Ռուսաստանին պետք է Եվրոպայի հետ փոխգործակցության նոր ձևաչափեր մշակի․ ՌԴ ԱԳՆ
Քաղաքականություն
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ռուսաստանի Դաշնության արտաքին գործերի նախարարության հատուկ հանձնարարություններով դեսպան Ալեքսանդր Տրոֆիմովը հայտարարել է, որ Ուկրաինայում նպատակներին հասնելուց հետո Ռուսաստանը պետք է անվտանգության ոլորտում եվրոպական երկրների հետ փոխգործակցության նոր ձևաչափեր մշակի։
«Վալդայ» միջազգային քննարկումների ակումբի փորձագիտական երկխոսության շրջանակներում «ՏԱՍՍ»-ին տված հարցազրույցում դիվանագետը հղում է արել ՌԴ արտաքին գործերի նախարար Սերգեյ Լավրովի «Ուկրաինան, Եվրոպան և գլոբալ անվտանգությունը» հոդվածին՝ ընդգծելով, որ Ուկրաինայի շուրջ ճգնաժամն, իր գնահատմամբ, «հրահրվել է արևմտյան կողմից» և անցել սուր փուլի։
«Հատուկ ռազմական գործողության նպատակները, անշուշտ, կիրագործվեն։ Իսկ հաջորդ փուլում անհրաժեշտ կլինի մտածել անվտանգության ոլորտում եվրոպական երկրների հետ փոխգործակցության սխեմաների մասին և դիտարկել, թե ինչպես են դրանք տեղավորվում ընդհանուր եվրասիական համատեքստում՝ մեր եվրասիական ճարտարապետության մեջ»,- նշել է Տրոֆիմովը։
Նրա խոսքով՝ նման քննարկումների հանդեպ հետաքրքրություն են ցուցաբերում Եվրոպայի առանձին պետություններ, այդ թվում՝ Հունգարիան և Սերբիան, որոնք նախկինում մասնակցել են եվրասիական անվտանգության հարցերի շուրջ բանավեճերին։ Դիվանագետը հավելել է, որ նման նախաձեռնությունները դուրս են գալիս միայն այդ երկրների շրջանակից և ավելի լայն հետաքրքրվածություն են արտացոլում։
Հետևեք մեզ՝ այստեղ
