Լրահոս
Կարևոր


Տեխնոլոգիաների աշխարհում ռեզյումեներին փոխարինման է գալիս հայկական CodeSignal-ը

Հասարակություն

Այսօր անչափ մրցակցային աշխատաշուկայում ընկերությունները ցանկանում են գտնել ամենատաղանդավորներին  ներգրավելու նոր ճանապարհներ։ Սա հատկապես վերաբերվում է տեխնոլոգիական ոլորտի կամ տեխնիկական մասնագետներ ներգրավելուն։ Հմուտ ծրագրավորողների պահանջարկը մեծ էբայց երբեմն նրանց ֆորմալ կրթությունը և ռեզյումեները չեն արտացոլում իրենց իրական հմտությունները և կարողությունները։ Սա վնասում է և՛ դիմորդներինև՛ գործատուներին։ Ընկերությունները բաց են թողնում տաղանդներինիսկ դիմորդները հնարավորություն չեն ստանում ցուցադրել իրենց իրական կարողությունները։

Այստեղ էոր անհրաժեշտություն է լինում անկողմնակալ գնահատման տեխնիկական գործիքների ՝ գործատուին թույլ տալով  օբյեկտիվ գնահատել դիմորդի տեխնիկական հմտությունները, իսկ դիմորդներին՝ իրական պայմաններում ծանոթանալ այն աշխատանքի բնույթին, որի համար դիմել են։ Փորձը ցույց է տալիս, որ դիմորդները առավել դրական են գնահատում աշխատանքի ընդունման իրենց փորձառությունը, եթե դրա ընթացքում  առնչվում են իրական աշխատանքի հետ։ Սա շատ կարևոր է կադրերի հավաքագրման այսօրվա շուկայում։ Համաշխարհային IBM ընկերության վերջին հետազոտությունը ցույց է տալիսոր աշխատանքի առաջարկը ընդունելու հավանականությունը 38%-ով ավելի բարձր է այն թեկնածուների մոտովքեր աշխատանքի ընդունման ընթացքում դրական փորձառություն են ունեցել։

Տեխնիկական հմտությունների գնահատման CodeSignal հարթակը հիմնադրվել է 2015թ.-ին։ Այն իր ոլորտի առաջատարն է, որի տրամադրած ավտոմատացված լուծումներն արդեն ստանդարտ են դարձել շատ գործատուների համար։ CodeSignal-ի մեքենայական ուսուցման ալգորիթմը վերլուծում է հմտությունների գնահատման տվյալների տերաբայթեր և դիմորդին տալիս է «Ծրագրավորման վարկանիշ»որը ցույց է տալիս դիմորդի ծրագրավորման և խնդիրների լուծման հմտությունները։

Ներկայացնում ենք The Silicon Review առցանց պարբերականի հարցազրույցը CodeSignal-ի համահիմնադիր և գործադիր տնօրեն Տիգրան Սլոյանի հետ։

– Ինչու՞ որոշեցիք ստեղծել հմտությունների իրական գնահատման այս հարթակը։

Երբ նայում եք իմ անցած ճանապարհին, ապա կարող է հարց առաջանալ՝ ինչու է այս մարդը ձգտում գնալ «ռեզյումեներից այն կողմ»։ Հարցն առաջանում է այն պատճառով, որ իմ ռեզյումեում կան այն բոլոր կետերը, որոնք ցանկալի են լավ աշխատանք գտնելու համար։ Սակայն իմ գործընկեր և CodeSignal-ի համահիմնադիր Արամ Շատախցյանը լրիվ այլ փորձառություն է ունեցել։ Ես մաթեմատիկայի ազգային չեմպիոն էի, իսկ նա՝ ծրագրավորման։ Արամն իմ հանդիպած ամենաուժեղ ծրագրավորղներից մեկն է։ Երկուսս էլ ունեինք անչափ մեծ ներուժ։ Հանգամանքների բերումով Արամը Հայաստանում ընդունվեց տեղական ԲՈՒՀ, իսկ ես՝ MIT (Մասաչուսեթսի Տեխնոլոգիական Ինստիտուտ)։ Այս միակ տարբերությունը մեծագույն ազդեցություն ունեցավ մեր կարիերաների վրա։ Միայն այն փաստը, որ ես ավարտել էի լավագույն տեխնիկական ԲՈՒՀ-ը, ինձ գրավիչ թեկնածու էր դարձնում երկրի բոլոր գործատուների համար։

Մարդկային ռեսուրսների հավաքագրմամբ զբաղվող բազմաթիվ մասնագետներ կարծում են, որ լավագույն ԲՈՒՀ-ն ավարտած ՏՏ մասնագետը վստահաբար պատրաստ է աշխատանքին, իսկ ոչ հանրահայտ ԲՈՒՀ ավարտած մեկի հմուտ լինելը կասկածելի է։ Այդ իսկ պատճառով Արամը դժվարանում էր լավ աշխատանք գտնել՝ չնայած, որ նա իմ իմացած լավագույն ծրագրավորողն է։ Սա նշանակում է, որ ռեզյումեն մասնագետների հմտությունները գնահատելու լավ գործիք չէ։ Մենք հիմնադրեցինք CodeSignal-ը, որպեսզի գործատուները հնարավորություն ունենան օբյեկտիվ գնահատել և ընտրել լավագույն տեխնիկական մասնագետներին`չհիմնվելով միայն ռեզյումեների վրա։

– Կարո՞ղ եք կարճ ներկայացնել CodeSignal-ը

CodeSignal-ը տենիկական հմտությունների գնահատման հարթակ է, որն առաջարկում է իրական աշխատանքին ամենամոտ մոդելավորումը։ Հարթակն առաջարկում է երեք հիմնական պրոդուկտ.

Ա. Սերտիֆիկացում՝ մեծ քանակով դիմորդների գիտելիքների ստանդարտացված և վավերականացված գնահատում հավաքագրման պրոցեսի սկզբնական փուլերում։

Բ. Թեստեր՝ ծրագրավորման ավագ մասնագետների հմտությունների գնահատման հատուկ մշակված թեստեր

Գ. Հարցազրույցներ՝ իրական ժամանակում՝ տեսազանգով անցկացվող տեխնիկական հարցազրույցներ։ Սա նման է մեքենա վարելու թեստի, քանի որ հնարավորություն է տալիս գործատուին իրական ժամանակում հետևել, թե ինչպես է թեկնածուն օգտագործում իր կարողությունները։

– Երբ մարդիկ լավ և ուրախ ժամանակ են ացկացնում, նրանք միասին ավելի արդյունավետ են աշխատում։ Ինչպե՞ս կմեկնաբանեք այս խոսքը։

Իրականությունն ավելի բարդ է։ «Հետևիր քո երազանքին» հասկացությունը միանշանակ չէ։ Որոշ մարդիկ կարծում են, որ եթե ինչ-որ բանից անընդհատ հաճույք չեն ստանում, ապա դա անել պետք չէ։ Դա ճիշտ չէ, և պրոֆեսիոնալ մարզիկները շատ լավ հասկանում են սա։ Ցանկացած ոլորտում վարպետանալու համար պետք է մարզվել, ինչը ոչ միշտ է հաճելի։ Սակայն երբ դուք շատ ժամանակ եք տրամադրում մի բանի և իսկապես հմտանում եք, արդյունքում ավելի եռանդուն եք դառնում և ավելի շատ եք հաճույք ստանում։ Դուք չեք հանդիպի որևէ պրոֆեսիոնալ մարզիկի, ով լավագույնն է աշխարհում, բայց ատում է իր սպորտը։ Այդպես չի լինում։ Նրանք սիրում են այն, ինչում լավագույնն են, և դա դառնում է իրենց ինքնությունը։ Այսպիսով, կարծում եմ՝ մարդիկ միասին առավել արդյունավետ են աշխատում, երբ յուրաքանչյուրն աշխատում է այն ուղղությունով, որը սիրում է, և որտեղ մասնագիտացած է։ Նման թիմը ստեղծում է գերազանց աշխատելու և մասնագիտական աճը խթանելու մոտիվացնող մի միջավայր։ Սա շատ ավելի խորն է, քան պարզապես լավ և ուրախ ժամանակ անցկացնելը:

