Երկիրը պատերազմում պարտության տանելուց հետո հերթը տնտեսությունը ոչնչացնելուն է հասել. Այս իշխանությունները բոլոր կարմիր գծերը անցել են
Քաղաքականություն
Ուրեմն այս կիսագրագետ իշխանությունների վարած քաղաքականության հետևանքով մենք երկիր ենք տանուլ տալիս, ժողովուրդ, իսկապես երկիր ենք կորցնում: Մենք արդեն տանուլ ենք տվել պատերազմը, որի պատճառներին հետո գնահատական կտրվի հաստատ, բայց նաև հենց հիմա, հենց այս պահին, այս իշխանությունները ոչնչացնում են հայկական տնտեսությունը:
Միացրեք նայեք խորհրդարանական ամենամեծ ընդդիմությւան՝ ԲՀԿ նախագահ Գագիկ Ծառուկյանի հարցազրույցը: Նայեք, թե ինչ կշռադատված փասրատրկներով ապացուցում է այս անմեղսունակների սխալ տնտեսական քաղաքականությունը:
Իսկապես, ինչպե՞ս կարող է մի երկրում, որտեղ բնակչության մեծ մասը զբաղված է գյուղատնտեսությամբ, չլինի գյուղատնտեսության նախարարություն: Սա աբսուրդ որոշում էր, որի հետևանքները, ծանր հետևանքները գյուղացին և սպառողը սկսում են իրենց մաշկի վրա զգալ: Պետություն, փոխարենը ամեն գնով սատար կանգներ գյուղացուն, բռնեց ու փակեց գյուղատնտեսության նախարարությունը: Անունն էլ օպտիմալացում դրեց, թե բա փող ենք տնտեսում: Ուրեմն գյուղացու հաշվին փող ես տնտեսում, որ աստղաբաշխական պարգևավճարներ բաժանե՞ք իրար մեջ:
Հաջորդ փուչիկը, որի մասին խոսեցին և՛ Գագիկ Ծառուկյանը, և՛ ԲՀԿ պատգամավոր Միքայել Մելքումյանը, եվրոբոնդերի թողարկումն է: Ուրեմն 750 մլն. դոլարի եվրոբոնդ են թողարկել, ու դա ներկայացնում են իբրև մեծագույն հաղթանակ, որ երբևիցե կարող էր լինել: Մինչդեռ պարզվում է՝ եվրոբոնդերը թողարկել են 3.9 տոկոսով, մինչդեռ աշխարհում 0-ից-1 տոկոսով է դա թողարկվում. Իսկ թողարկվել են դրանք, ՈՒՇԱԴՐՈՒԹՅՈՒՆ, որպեսզի աշխատավարձ ու թոշակ բաժանեն: Այսինքն երկրի ներսում փող չկա, արտաքին պարտք են անում, որ աշխատավարձ բաժանեն, հասկանու՞մ եք, իսկ արտաքին պարտքն էլ սրանք հասցրել են 9 միլիարդ դոլարի:
Մի խոսքով, Նիկոլի ու իր կիսագրագետների օր առաջ հեռացումը ոչ թե անհրաժեշտություն է, այլ հրամայական: Կա՛մ իրենք կշարունակեն պետական պարտք կուտակել ու բոլ-բոլ պարգևավճար ստանալ, կա՛մ Հայաստան պետությունը փրկվելու շանս կստանա:
