականատեսների՝ կենդանիները զգացել են սպառնալիքը և անմիջապես հարձակում են սկսել։ Խիտ անտառում տեսանելիությունը չափազանց սահմանափակ էր, և որսորդները ուշ են նկատել մոտեցող փղերին։ Հարձակման հետևանքով Դոզիոն մի կողմ է շպրտվել և ոտնակոխ է արվել մի քանի կենդանիների կողմից։ Ուղեկցորդը նույնպես լուրջ վնասվածքներ է ստացել և կորցրել է զենքը։

Իրավիճակին ծանոթ աղբյուրները նշում են, որ ամեն ինչ տեղի է ունեցել արագ՝ «կարծես կենդանիները հայտնվել են անսպասելի»։ Ընդգծվում է, որ որսորդներն ունեցել են միայն թեթև զենքեր, որոնք անօգուտ են եղել զայրացած հոտի դեմ։

Ողբերգության հեգնանքն այն է, որ Դոսիոն ինքը հայտնի էր որպես փորձառու գավաթակիր որսորդ։ Իր կյանքի ընթացքում նա մասնակցել է բազմաթիվ սաֆարիների Աֆրիկայում և Միացյալ Նահանգներում և, ըստ ընկերների, ուներ գավաթների հավաքածու, որը ներառում էր փղեր, առյուծներ, ռնգեղջյուրներ և այլ խոշոր կենդանիներ։

Նա գինեգործարան ուներ Կալիֆոռնիայում և համարվում էր որսորդական շրջանակներում ականավոր դեմք։ Սակայն ընկերները նրան նկարագրում են որպես «պարզ գյուղացի», որը ակտիվորեն ներգրավված էր բարեգործական աշխատանքներում և տեղական համայնքում։

Այնուամենայնիվ, աֆրիկյան սաֆարին նրա վերջինն էր։ Նրա մարմինը պատրաստվում է հայրենադարձվել Միացյալ Նահանգներ, որտեղ նա ապրում էր իր ընտանիքի հետ։