«Որդիս ծնվեց պատերազմի ժամանակ, երկու ամիս էր, ինչ հայրս մահացել էր». Նիկոլայ Եղիազարյանը՝ դստերն ու որդուն հոր պատվին անվանակոչելու և ընտանիքի մասին

Դերասան Նիկոլայ Եղիազարյանն ու կինը՝ Էլենը, ամուսնացած են 2017 թվականից: Զույգն ունի երկու երեխա՝ 3-ամյա Ռուբինան և 10 ամսական Ռուբենը: Tert.am Life-ը զբոսնել է ընտանիքի հետ, լուսանկարել նրանց և զրուցել Նիկոլայի հետ:

Ընտանիքի ամենափոքրիկ անդամին՝ Ռուբենին լուսանկարվելն ամենաշատն էր դուր գալիս, գերակտիվ Ռուբինան էր եղբորը փորձում էր չզիջել: Երեխաների անունները Նիկոլայը բարդ չի ընտրել: Երկուսին էլ անվանակոչել է հանգուցյալ հոր՝ Ռուբենի պատվին:

«Քանի որ առաջնեկս աղջիկ էր, անվանակոչեցի Ռուբինա, հայրս նրանով էր ապրում: Մինչ այսօր Ռուբենայի ամեն քայլի մեջ հորս ենք տեսնում, որովհետև մտածում ենք՝ ինչո՞ւ այս կամ այն բանը հայրս չտեսավ: Երկրորդ երեխայիս՝ որդուս, Ռուբեն անվանակոչեցի, բայց հայրս չհասցրեց նրան տեսնել: Այնքան էր սպասում Ռուբենի ծննդին: Որդիս ծնվեց, երբ պատերազմ էր, երկու ամիս էր, ինչ հայրս մահացել էր: Նա հյուրասեր, կյանքով լի մարդ էր: Սպասում էինք, որ որդուս ծնունդը մեծ կնշենք, բայց Ռուբենը ծնվեց այն ժամանակ, երբ ես ցավից բթացել էի: Ինչ թեմայով էլ խոսեմ, ամեն ինչ տանելու է մեր երկրի իրավիճակին, որովհետև հայցերինն է մեր հենակետը: Այդ բարդ իրավիճակից դուրս գալ ինձ շատ օգնեց կինս՝ Էլենը: Նա այնքան մարդկային, նվիրված, ընկալող, գիտակցության մեջ մտնող մարդ է: Այս բնավորության գծերը շատ կարևոր են»,- ասաց Նիկոլայը:

Ըստ դերասանի՝ առաջնեկի՝ Ռուբինայի ծնունդն իր կյանքում յուրահատուկ է եղել: «Իմ կյանքում կարծես վերածնունդ եղավ: Ռուբենի ծնունդը ևս ինձ համար կարևոր էր, բայց Ռուբինան ուրիշ է: Երեխաների շնորհիվ է, որ սկսում ես ավելի զգույժ ապրել կյանքը՝ նրանց կողքին լինելու համար: Երկու երեխաներս էլ ինձ հետ շատ կապված են, հատկապես՝ Ռուբենը: Երբ Ռուբենն իմ գրկում է, ոչ ոքի մոտ չի գնում: Միայն մայրիկիս մոտ կարող է գնալ, նրա հետ ևս շատ կապված է»- պատմեց նա:

Նիկոլայը շեշտեց՝ կարևոր է այն ընտանիքը, որում ինքդ ես ծնվել ու մեծացել: «Նույն ձևով հետո քո երեխաներին ես մեծացնում, դաստիարակում: Մեր ընտանիքը հայկական ավանդական ընտանիք է եղել, նույնը փորձում եմ երեխաներիս տալ: Ընտանիքում պետք է մեկը մյուսի հետ սիրով ու ջերմությամբ լինեն, խաղաղություն պետք է լինի»,- նշեց նա:

Նիկոլայը վերհիշեց տարիներ առաջ կնոջ՝ Էլենի հետ առաջին հանդիպումը: «Երբ Էլենն Ամերիկայի Միացյալ Նահանգներից Հայաստան եկավ, գնացի օդանավակայան նրան դիմավորելու: Էլենի հետ մեր առաջին ժամադրությունը եղել է Կոմիտասի անվան պանթեոնում՝ Խորեն Աբրահամյանի շիրիմի մոտ: Ես ասել էի, որ լավ տեղ ենք գնալու: Երբ իմացավ, զարմացավ, բայց հետո հասկացավ՝ զարմանալու ոչինչ չկար: Պանթեոն գնալուց հետո, իհարկե, նաև սովորական վայր՝ սրճարան, գնացինք»,-պատմեց նա:

