Ինչպես ասում են՝ ուժեղ մարդիկ լուծումներ են փնտրում, տգետները՝ մեղավորներ
Քաղաքականություն
Պարզվեց՝ քայլիստները ոչ թե երազում էին հովանավորչությունն ու կոռուպցիան վերացնեն, այլ ուզում էին, որ իրենք զբաղվեն հովանավորչությամբ ու կոռուպցիայով: Կարճ ասած դասական սխեման է՝ ստրուկը երազում է ոչ թե ազատության, այլ սեփական ստրուկների մասին:
Հիմա նույն պատմությունն է՝ քանի օր է Աբովյան քաղաքի №1 դպրոցում աշակերտները և նրանց ծնողները իրենց ու իրենց զավակների արժանապատվության համար բողոքի ձայն են բարձրացրել, խաղաղ ակցիաներ են իրականցնում, որովհետև ինչ-ինչ մախինացիաներով ու մութ պատմություններով դպրոցում նշանակվել է այլ տնօրեն, որը, ըստ լուրերի, Կոտայքի նախկին մարզպետ Ռոմանոս Պետրոսյանի կնոջ ընկերուհին է: Ծնողներն ու աշակերտները հիմա էլ ստիպված պայքարում են քայլիստների խնամի-ծանոթ-բարեկամ կապերի դեմ: Նոր տնօրենը դպրոցի համար այքան անընդունելի կերպար է, որ, ըստ որոշ լուրերի, դպրոց ոստիկանների ուղեկցությամբ է գալիս և հեռանում:
Կարճ ասած՝ դպրոցի չի թողել, որ իրենց երեխաների հաշվին քայլիստները ինքնահաստատվեն ու այս մի գործարքը նրանց կոկորդին է կանգնել: Եվ, անակնկալ, քայլիստները կրկին այլ մեղավոր են գտել իրենց ապօրինի ուտելիքն արդարացնելու համար՝ կրկին Գագիկ Ծառուկյան: Այս ամենը ծիծաղելու կլիներ, եթե սրանք մեր երկրի ղեկավարները չլինեին ու մեր ճակատագիրը չորոշեին:
Դե արի սրանց բացատրի, որ այս խնդիրը ընդհանրապես Գագիկ Ծառուկյանի մասշտաբի հարց չէ, որ մի հատ էլ նա խառնվի: Երրորդն էկ՝ պարոնայք, բռնվել եք հովանավորչության ու ապօրինության մեջ տնօրենի աթոռին ԽԾԲ խցկելով:
Եվ ուրեմն, եթե դուք իրոք գոնե մի քիչ «դուխ»-ի կրող եք, գնացեք Աբովյանի №1 դպրոց, տեսեք, թե ինչումն է խնդիրը, խոսեք ծնողների հետ: Չնայած՝ դուք մարդկանց աչքերի մեջ նայելու տեղ էլ չեք թողել, ոնց գնաք, ոնց բացատրեք, որ ձեր ծանոթին գործ էր պետք, պետք է տնօրեն սարքեիք իրենց երեխաների կրթության հաշվին:
