Լրահոս
Կարևոր


Անահիտ Ավանեսյանի հրամանը՝ անվճար և արտոնյալ պայմաններով վերականգնողական ծառայությունների կազմակերպման մասին

Հասարակություն

Առողջապահության նախարար Անահիտ Ավանեսյանը մայիսի 18-ին հրաման է ստորագրել, որով հաստատել է պետության կողմից երաշխավորված անվճար և արտոնյալ պայմաններով հատուկ մասնագիտացված համալիր բուժական վերականգնողական ծառայությունների կազմակերպման և իրականացման չափորոշիչը` համաձայն հավելվածի:

Հրամանը մայիսի 30-ին ուժի մեջ է մտնում։

ՉԱՓՈՐՈՇԻՉ

ՊԵՏՈՒԹՅԱՆ ԿՈՂՄԻՑ ԵՐԱՇԽԱՎՈՐՎԱԾ ԱՆՎՃԱՐ ԵՎ ԱՐՏՈՆՅԱԼ ՊԱՅՄԱՆՆԵՐՈՎ ՀԱՏՈՒԿ ՄԱՍՆԱԳԻՏԱՑՎԱԾ ՀԱՄԱԼԻՐ ԲՈՒԺԱԿԱՆ ՎԵՐԱԿԱՆԳՆՈՂԱԿԱՆ ԾԱՌԱՅՈՒԹՅՈՒՆՆԵՐԻ ԿԱԶՄԱԿԵՐՊՄԱՆ ԵՎ ԻՐԱԿԱՆԱՑՄԱՆ

 

1. Սույն չափորոշչով կարգավորվում են հատուկ մասնագիտացված համալիր բուժական վերականգնողական ծառայությունների կարիք ունեցող անձանց պետության կողմից երաշխավորված անվճար և արտոնյալ պայմաններով բժշկական օգնության և սպասարկման կազմակերպման և իրականացման հետ կապված հարաբերությունները:

2. Պետության կողմից երաշխավորված անվճար և արտոնյալ պայմաններով հատուկ մասնագիտացված համալիր բուժական վերականգնողական ծառայությունները կազմակերպվում և իրականացվում են հիվանդանոցային` վերականգնողական և վերակենդանացման բժշկական օգնության և սպասարկման տեսակների գործունեության իրականացման լիցենզիա ունեցող բազմապրոֆիլ բժշկական կազմակերպություններում, ընդ որում պարտադիր է սույն կետում նշված բժշկական օգնության և սպասարկման տեսակների իրականացումը` բժշկական կազմակերպության նույն մասնաշենքում:

3. Պետության կողմից երաշխավորված անվճար և արտոնյալ պայմաններով հատուկ մասնագիտացված համալիր բուժական վերականգնողական ծառայություններից օգտվում են զինվորական ծառայության ընթացքում վնասվածք ստացած կամ հիվանդություն ձեռք բերած և հաշմանդամության զինվորական կենսաթոշակ ստացող այն նախկին զինծառայողները, ովքեր․

1) գտնվում են հետվնասվածքային կոմատոզ վիճակում (վեգետատիվ վիճակ), կամ

2) խիստ արտահայտված ֆունկցիոնալ խանգարումների հետևանքով ունեն՝ ինքնասպասարկման ապահովման (անմիզապահություն և (կամ) անկղապահություն), տեղաշարժվելու, կողմնորոշվելու, հաղորդակցվելու անկարողություն, այլ անձանցից լիակատար կախվածություն և որոնց համար պահանջվում է մշտական անկողնային ռեժիմ:

4. Պետության կողմից երաշխավորված անվճար և արտոնյալ պայմաններով հատուկ մասնագիտացված համալիր բուժական վերականգնողական ծառայություններն ընդգրկում են.

1) մասնագիտացված համալիր բուժումը,

2) լաբորատոր և գործիքային ախտորոշիչ հետազոտությունների (այդ թվում դժվարամատչելի ախտորոշիչ հետազոտությունների) իրականացումը,

3) նեղ մասնագիտական խորհրդատվությունների իրականացումը (բժշկական օգնության և սպասարկման լիցենզիաներով առկա տեսակների կամ խորհրդատվական տեսակի լիցենզիայի շրջանակներում),

4) ամենօրյա ստացիոնար խնամքի ապահովումը,

5) դեղերով ապահովումը, այդ թվում 1 միավորի (ամպուլա, հաբ, ֆլակոն և այլն) արժեքը 15,000 դրամը գերազանցող դեղերով ապահովումը,

6) խնամքի պարագաներով ապահովումը,

7) հարբժշկական ծառայությունների տրամադրումը (կինեզիոլոգիական, էրգոթերապևտիկ, լոգոպեդիկ և այլն),

8) սննդով ապահովումը, այդ թվում պարէնտերալ,

9) արյան և դրա բաղադրամասերի փոխներարկումը:

5. Պետության կողմից երաշխավորված անվճար և արտոնյալ պայմաններով հատուկ մասնագիտացված համալիր բուժական վերականգնողական ծառայությունները կազմակերպվում են.