– Աշխատակիցների երազանքների վրա հիմնված ընկերություն ստեղծելն առաջնահերթություն է։ Դուք հարցնու՞մ եք Ձեր աշխատակիցներին, թե ինչով են հետաքրքրված և ինչպես են տեսնում իրենց կարիերայի զարգացումը։

Իհարկե։ Երիտասարդ և համեմատաբար փոքր ընկերության առավելություններից մեկն այն է, որ կարող ենք արձագանքել մեր թիմի բոլոր անդամների կարողություններին և հետաքրքրություններին։ Ես գիտեմ, որ այժմ սա թրենդային է, բայց այն երկկողմանի ջանք է պահանջում։ Ղեկավաները պետք է թափանցիկ լինեն բիզնեսի կարիքների և թիմի նպատակների վերաբերյալ։ Աշխատակիցներն էլ պետք է բաց լինեն իրենց կարիերաների պլանների հարցում և բացահայտեն իրենց մասնագիտական ուժեղ կողմերը։ Հակառակ դեպքում դժվար իրավիճակ կստեղծվի բոլորի համար։

– Ունե՞ք նոր ծառայություններ, որոնք պատրաստ են գործարկման

Մենք հետևողականորեն աշխատում ենք ծրագրավորողների և տվյալագետների աշխատանքի՝ հնարավորինս իրական մոդելավորման հարթակ ստեղծելու ուղղությամբ։ Ուրախ եմ նշել, որ վերջերս գործարկել ենք գնահատման առաջադեմ գործիքներ, որոնք կապահովեն ճշգրիտ գնահատման փորձառություն մեր գործընկերների համար։ Արդյունքում, CodeSignal-ը կարող է օգտագործվել որպես ծրագրավորման և տվյալագիտական ամենաբարդ հաստիքների դիմորդների իրական հմտությունների գնահատման գործիք։

Գործատուները կարող են գնահատել դիմորդների անհրաժեշտ գիտելիքները և հմտությունները, քանի որ CodeSignal հարթակը ամբողջովին արտացոլում է իրական աշխատանքային միջավայրը և համապատախան հանձնարարությունները։ Սա նշանակում է, որ գնահատումը ցույց է տալիս, թե ինչպես դիմորդը կդրսևորի իրեն իրական աշխատանքի ժամանակ։ Ավելին, անկախ գործատուի վերջնական որոշումից՝ յուրաքանչյուր դիմորդ ունենում է դրական փորձառություն, քանի որ հարցազրույցների պրոցեսը համապատասխանում է իրական աշխատանքին, և հարթակը շատ հարմար է օգտատերերի համար։

Այժմ կարող եմ վստահ ասել, որ CodeSignal-ը բրաուզերով հասանելի ավտոմատացված գնահատման և հարցազրույցների անցկացման ամենաառաջադեմ հարթակն է։

– Ի՞նչ ապագա է սպասվում Ձեր ընկերությանն ու հաճախորդներին: Ի՞նչ հետաքրքիր զարգացումներ եք ակնկալում

Մոտ ապագայում նպատակ ունենք ավելի հիմնավոր դիրքավորվել տեխնիկական համայնքում և դառնալ տեխնիկական հմտությունների գնահատման բացարձակ առաջատար։ Աշխարհի ընկերությունների մեծամասնությունը դիմորդներին գնահատելիս դեռևս հիմնվում է ռեզյումեների վրա՝ նույնիսկ տեխնիկական հաստիքների դեպքում։ Դեռևս ահռելի աշխատանք ունենք անելու, որպեսզի գործատուները թեկնածուներին դիտարկեն «ռեզյումեներից այն կողմ»՝ հիմնվելով հմտությունների գնահատման առավել օբյեկտիվ մեթոդների վրա։

