Լրահոս
Կարևոր

«Վարչապետին` պահանջ. անցկացրե՛ք Ազգային ժողովի արտահերթ ընտրություններ, և միայն այդ ընտրությունների արդյունքների հիման վրա կորոշվի` իրականացնե՞լ «Թրամփի ուղին», թե՞ ոչ, անցկացնե՞լ սահմանադրական հանրաքվե՞ն, թե՞ ոչ». Խաչիկ Ասրյան

Քաղաքականություն
Վարչապետին՝ պահանջ․ անցկացրե՛ք Ազգային ժողովի արտահերթ ընտրություններ, և միայն այդ ընտրությունների արդյունքների հիման վրա կորոշվի՝ իրականացնե՞լ «Թրամփի ուղին», թե՞ ոչ, անցկացնե՞լ սահմանադրական հանրաքվեն, թե՞ ոչ

2026 թվականի հունիսի 7-ին Հայաստանում տեղի ունեցած Ազգային ժողովի ընտրությունների արդյունքներով ձևավորված իշխանությունը չի ստացել ընտրողների ձայների 50 տոկոսից ավելի քվեն և չունի սահմանադրական մեծամասնություն։

Հետևաբար, այն չի ստացել Հայաստանի իշխանությունը լեգիտիմորեն ստանձնելու համար անհրաժեշտ մանդատը։

Հայաստանի ապագային վերաբերող վճռորոշ հարցերի շուրջ հայ ժողովրդի անունից որոշումներ կայացնելու համար անհրաժեշտ է հայ ժողովրդի նոր, հստակ և գիտակցված կամարտահայտությունը։
Ուստի այսօր Հայաստանի քաղաքական թիվ մեկ օրակարգը պետք է լինի Ազգային ժողովի արտահերթ ընտրությունների անցկացումը, որպեսզի հայ ժողովուրդն իր ազատ կամքով և գիտակցված ընտրությամբ որոշի Հայաստանի ապագան։

Հայաստանի ինքնիշխանության, տարածքային ամբողջականության, ազգային անվտանգության, Սահմանադրության, Ադրբեջանի ու Թուրքիայի հետ հարաբերությունների հետ կապված հարցերում հայ ժողովուրդն ունի ոչ միայն իր դիրքորոշումն արտահայտելու իրավունք, այլև որոշումներ կայացնելու բացառիկ իրավունք և պատասխանատվություն։

Ուստի ովքե՞ր իրավունք ունեն խոսելու Հայաստանի, Արցախի և ամբողջ հայ ժողովրդի անունից, ինչպես նաև խոսելու նրանց մասին և նրանց անունից պահանջներ ներկայացնելու Հայաստանի իշխանությանը։ Միանշանակ՝ այն մարդիկ, կրկնում եմ՝ ԱՅՆ ՄԱՐԴԻԿ, ովքեր Հայաստանի, Արցախի և հայ ժողովրդի դեմ թշնամու կողմից սանձազերծված պատերազմների ժամանակ կամավոր հիմունքներով մեկնել և մասնակցել են այդ պատերազմներին, հատկապես՝ 44-օրյա պատերազմին, իրենց կյանքը գիտակցաբար դնելով Հայրենիքի պաշտպանության զոհասեղանին, միշտ պաշտպանել են Հայաստանը, Արցախն ու հայ ժողովրդին և ԱՍՏԾՈՒ կամքով ողջ մնացել։

Եվ, ուրեմն, ես՝ 44-օրյա, Ապրիլյան և Արցախյան պատերազմներին կամավոր մասնակից, «Նժդեհյան Գայլախումբ» և «Հայոց Արծիվներ» կամավորական մարտական ջոկատների հիմնադիր հրամանատար

Խաչիկ Ասրյանս՝

Պահանջում եմ վարչապետ Նիկոլ Փաշինյանից՝ անցկացնել Ազգային ժողովի արտահերթ ընտրություններ՝ հայ ժողովրդին հնարավորություն տալով ազատ և ժողովրդավարական քվեարկությամբ որոշելու՝ հայ ժողովուրդն ընդունո՞ւմ է արդյոք Հայաստանի ապագայի վերաբերյալ Հայաստանի գործող իշխանության որդեգրած ռազմավարությունը՝ այդ թվում՝ «Թրամփի ուղի» ծրագրի իրականացումը և Հայաստանի Սահմանադրության փոփոխությունը՝ այդպիսով Հայաստանի գործող իշխանությանը տալով Հայաստանի իշխանությունը լեգիտիմորեն ստանձնելու համար անհրաժեշտ մանդատը, թե՞ մերժում է այդ մանդատը։

Եթե Հայաստանի իշխանությունը՝ ի դեմս վարչապետի, վստահ է, որ իր որդեգրած ռազմավարությունն արտահայտում է հայ ժողովրդի կամքը, ապա այդ վստահությունը պետք է հաստատի ժողովրդավարական ճանապարհով՝ Ազգային ժողովի արտահերթ ընտրությունների միջոցով։

Թո՛ղ Ազգային ժողովի արտահերթ ընտրությունները դառնան ոչ թե Հայաստանի գործող իշխանության վերարտադրության կամ ընդդիմության քաղաքական հաշվարկների իրականացման գործիք, այլ հայ ժողովրդի՝ Հայաստանի Հանրապետության ապագան ազատ կամքով և գիտակցված ընտրությամբ որոշելու իրական միջոց։

Միաժամանակ հստակ ընդգծում եմ, որ Ազգային ժողովի արտահերթ ընտրությունների արդյունքում Հայաստանի իշխանությունը լեգիտիմորեն ստանձնելու համար անհրաժեշտ մանդատ ստացած քաղաքական ուժը կարող է որոշում կայացնել «Թրամփի ուղի» ծրագրի իրականացման վերաբերյալ, սակայն այդ մանդատը երբեք չի կարող ո՛չ այդ քաղաքական ուժին, ո՛չ էլ որևէ այլ քաղաքական ուժի իրավունք տալ սահմանափակելու կամ զիջելու Հայաստանի Հանրապետության ինքնիշխանությունը։

Հայաստանի Հանրապետության տարածքով անցնող ցանկացած ճանապարհ պետք է գտնվի Հայաստանի Հանրապետության լիակատար ինքնիշխանության ներքո՝ Հայաստանի սահմանային և մաքսային վերահսկողությամբ։ Հետևաբար, իմ հստակ դիրքորոշումն է՝ «Թրամփի ուղի» ծրագրի իրականացումն իր ներկայիս բովանդակությամբ անընդունելի է, իսկ Հայաստանի ազգային-պետական շահին համապատասխանող, սկզբունքորեն այլ բովանդակությամբ ճանապարհային ծրագիրը կարող է իրականացվել միայն Հայաստանի Հանրապետության լիակատար ինքնիշխանության ներքո և բացառապես «Հայկական ուղի» անվամբ։

Այո՛, հայ ժողովուրդն իր ազատ կամքով և գիտակցված ընտրությամբ պետք է որոշի Հայաստանի ապագան, բայց ո՛չ երբեք Հայաստանի ինքնիշխանության հաշվին։

Հայ ժողովրդի տված մանդատը Հայաստանի ինքնիշխանությունը սահմանափակելու կամ զիջելու թույլտվություն չէ՛։ Եվ վե՛րջ։

ԽԱՉԻԿ ԱՍՐՅԱՆ

1988 թվականի մայիսից մինչև 1991 թվականի մայիսը (3 տարի) ծառայել է Խորհրդային բանակում՝ Հեռավոր Արևելքում՝ Խաղաղօվկիանոսյան ռազմածովային ուժերի ծովային հետևակում։

1992–1994 թվականներին 30 հոգանոց իր քաջերի՝ «Նժդեհյան Գայլախումբ» կամավորական մարտական ջոկատով, հերոս գնդապետ Ռեմիկ Մարդանյանի հրամանատարության ներքո, կամավոր մասնակցել է Արցախյան պատերազմին՝ Քաշաթաղի (Լաչինի) հարավարևելյան հատվածում, ինչպես նաև մասնակցել է Գորիսի և Կապանի պաշտպանությանը։

2016 թվականի ապրիլի 3-ից մինչև ապրիլի 29-ը 60 հոգանոց իր քաջերի՝ «Հայոց Արծիվներ» կամավորական մարտական ջոկատով, ՀՀ ՊՆ 1-ին բանակային կորպուսի հերոսական հրամանատարության ներքո, կամավոր մասնակցել է Ապրիլյան պատերազմին՝ Արցախի Ջրականի (Ջաբրայիլի) հատվածում։

2020 թվականի սեպտեմբերի 29-ից մինչև հոկտեմբերի 29-ը 100 հոգանոց իր քաջերի՝ «Հայոց Արծիվներ» կամավորական մարտական ջոկատով, ԱՀ ՊԲ Մարտունու 2-րդ պաշտպանական շրջանի հերոսական հրամանատարության ներքո, կամավոր մասնակցել է 44-օրյա պատերազմին։ Իր քաջերի ջոկատով պաշտպանել և անառիկ է պահել Արցախի Մարտունի և Ճարտար քաղաքներն ու հարակից գյուղերը, մերժել է հետնահանջի հրամանը, չի նահանջել և ԱՍՏԾՈՒ կամքով ողջ է մնացել։