1) պացիենտի` հիվանդանոցային պայմաններում բժշկական օգնություն և սպասարկում իրականացնող կազմակերպությունից հատուկ մասնագիտացված համալիր բուժական վերականգնողական ծառայություններ մատուցող կազմակերպություն տեղափոխման դեպքում՝ համապատասխան էպիկրիզի համաձայն, կամ

2) պացիենտի` տնային պայմաններում գտնվելու դեպքում` առողջության առաջնային պահպանման ծառայություններ մատուցող հաստատության ուղեգրի համաձայն` նախապես համաձայնեցնելով հատուկ մասնագիտացված համալիր բուժական վերականգնողական ծառայություններ մատուցող համապատասխան կազմակերպության հետ:

6. Հատուկ մասնագիտացված համալիր բուժական վերականգնողական ծառայություններ մատուցող կազմակերպություն պացիենտի առաջին անգամ ընդունվելու դեպքում իրականացվում են հետևյալ լաբորատոր և գործիքային ախտորոշիչ հետազոտությունները.

1) էլեկտրասրտագրություն,

2) կրծքավանդակի օրգանների ռենտգեն հետազոտություն

3) որովայնի խոռոչի օրգանների ուլտրաձայնային հետազոտություն,

4) արյան ընդհանուր քննություն,

5) արյան խմբի և ռեզուս պատկանելիության որոշում,

6) վիրուսաբանական հետազոտություններ՝ հեպատիտ Բ վիրուսի մակերեսային հակածին (HbsAg), հեպատիտ Ց վիրուսի նկատմամբ իմունոգլուբուլին Ջ (HCV-IgG), մարդու իմունադեֆիցիտային վիրուս (HIV 1/2 –Ab),

7) մեզի ընդհանուր քննություն,

8) մեզի մանրէաբանական հետազոտություն,

9) խորխի և վերքի (առկայության դեպքում) մանրէաբանական հետազոտություն:

7. Մասնագիտացված համալիր բուժական վերականգնողական ծառայությունների կազմակերպման ընթացքում լաբորատոր և գործիքային ախտորոշիչ հետազոտություններն իրականացվում են հետևյալ ընթացակարգով.

1) կրծքավանդակի օրգանների ռենտգեն հետազոտություն` երեք ամիսը մեկ անգամ, ինչպես նաև ըստ բժշկական ցուցման,

2) արյան ընդհանուր քննություն` ամիսը մեկ անգամ, ինչպես նաև ըստ բժշկական ցուցման,

3) մեզի ընդհանուր քննություն` ամիսը մեկ անգամ, ինչպես նաև ըստ բժշկական ցուցման,

4) էլեկտրոլիտներ` 10 օրը մեկ անգամ, ինչպես նաև ըստ բժշկական ցուցման,

5) կոագուլոգրամմա` 10 օրը մեկ անգամ, ինչպես նաև ըստ բժշկական ցուցման,

6) լաբորատոր և գործիքային ախտորոշիչ այլ հետազոտություններ՝ ըստ բժշկական ցուցման:

8. Այն դեպքում, երբ հատուկ մասնագիտացված համալիր բուժական վերականգնողական ծառայություններ մատուցող կազմակերպություններում բացակայում են պացիենտի բժշկական օգնության կազմակերպման համար անհրաժեշտ ծառայությունների (լաբորատոր և գործիքային ախտորոշիչ հետազոտություններ, մասնագիտական խորհրդատվություններ և այլն) իրականացման հնարավորություն(ներ)ը, բժշկական կազմակերպությունը դրանք կազմակերպում է այլ բժշկական կազմակերպությունում` պայմանագրային հիմունք(ներ)ով, կատարելով համապատասխան չափով փոխհատուցում պացիենտի բուժման համար պետության կողմից հատկացվող գումարներից:

