«Գնացողներին բաց եմ թողնում». Անի Խաչիկյան

Դերասանուհի Անի Խաչիկյանն այսօր նշում է 28-ամյակը։ Tert.am Life-ի հետ զրույցում նա ասաց, որ օրը հատուկ չի տոնում։

«Օրս սկսել եմ սովորականի պես, այս տարի տոնական տրամադրություն չունեի։ Առավոտյան արթնացել եմ, ինչպես սովորական օրերին։ Անակնկալներ ևս չեմ ունեցել, որովհետև քաղաքից դուրս եմ գտնվում։ Հատուկ ծննդյանս օրվա համար չէ, որ գնացել եմ, ուղղակի այս շրջանում ազատ էի, որոշեցի Երևանում չմնալ։ Հաճախ եմ գնում քաղաքից դուրս, բնականության շղթայի մեջ եմ։ Տավուշի, Սյունիքի, Լոռու մարզերը շատ գեղեցիկ են, թեև Հայաստանում բոլոր տեղերն էլ յուրահատուկ բնություն և էներգետիկա ունեն»,- ասաց նա։

Անիի խոսքով՝ կեսգիշերին տորթ է ունեցել, մոմեր փչել, բայց հատուկ երազանք այդ պահին չի մտապահել։

«Այս տարի բոլորիս երազանքը, կարծում եմ, նույնն է. ուզում եմ այնպիսի մթնոլորտում ապրենք, որ ամենօրյա ռեժիմով չմտածենք կյանքի ու մահվան սահմանագծի մասին։ Ես սիրում եմ իմ երազանքները նպատակների վերածել, արագ կատարվում են։ Ճանապարհին, իհարկե, բարդություններ լինում են։ Եթե դրանցից կոտրվում ես, պետք է վերանայես իրավիճակը, եթե այնպիսի փորձություն է, որից հետո շարունակելու հնարավորություն կա, չեմ կոտրվում։ Իմ կյանքի ճանապարհները բարդ են եղել, բայց շնորհակալ ու գոհ եմ դրանց համար։ Դրանք հնարավորություններ էին ինքս ինձ ճանաչելու, զարգանալու և բացահայտելու համար։ Դեռ ինձ բացահայտում եմ։ Եթե ինչ-որ պահի՝ թեկուզ 60 տարեկանում հասկանամ, որ լիարժեք բացահայտել եմ ինձ, տխուր կլինի»,- ասաց նա։

Ըստ դերասանուհու՝ իր ձեռքբերումները նյութական չեն։ «Իմ ամենամեծ ձեռքբերումներն են` կյանքի բոլոր ելևէջների հետ ներդաշնականությունը, սիրո սահմանների՝ այսինքն՝ անսահմանության ճանաչումը, մարդիկ, որոնք եկել և չեն գնացել կամ գնացել են։ Գնացողներին բաց եմ թողնում, մարդկանց պահելու խնդիր չունեմ, կյանքի հետ հաշտ եմ»,- նշեց Անին։

28-ամյա դերասանուհին շեշտեց, որ մեծացող թվերից չի վախենում։

«Բնական գործընթաց է։ Իմաստ չկա վախենալ մի բանից, որը, միևնույն է, պետք է լինի։ Ինձ 28 չեմ զգում, մի օր ավելի մեծ եմ զգում, մի օր ավելի փոքր, ամեն ինչ իրավիճակից է կախված։ Այսօր, օրինակ, տարիք չեմ զգում, էությամբ միաձուլված եմ կյանքին։ 28-ի հետ հատուկ նպատակներ չեմ կապում, վերջին մեկ տարին շատ բան է փոխել։ Բոլորս հարվածներ ենք ստացել, ամեն մեկս տարբեր չափի ու ձևի, իսկ դրանց հաղթահարման ճանապարհն ու դրանցից դուրս գալու կարողությունը փոխվել է։ Սկզբում մտածում էի՝ ամեն ինչ դեպի անկում է գնում, հիմա հասկացել եմ, որ մարդու հնարավորություններն ու կարողություններն անսահմանափակ են։ Ինչ իրավիճակում էլ նրան դնես, եթե ապրող տեսակ է, կապրի։ Չէի ցանկանա այս տարբերակով բացահայտել դա, բայց այդպես ստացվեց»,- նկատեց նա։

