Վերին Լարսի անցակետում Վրաստան մուտք գործելուն է սպասում է ավելի քան 800 բեռնատար

Վերին Լարսի սահմանային անցակետում Վրաստան մուտք գործելուն սպասում է ավելի քան 800 բեռնատար ավտոմեքենա։ Այս մասին նշված է գրանցման ռուսական էլեկտրոնային համակարգի կայքում։

Մասնավորապես, Թբիլիսիի ժամանակով 12:00-ի դրությամբ հերթում ընդհանուր առմամբ կանգնած էր 803 ավտոմեքենա։ Դրանցից 593-ը հերթում են, իսկ 210 ավտոմեքենա կայանված է այսպես կոչված «կանաչ գոտում» և սպասում է հետագա անցմանը։

Հատկանշական է, որ առավոտյան ժամերին դրանց քանակը գերազանցում էր 1000-ը։ Մասնավորապես, Թբիլիսիի ժամանակով առավոտյան 08:00-ի դրությամբ էլեկտրոնային հերթում կար 623, իսկ «կանաչ գոտում» կայանված էր 462 ավտոմեքենա։

Մեկ շաբաթ առաջ Վերին Լարսում ռուսական կողմից Վրաստանի սահմանն անցնելու համար իրենց հերթին սպասում էր գրեթե երեք անգամ քիչ՝ մասնավորապես 340 ավտոմեքենա։

Նշենք․ եթե ավտոմեքենան գտնվում է «դեղին գոտում», ապա պետք է ուղղվի դեպի կայանման գոտի (այսինքն՝ Արխոնսկոյե խճուղու վրա գտնվող ավտոկայանատեղի), իսկ «կանաչ գոտի» տեղափոխվելուց հետո պետք է լքի կայանման գոտին և շարունակի ճանապարհը դեպի անցակետ՝ սահմանը հատելու համար։

Հետևեք մեզ՝ այստեղ