Ջենիֆեր Լոպեսը խոսել է բեմում տեղի ունեցած «մղձավանջի» մասին
Ֆոտո
Ջենիֆեր Լոպեսը պատմել է անցյալ ամռանը Ալմաթիում կայացած համերգի ժամանակ տեղի ունեցած տհաճ միջադեպի մասին։ Նա իր հիշողությունները կիսվել է SmartLess փոդքասթում։ Լոպեսի խոսքով՝ դա տեղի է ունեցել շոուի ավելի հանգիստ պահերից մեկում։ Նա իսպաներենով դանդաղ երգ էր կատարում, երբ նկատել է հանդիսատեսի տարօրինակ արձագանքը։
«Մութ էր, միայն մեկ լուսարձակ էր փայլում ինձ վրա։ Ես երգում էի, և հանկարծ հանդիսատեսը սկսեց գոռալ։ Սովորաբար հանդիսատեսը արձագանքում է այս պահին, քանի որ երգը դանդաղ է, բայց չափազանց շատ գոռոցներ կային», - հիշում է երգչուհին։
Սկզբում Ջենիֆերը չէր հասկանում, թե ինչ է կատարվում։ Սակայն շուտով նա զգաց, որ ինչ-որ բան սողում է իր պարանոցին։
«Իմ պարանոցին հսկայական միջատ կար։ Ես փորձեցի անշարժ մնալ և ավարտել երգի վերջին տողը», - ասաց նա։
Հետագայում պարզվեց, որ չհրավիրված հյուրը ծղրիդ էր։ Լոպեսի խոսքով՝ միջատն այնքան մեծ էր, որ երբ թռավ դեպի լուսարձակը, այն նմանվեց փոքրիկ ուղղաթիռի։
«Դա խելագարություն էր։ Եթե ես անմիջապես հասկանայի, թե ինչ կար պարանոցիս վրա, հավանաբար կսկսեի գոռալ», - խոստովանեց արտիստը։
Դեպքը տեղի է ունեցել Up All Night: Live in 2025 շրջագայության ժամանակ։ Անսպասելի իրավիճակին չնայած՝ Լոպեսը պահպանեց իր հանգստությունը և շարունակեց ելույթ ունենալ, և այդ պահի տեսանյութը ավելի ուշ տարածվեց սոցիալական ցանցերում։
