Ես շատ հպարտ եմ իմ տղեքով, իրանց ցավը տանեմ․ Եղիշե Մելիքյան
Սպորտ
Ֆուտբոլի Հայաստանի ազգային հավաքականի գլխավոր մարզիչ Եղիշե Մելիքյանը հետխաղային ասուլիսում մեկնաբանել է Չեռնոգորիայի թիմի հետ 0:0 հաշվով ոչ-ոքին։
«Ես շատ հպարտ եմ իմ տղեքով, իրանց ցավը տանեմ։ Մենակ ես գիտեմ՝ ոնց է թիմը տանջվելով չորրորդ խաղին մոտիկացել, վնասվածքներով, ու մենք շատ բան ապացուցեցինք։ Տղեք կային, որ ցավերով խաղից առաջ մոտիկանում էին ինձ, ասում էին՝ մենք պատրաստ ենք, ես պատրաստ եմ։ Առաջինը՝ մեր թիմի ավագը, արդեն չորրորդ խաղն է՝ ցավերով խաղում է։ Այ դա է լիդերը, թիմի ավագը։ Ու մնացածը, էլի տղեք կան, չեմ ուզի առանձնացնել անուններ։ Բայց հալալ լինի մեր տղերքին։ Կարգապահություն, նվիրվածություն, բնավորություն՝ էն ամենը, որ ես ուզում էի տեսնեյի հավաքականից, տեսա։
Ես իմ տղերքին հավատում եմ, ու ես կգնամ ամեն ռիսկի, որ ապացուցեմ՝ մերոնք լավն են։Շնորհակալ եմ մեր երկրպագուներին, որ դժվար, երկար ճանապարհ են անցել ու կանգնած էին մինչեւ վերջ մեր կողքին, ու մենք դա նկատում էինք։ Շնորհակալ եմ բոլորին։ Այս թիմն ունի ապագա, այս թիմը լավն է, երիտասարդ է։ Պետք է բոլորս հավատանք մեր թիմին ու միասին շարժվենք առաջ»,- ասել է Եղիշե Մելիքյանը։
Հետևեք մեզ՝ այստեղ