Ո՞վ է կանգնած CodeSignal-ի հաջողության հետևում

Տիգրան Սլոյանը CodeSignal-ի համահիմնադիրն ու գործադիր տնօրենն է։ CodeSignal-ն առաջին ընկերությունն է, որը ստեղծել է դիմորդներին՝ իրենց իրական հմտությունների վրա հիմնված գնահատական տալու արդար և ավտոմատացված հարթակ։ Այն օգտագործվում է որպես չափանիշ տեխնիկական կադրեր հավաքագրողների և գործատուների համար։ Տիգրանը նաև #GoBeyondResumes հասարակական շարժման հիմնադիրն է։ Տիգրանն իր ակտիվ գործունեությամբ պարբերաբար ներդրում է ունենում Forbes-ի տոխնոլոգիական խորհրդի կազմում, որպես մտքի առաջնորդ՝ տեխնիկական կադրերի հավաքագրման, ծրագրային ապահովման և նորարարությունների մշակման ուղղություններում։

CodeSignal-ի առաքելությունը կարողությունների և հմտությունների գնահատման միջոցով տաղանդներին հասանելի դարձնելն է։

Իբր փողի խնդիր չկա, բայց գնում են թե՛ գների, թե՛ հարկերի դրույքաչափի բարձրացման ճանապարհով. «Փաստ» Ռուսական և ամերիկյան քաղաքական շրջանակները՝ «Միասնություն» շարժման հավաքին. «Փաստ» Որևէ պաշտոնյա իրավասու չէ միանձնյա որոշել, թե որն է ՀՀ տարածքը. ի՞նչ էր անում «Հայաքվեն» վտանգված գյուղերում. «Փաստ» Անընդհատ ասում է՝ տանք-տանք. ինչի՞ դիմաց ես տալիս, երբ Բաքվում հայտարարում են՝ «Էրիվան», «մենք չենք կանգնելու» ․ «Հայաքվե» նախաձեռնության անդամ Տավուշից հետո սկսվելու է պետության մասնատման նոր փուլ. Հրայր Կամենդատյան Կենդանակերպի այս նշանների ֆինանսական գործերը դեպի լավը կգնան Ասում են, թե գնում են ԵՄ, բայց ավելի շատ կախվում Ռուսաստանից Team-ի ինտերնետը հասանելի է մետրոյում Ռիտա Նազարյանը ԶՊՄԿ քիմիական լաբորատորիայում որպես լաբորանտ աշխատում է 1978 թվականից Վերականգնվող էներգիայի աղբյուրների համաշխարհային հզորությունն աճել է 50 տոկոսովԻնչո՞ւ կալանավորեցին ՀՅԴ-ական Գագիկ Սարգսյանին․ հետաքրքիր մանրամասներ 1 ոսկե և 2 բրոնզե մեդալ՝ Մաթեմատիկայի միջազգային կովկասյան 9-րդ օլիմպիադայում Արշակ Կարապետյանը հայրենասեր Հայի սկզբունքային և վճռական Տեսակ է Ռուսական ալիքները պետք է բացառեն ՀՀ-ի նկատմամբ վիրավորանքը և մեր ներքին գործերին միջամտելու փորձերը․ ԲՏԱ նախարար Աֆղանստանի ՊՆ-ն տեղեկացրել է թալիբների կողմից Պակիստանի ռազմակայանների գնդակոծման մասին Կանդայի վարչապետը խոստովանել է, որ ամեն օր մտածում է հրաժարականի մասին ՀՀ որոշ մարզերում սպասվում են ձյան առատ տեղումներ, առանձին հատվածներում բուք, ցածր հորիզոնական տեսանելիությունԳրիգորի Զաքարյան. Բիզնեսին պատրաստ ենք մատուցել ներդրումային համալիր ծառայություններ Ռուսաստանն ընտրություններից հետո ավելի կոշտ է լինելու Հայաստանի նկատմամբ Կիևը մտադիր չէ երկարաձգել Ռուսաստանի հետ գազի տարանցման պայմանագիրԵՄ խորհուրդը կքննարկի Հայաստանին աջակցությունն ու հայ-ադրբեջանական կարգավորումը ԵԱՏՄ-ի հետ հարաբերությունների վատթարացումը շղթայական և աղետալի հետևանքներ կարող է ունենալ․ Արշակ Կարապետյան Անցած 3 օրում հանրապետությունում արձանագրվել է 32 ՃՏՊ. 1 մարդ զոհվել է, 50-ը՝ վիրավորվելՆԳՆ-ն զգուշացնում է չանհանգստանալ Ջուր չի լինի Գրեթե հինգ ամսվա ընթացքում Հայաստանը լքել և չի վերադարձել ավելի քան 7,800 արցախցի Ստեփանծմինդա-Լարս ավտոճանապարհը կրկին փակ է բեռնատարների համարՀաջորդը լինելու է Մատենադարանը. Վահե ՀովհաննիսյանՊահանջում ենք գործող իշխանություններից վերջ դնել մեր հայրենիքի տարածքների միակողմանի հանձմանը․ Ավետիք Չալաբյան Արշակ Կարապետյանի նոր բացահայտումներն ու վարչապետի անհեթեթ հատարարություններին արձագանքըՈսկեպար-Բաղանիս հատվածում որոշվում է մեր երկրի ճակատագիրը․ Ավետիք Չալաբյան Թշնամուն զիջելու տարածք չունե՛նք. «Հայաքվեն» Բաղանիս գյուղում է. ՈւՂԻՂ Շուտով Ցեղասպանության հիշատակումը հավասարազոր է լինելու Ստամբուլում ամեն ապրիլի 24-ին «համատեղ ցավի» հիշատակման լոկալ արարողության. Դավիթ Սարգսյան Լատվացիները 700 մլն եվրո կներդնեն Լատվիայի արևային էներգիայի պարկերումԹուրքիան չի հրաժարվելու «Զանգեզուրի միջանցքի» պահանջներից Տիգրան Ավինյանը հետևել է Շենգավիթ վարչական շրջանում իրականացվող բարեկարգման աշխատանքներինՍպասվում են տեղումներ և մառախուղ, լեռնային գոտիներում՝ թաց ձյան տեսքով. Եղանակը Հայաստանում Կենդանակերպի այս նշանների ներկայացուցիչների բախտը կբերի սիրո մեջ Չենք ճանաչում ՌԴ կողմից Ղրիմի բռնակցումը․ Թուրքիայի ԱԳՆ ՌԴ նախագահական ընտրություններում ՀԱՊԿ ԽՎ դիտորդական առաքելության կազմում ՀՀ ներկայացուցիչներ չկանԱլիևը Նիկոլի գլխին «պայթեցրեց» Դուշամբեի վերելակում հողերը հանձնելու պայմանավորվածությունը․ ՀամբարյանԱրթուր Ալեքսանյանը UWW-ի դասակարգման աղյուսակի առաջատարն է Ամիրյան փողոցում ավտոբուսի վարորդի և ուղևորի միջև ծագած վիճաբանությունն ավարտվել է նրանց ձերբակալությամբ Ի՞նչ է կորցրել ՆԱՏՕ-ն Հայաստանում Միացյալ Նահանգները վերահաստատում է իր հանձնառությունը Հայաստանի ու Ադրբեջանի միջև կայուն խաղաղության ձեռքբերմանը․ Բայդեն Արարատ Միրզոյանի ձախողումը Բիրտանական ռազվեդկեն կոնկրետ խնդիր ունի հայաստանյան տիրույթում բացով խաղալու . Արմեն ՀովասափյանՓաշինյանի օրոք Հայաստանը վերածվել է Սիցիլիայի Հայ-ադրբեջանական կոնսենսուս՝ ընդդեմ Հայաստանի՞. լուծում կա. Վահե Հովհաննիսյան Բացահայտվել է 1,535 գրամ քաշով «a-PVP» անվամբ թմրամիջոցի ապօրինի շրջանառության դեպք. մեկ անձ կալանավորվել է