Դերասանուհին ինքն իրեն մաղթեց պահպանել չհանձնվելու կարողությունը։ «Միշտ եմ չհանձնվող եղել, դա, երևի, ինչ-որ տեղից է տրված»,- եզրափակեց նա։

Լրահոս
«Լուսավոր Հայաստան» կուսակցության նախագահ Էդմոն Մարուքյանը Մարալիկում է Շտապ․ Ռոսսիա մոլի տարածքում խոչընդոտել են Տիգրան Ուրիխանյանի շտաբի քարոզարշավը Ասում ա՝ բարև ձեզ, սիրելի սպիտակցիներ. էդտեղ սպիտակցի չկար, ո՞ւմ ես բարևում, Փաշինյան. սպիտակցի UCOM-ն առաջարկում է ձեռք բերել ALCATEL 1S սմարթֆոնն ու նվեր ստանալ TWS HIPER OKI ականջակալներ Այսօր «Մեր տունը Հայաստանն է» կուսակցությունը Արա Աբրամյանի գլխավորությամբ այց կատարեց Սևան քաղաք «Մեր տունը Հայաստանն է» կուսակցության ներկայացուցիչների հանդիպումը համակիրների հետ ԲՀԿ-ի ծրագրի հիմքում «հնարավորությունների հավասարության» գաղափարն է «Մեր տունը Հայաստանն է». քարոզարշավ վաղը՝ 15:00 ՈՒՂԻՂ. Ռուսաստանի հայերի միության նախագահ Արա Աբրահամյանը Սևանում է ՀԴԿ-ն չի ճանաչում ԿԸՀ կողմից Տիգրան Արզաքանցյանին չգրանցելու որոշումը․ հայտարարություն «Լուսավոր Հայաստան» կուսակցության քարոզարշավը Մալաթիա-Սեբաստիայում շարունակվում է (լուսանկարներ) «Լուսավոր Հայաստան» կուսակցությունը՝ Ծաղկավան գյուղում Մի՛ հրաժարվիր ապրել և մի՛ խլիր պետության կյանքը. «Հայաստան» դաշինք Սոցիալական հարցումների արդյունքների ամփոփմամբ` առաջատարը «Բարգավաճ Հայաստան» կուսակցությունն է ԲՀԿ-ի բարձր վարկանիշը ոմանց ցնցումների մեջ է գցել. Իվետա Տոնոյան Աշխարհի ամենաազդեցիկ հայերից մեկը․ Արա Աբրահամյանի ֆենոմենը ՏԵՍԱՆՅՈՒԹ․ Ունենալու ենք 15 հազարի հասնող աշխատատեղեր․ Տիգրան Ուրիխանյան Իշխանությունը ՀՀ-ում գտնվող երկու սիրիացի վարձկաններին չի փոխանակում հայ գերիների հետ «Մեր տունը Հայաստանն է». քարոզարշավ վաղը՝ 12:00-ին EURO 2020-ի ընթացքում UCOM-ի բաժանորդները կմասնակցեն uMeter քվեարկություն- խաղարկությանը Աջափնյակի զոհված ազատամարտիկների հիշատակին Եռախաչ համալիր կբացվի ԼՀԿ-ն Տավուշի մարզի Նոյեմբերյան համայնքում է «Լուսավոր Հայաստան» կուսակցությունը Բերդավանում է «Լուսավոր Հայաստան» կուսակցություն. քարոզարշավ Երևանում (լուսանկարներ) «Մեր տունը Հայաստանն է». քարոզարշավ վաղը 13:00-ին
Ամենադիտվածը