«Մարտական Խաչ» 1-ին աստիճանի շքանշանակիր։

«Նժդեհյան Գայլախումբ» և «Հայոց Արծիվներ» կամավորական մարտական ջոկատների հիմնադիր Հրամանատար։

Պահեստազորի Գնդապետ (զինվորական կոչումը շնորհվել է Հայաստանի Հանրապետության պաշտպանության նախարարի 2015 թվականի մայիսի 4-ի N 1057ա/վ հրամանով)։

«Սյունյաց Արծիվներ» և «Հայոց Արծիվներ» հայրենասիրական հասարակական կազմակերպությունների հիմնադիր Նախագահ։

2007–2018 թվականներին՝ ՀՀ Սպորտի և Երիտասարդության հարցերի Փոխնախարար։

«Հայոց Արծիվներ․ Միասնական Հայաստան» կուսակցության հիմնադիր Նախագահ։

Պարգևատրվել է 42 մեդալով (հուշամեդալ, շքանշան, կրծքանշան, կոչում) և ավելի քան 270 պատվոգրով ու շնորհակալագրով։
«Վարչապետին` պահանջ. անցկացրե՛ք Ազգային ժողովի արտահերթ ընտրություններ, և միայն այդ ընտրությունների արդյունքների հիման վրա կորոշվի` իրականացնե՞լ «Թրամփի ուղին», թե՞ ոչ, անցկացնե՞լ սահմանադրական հանրաքվե՞ն, թե՞ ոչ». Խաչիկ ԱսրյանԷլ ո՞նց ասեն, որ հասկանանք... «Փաստ»«Գործող կառավարությունը խամաճիկ է տարբեր ուժային կենտրոնների ձեռքում». «Փաստ»«Քաղաքական գործիքակազմի առումով իշխանությունը չունի բավական կենսունակություն ընդդիմության հետ մրցակցության տեսանկյունից, ուստի դիմում է ռեպրեսիվ մեխանիզմներին». «Փաստ»Հայաստանի տարեցների սոցիալական գոյապայքարը՝ սպառողական զամբյուղի անհասանելիության պայմաններում. «Փաստ»Եվրոպական օրակարգի «ներքին ընդդիմադիրը». ի՞նչ են ցույց տալիս ԱԽ նախկին քարտուղարի հայտարարությունները. «Փաստ»Երևանի «հավասարակշռված» դիվանագիտության գինը. վերադարձ դեպի Մոսկվա՞. «Փաստ»Անձեռնմխելիության պատրանքը. ի՞նչ դասեր է տալիս դատավոր Մասիս Մելքոնյանի շուրջ ծավալվող գործընթացը. «Փաստ»Ինչո՞ւ համընկան Ալիևի «բացումն» ու Սամվել Կարապետյանի կալանավորումը. «Փաստ»Բանանի «դիվանագիտությունը» և «պրիմիտիվ» քաղաքականության վիրուսային բանաձևը. «Փաստ»Հարյուրավոր հասցեներում լույս չի լինելու նոյեմբերի 17/18-ինՔուշները և Ուիթքոֆը եվրոպացիների հետ քննարկել են Ռուսաստանի և ԵՄ-ի միջև երկխոսության հաստատումըՄենք գիտենք՝ ինչպես հաղթել, բայց գիտենք նաև ինչպես արժանապատվորեն պարտվել․ Լուիս դե լա ՖուենտեԲաքվի ճարտարապետական դիմագծի կերտողը հայ էԶորակոչի տարիքային շեմը կփոխվի․ ում կվերաբերի նախագիծըԵրևանը մերժում է «Ալիևյան Սահմանադրությունը». Հայաստանի Սահմանադրության ճակատագիրը որոշելու են հայերը, ոչ թե Ադրբեջանը. Ուժեղ ՀայաստանԱԺ փոխնախագահ Արամ Վարդևանյանը ԵԽ գրասենյակի ղեկավարի հետ քննարկել է ընդդիմության նկատմամբ շարունակվող քաղաքական հետապնդումներըԹրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցումԵրևանում՝ Մալաթիա տոնավաճառի մոտ, բախվել են «Ferrari»-ն և «BMW»-նՀԱՊԿ քարտուղարը քննարկել է կազմակերպության պատասխանատվության գոտում տիրող ռազմաքաղաքական իրավիճակըԲախվել են «Howo», «Renault» բեռնատարներն ու «Opel Astra»-ն․ 3 վիրավորներից երկուսը անչափահասներ են«Փարաջանով Քլաբ Հաուս»-ը ներկայացրել է իր բացառիկ նախագիծը «Տուն Էքսպո»-ումՀանրապետությունում ձյուն է տեղում․ ի՞նչ իրավիճակ է