Ռուսաստանն ու Ղրղզստանը քննարկել են արտադրական համագործակցության ընդլայնումը ԵԱՏՄ շրջանակում

Ռուսաստանի փոխվարչապետ Ալեքսեյ Օվերչուկը հանդիպել է Ղրղզստանի Նախարարների կաբինետի նախագահի առաջին տեղակալ Դանիյար Ամանգելդիևի հետ։

Հանդիպման ընթացքում քննարկվել են երկկողմ առևտրատնտեսական համագործակցության արդիական հարցեր, այդ թվում՝ արդյունաբերական կոոպերացիայի և մաքսային համագործակցության զարգացման հեռանկարները։

Առանձնահատուկ ուշադրություն է դարձվել երկու երկրների ձեռնարկությունների միջև արտադրական կապերի ընդլայնմանը, համատեղ կոոպերացիոն նախագծերի իրականացմանը, ինչպես նաև ԵԱՏՄ անդամ երեք և ավելի պետությունների մասնակցությամբ կայուն անդրսահմանային արտադրական շղթաների ձևավորման համար պայմանների ստեղծմանը։

Կողմերն անդրադարձել են նաև մաքսային վարչարարության կատարելագործման, տեղեկատվական փոխգործակցության զարգացման և մաքսային ծառայությունների աշխատանքի արդյունավետության բարձրացման հնարավորություններին։

Հանդիպման մասնակիցներն ընդգծել են Եվրասիական տնտեսական միության շրջանակում համակարգված աշխատանքի կարևորությունը՝ համատեղ նախաձեռնությունների իրականացման, արդյունաբերական ներուժի զարգացման և կայուն տնտեսական աճի ապահովման գործում։

Հետևեք մեզ՝ այստեղ