Դերասանը նաև նկատեց, որ յուրաքանչյուր կարևոր ու արժեքավոր բան պահելը բարդ է, այդ թվում՝ ընտանիքը: «Սերը գեղեցիկ է, ջերմությունը կարևոր է, բայց ես առանձնացնում եմ հասկացված լինելը: Մեր ընտանիքում այդ ամենը կա, այնքան ջերմ ընտանիք ենք, հատկապես այն ժամանակ, երբ հայրս ողջ էր: Ափսոսում ու մեծ ցավ եմ ապրում, որ մեր լուսավոր ընտանիքից հայրս բացակայեց: Մեր ընտանիքում կապվածությունը շատ էր»,- եզրափակեց նա:

 

Լրահոս
Տեսանյութ.Տիգրան Արզաքանցյանն իր թիմակիցների հետ նոր կուսակցություն է ստեղծելու Ադրբեջանը՝ հաղթելով պայմանավորված պատերազմում, ջախջախիչ պարտություն է կրում դիվանագիտական ճակատում. Ա․Ղազինյան Կրթության որակը Հայաստանում կբարելավվի, երբ փոխվի ուսուցչի հանդեպ վերաբերմունքը ՁԻՀ-ի «Գիտություն և Պետություն» խորագրով առցանց զրույցի հյուրը Գևորգ Պողոսյանն է Զարմանում եմ , երբ զարմանում են Նիկոլի թույլ, անհաջող ու վախեցած ելույթից ՄԱԿ-ում. Էդուարդ Շարմազանով Ժողովրդավարություն գոչելով՝ նա հանձնեց Արցախը, խաղաղության պոռալով՝ հանձնում է Հայաստանը. Արմեն Աշոտյան Հայաստանի այս իշխանություններն ընդունել են թուրք-ադրբեջանական օրակարգը և շարժվում են այդ ուղղությամբ. Տիգրան Աբրահամյան eSIM-ը այժմ հասանելի է Beeline-ի բաժանորդներին Փորձ է արվել Հայաստան ներմուծել կեղծ տվյալներով մեծ քանակությամբ հագուստ. ՊԵԿ (տեսանյութ) Ռուբլու, դոլարի և եվրոյի փոխարժեքը կտրուկ փոխվել է. ԿԲ Օրինական կարգավիճակ չունեցող հայերը ՌԴ-ում խնդրի առջև են կանգնել. «Ժողովուրդ» Ադրբեջանցիները կրակել են Արցախում բերքահավաք իրականացնող բնակիչների ուղղությամբ Համայնքները խոշորացնում են, որ թուրքին հանձնելուց ասե՞ն մի համայնք ենք հանձնել, ոչ թե տասը. Աննա Մկրտչյան Օդի ջերմաստիճանը կնվազի 7-10 աստիճանով Սյունիքի շուրջբոլորը զորքեր են կուտակվել. Թուրք-իրանական սառը պատերազմ «Ծնողական փառքի մեդալով» պարգևատրված ծնողներին ամենամսյա 100.000 դրամ պատվովճարը մինչ այս պահը չեն վճարվում. Կարեն Ավագյան Զինվորների վրանում հրդեհ է բռնկվել, պատճառը՝ վառարանն է եղել Մի դրամի ուժը հատել է 40 միլիոնի սահմանը Մահացել է հայկական կինոյի լեգենդը «Միթի» Ազգային հետազոտական միջուկային համալսարանի պատվիրակության այցը Գ.Վ.Պլեխանովի անվան ՌՏՀ Երևանի մասնաճյուղ Հաստատվեց, որ Փաշինյանը հոկտեմբերի 7-ին ևս մերժել է պատերազմը կանգնեցնելու Ռուսաստանի առաջարկը. Ղազինյան Մոտենալով հայկական դիրքին՝ ադրբեջանցին ավտոմատով կրակել է իր գլխին. մանրամասներ Սև լճի տարածքում տեղի ունեցածից Մոտենալով հայկական դիրքին՝ ադրբեջանցին ավտոմատով կրակել է իր գլխին. մանրամասներ Սև լճի տարածքում տեղի ունեցածից Ջուր չի լինելու Դիլիջանում «Հայրենիք» կուսակցության քվեաթերթիկը 2-րդ համարն է. Արթուր Վանեցյան
Ամենադիտվածը