ավտոճանապարհներինԱրսեն Գևորգյանի մահվան ամբողջ պատասխանավտությունը մինչև իր կյանքի վերջ կրելու է Նիկոլ Փաշինյանը․ Հարություն ՀարությունյանՍտալինն ու Սադամ Հուսեյնը կնախանձեին Փաշինյանին․ Ուժեղ Հայաստան«Բարգավաճ Հայաստան» կուսակցությունը նոյեմբերի 15-17-ը մասնակցում է Մոսկվայում անցկացվող «Հանուն ազգերի ազատության» («За свободу наций») միջազգային համաժողովին․ Իվետա ՏոնոյանԵրիտասարդները՝ հանքարդյունաբերության իրական խնդիրների լուծման ճանապարհին․ ԶՊՄԿ-ն՝ CaseKey 2026-ումՑույց տվեք Ադրբեջանի որևէ օրենք, որը վերաբերում է Ղարաբաղին. Արշակ ԿարապետյանՄենք թույլ չենք տա Ալիևի պարտադրած Սահմանադրության ընդունումը․ Ուժեղ ՀայաստանՄեր ժողովուրդը երբեք չի մոռանալու Արցախն ու մեր անցյալը. Ավետիք ՉալաբյանՊարտքերի մեջ հայտնված քաղաքացիները չպետք է մնան միայնակ․ ի՞նչ պետք է անի պետությունը. Հրայր Կամենդատյան«Դադարեցրե՛ք Հայաստանը ազատությունը քաղաքական հավատարմությամբ պայմանավորող կալանավայր դարձնելու փորձերը». Աննա ԿոստանյանԶանգեզուրի պղնձամոլիբդենային կոմբինատը շարունակում է աջակցել CaseKey կրթական նախաձեռնությանըՍահմանադրությամբ մարդը բարձրագույն արժեք է, բայց իրական կյանքում այդ սկզբունքը չի գործում. Արամ ՎարդևանյանՄենք միավորվել ենք՝ հանուն մեր արժեքների, ինքնիշխանության և ժողովրդավարության պաշտպանության. տեսանյութՀամալսարանից ազատվում են դասախոսներ իրենց քաղաքական հայացքների համար. Մենուա ՍողոմոնյանՊիտի օրենք փոխվի, որ ամեն դատարան չկարողանա համատարած կալանք կիրառի մեր հանդեպ. Ավետիք ՉալաբյանՍպասվում է գյուղմթերքի գների շեշտակի բարձրացում, քանի որ ունենք արտահանման դեֆիցիտ. Հրայր ԿամենդատյանՔաղաքական հետապնդումների նպատակը հասարակությանը վախի մթնոլորտում պահելն է՝ Ալիևի պարտադրած Սահմանադրությունն ընդունելու համար. տեսանյութՊետությունը ձեզ համար հոր տնից բերված օժիտ չէ, որ մաշված շորի պետ դեն նետեք. Աննա ԿոստանյանԱրսեն Գևորգյանը բանտարկվեց իր համոզմունքների համար, իսկ երեք շաբաթ անց ընտանիքին վերադարձվեց դագաղով. Իրինա ՅոլյանԵրբ իշխանության թիրախում հայտնվում են երեխաները․ Աննա ԿոստանյանԻշխանությունները շարունակում են խեղաթյուրել հայոց պատմությունը. Մենուա ՍողոմոնյանՔՊ-ի ներկայացուցիչնե՛ր, վախեցե՛ք, որ ձեր երեխաները ապագայում Արցախի կորստի համար մեղադրելու են ձեզ. Ցոլակ ԱկոպյանԱրսենն այսօր ողջ կլիներ, եթե չհամարձակվեր պայքարել իր համայնքի համար. Գոհար ՄելոյանUcom-ի աջակցությամբ Երևանում անցկացվել է «Mini Whoop Drone Racing Armenia 2026» դրոնների ամենամյա մրցարշավըԱրևմուտքը կընդունի՞ արդյոք ՆԱՏՕ-ի՝ մինչև ընդլայնումն ունեցած տեղակայմանը վերադառնալու պահանջները՝ դեռևս մեծ հարց է. դաշինքն առանց առճակատման՝ դժվար թե գնա նման զիջումների. Զաքարյան«Թող ինձ ներեն, բայց ես շատ ուղիղ ուզում եմ ասել...». Տիգրան Ավինյանը՝ շինարարական տուրքերի և քաղաքային բյուջեի մասինBaghramyan Residence․ պրեմիում դասի բնակարաններ՝ Մարշալ Բաղրամյան պողոտայումԱլիևը պատրաստ չէ վերադարձնել ռազմագերիներին. նա իրական խաղաղություն չի ուզում. Աննա Կոստանյան