Ալիևը կրկին խոսում է «միջանցքից»․ Հայաստանի էներգետիկ կախվածության նոր վտանգը
Քաղաքականություն
Մինչ Հայաստանում իշխանությունը բարեվարքության «կեղծ» կանոններ է սահմանում և աշխատելու իմիտացիա ստեղծում, «հարևան» խաղաղապահ Ալիևը պարապ չի նստում. ադրբեջանական պետական հեռուստաընկերությանը տված նոր հարցազրույցում խոսել է Հայաստանի սուվերեն տարածքով «նոր տեսակի միջանցքի» մասին։ Այս անգամ նա արդեն նախազգուշացնում է Հայաստանի ապագա «էներգետիկ ճգնաժամի» մասին՝ անդրադառնալով Մեծամորի ատոմակայանի հնարավոր փակմանը. «Զանգեզուրի միջանցքի» վերաբերյալ հռետորաբանության վերականգնման ու Ադրբեջանի կողմից էլեկտրաէներգիա մատակարարելու առաջարկի հետ միասին՝ այս ամենն արդեն ոչ թե տարածաշրջանային համագործակցություն է ենթադրում, այլ ըստ էության, կախվածության ևս մեկ նախադրյալի ստեղծում։
Եվ երբ այս մասին «համարձակվենք» խոսել ու ահազանգել՝ պատռելով կեղծ խաղաղարարների դիմակը և ցրելով մտացածին խաղաղության միֆը, վայ-քաղաքագետները, մերձիշխանական պրոպագանդիստներն ու կոնֆորմիստ ՀԿ-ական դիալոգ վարողները կգոչեն «սուտ է, չկա տենց բան», փաստացի կպաշտպանեն Ալիևի հերթական՝ հակահայկական հայտարարությունն ու կլղոզեն նրա հետևողականությունը՝ ոտնձգություններ թույլ տալու Հայաստանի սուվերեն տարածքների և ռազմավարական նշանակության օբյեկտների նկատմամբ։