Իվետա Տոնոյանը ստանձնեց ԲՀԿ աշխատակազմի ղեկավարի պաշտոնը Հուլիսի 5–ին երթ, իսկ հուլիսի 8–ին՝ հանրահավաք. Սաղաթելյանը ներկայացրեց առաջիկա անելիքներըԱռաջիկա տարիներին ակտիվ ռազմական բախումների փուլում կապրենք. ԲորդաչյովՊատգամավորական աշխատանքն ինձ համար նոր չէ, ես իմ գործառույթները շատ լավ գիտեմ. Մարտուն ԳրիգորյանԴադիվանք կորցրած մարդկանց փորձում են սպառնալ ինչ-որ պաշտոններից զրկելովՄոտ օրերս Չալաբյանի խափանման միջոցի փոփոխության հարցը կարող է լուծվելՔաղաքական ճգնաժամի նոր փուլ՝ խորհրդարանական ճգնաժամ. «Փաստ»Որպես պատժիչ միջոց են դիտում նույնիսկ եռամսյա հավաքների զորակոչը. «Փաստ»Մեր հայրենիքը մաս-մաս հանձնելու ֆոնին մեզ` պաշտոններից ազատելը ոչինչ է. Վահե ՀակոբյանՀերթական ապօրինությունն է գրանցվել Ավետիք Չալաբյանի գործի քննության հարցում. պաշտպանական խումբ Իրավական կազուս Ավետիք Չալաբյանի գործովԲարդ ժամանակահատվածում ՊՊԾ-ն իր առջև դրված խնդիրը կատարել է, ինչն արժանի է գնահատանքի. ՓաշինյանԱրևային մարտկոցները գերմանացիներին օգնում են խնայել և վաստակելԱրցախը չի փակել իր լինելիության էջը, պայքարը շարունակվում է․ Սեյրան ՕհանյանԻրավական կազուս Ավետիք Չալաբյանի գործովԳեղամա գեղեցկուհին այսօրվանից պատրաստ է ընդունել այցելուներինԼույս աշխարհ է եկել հանուն հայրենիքի կյանքը տված ոստիկանների եղբայրըԳիշերը ռուսական ավիացիան հարվածել է Օդեսայում բնակելի շենքին․ կան զոհերՄոտ օրերս Չալաբյանի խափանման միջոցի փոփոխության հարցը կարող է լուծվելՌուսաստանն անցնում է ռազմական դրության ՀՀ նախագահը Սահմանադրական դատարանի դատավորի թեկնածու է առաջադրելՈւ այս միտքը փակի տակ է. երևի վտանգավո՞ր էԱննա Հակոբյանը լուսանկարներ է հրապարակել Մոնակոյից Տարադրամի փոխարժեքն՝ այսօր CodeSignal-ը բոլորին հրավիրում է մասնակցել Gyumri Tech Week միջոցառմանըՑուցարարները Բերձորի լուսանկարները թողեցին Ազգային ժողովի շենքի մոտՀիվանդանոցներում այսօր առավոտից խառնաշփոթ է. որն է պատճառը Իշխան Սաղաթելյանն ու Վահե Հակոբյանը զրկվեցին պաշտոններից. ՔՊ–ն միաձայն կողմ է քվեարկել նախագծերինՈստիկանական մեծաթիվ ուժեր ԱԺ մոտ․ ՔՊ-ն քննարկելու է Սաղաթելյանին և Հակոբյանին պաշտոնանկ անելու հարցըԱրտահանման 80 տոկոսը` ԵԱՏՄ երկրներ. AquaYan ջրերի գործարանը նվաճում է շուկանԱվետիք Չալաբյանին փակի տակ պահելու համար գաղտնի փոխել են օրենքըԵթե Փաշինյանը Ռոբերտ Քոչարյանի գործողության համար պատժվեր, Ավետիք Չալաբյանի նկատմամբ այդպիսի լկտիություն իրեն թույլ չէր տա Ու այս միտքը փակի տակ է. երևի վտանգավո՞ր էԿոնվերս Բանկը կհոգա ապահովագրության ծախսերը ծրագրային վարկավորման շրջանակումՄոսկվայում հայերը վերջին հրաժեշտը տվեցին կլարնետահար, երգիչ Հովհաննես Վարդանյանին Ինձ համար միևնույնն է, իսկ իրենց կյանքում ամեն ինչ ավելի վատ է լինելու. Վահե Հակոբյանը՝ պաշտոնից զրկվելու լուրերի մասին«Միս ընդհանրապես չեմ առնում, որ առնեմ հետո սոված կմնամ».քաղաքացին` գնաճի մասին40 մլն դոլարի չարաշահումներ 2018-2021թթ. Երևանի քաղաքապետարանումԵրկար ժամանակով լույս չի լինելուԵթե Փաշինյանը Ռոբերտ Քոչարյանի գործողության համար պատժվեր, Ավետիք Չալաբյանի նկատմամբ այդպիսի լկտիություն իրեն թույլ չէր տաՆիկոլի ․․․ իրա մարդն էր, հերոսի ծնողին խփեց, գետնին գցեց․ 30 ոստիկանով չկարացան մեկի ձեռքը բռնենԵրկու դիտարկում Ավետիք Չալաբյանի հոդվածի շուրջԼաչինում հավեսի կամ թալանի համար կտրում են մալուխային գիծը եւ մնում ենք առանց կապի. Արցախի նախագահՊատվիրեք Mastercard Standard և Mastercard Gold և օգտվեք արտոնյալ պայմաններով վարկային գծիցԱրտակարգ իրավիճակ «Զվարթնոց» օդանավակայանում «Իշխանությունը պահելու համար ինչ գին ասես՝ կվճարեն». «Փաստ»Ուզում են ավելի մասնագիտանալ մանիպուլյացիայի գործում. «Փաստ»Մեր պահանջն է, որ Նիկոլ Փաշինյանը նստի մեղադրյալի աթոռին. զոհված կամավորականի մայր «Green land». երազանքների էկոբնակավայր` «Good realty» անշարժ գույքի գործակալությունիցԻրենք ինչ արել են, արել են ի օգուտ մեզ. Ալեն Սիմոնյանն՝ ընդդիմադիրների մասին