Լրահոս
Կարևոր


Գնաց կռվեց`թուրքի գնդակից պրծավ, եկավ` հայի ձեռքից գնաց

Հասարակություն

«Հրապարակ»-ը գրում է. Հունիսի 18-ին Նիգավան գյուղի մոտակայքում սպանված պայմանագրային զինծառայող Հմայակ Միքայելյանը 44-օրյա պատերազմի մասնակից էր, ուներ մեդալ, հերոս տղա էր: Ծառայում էր Նուբարաշենի զորամասում: Այս մասին «Հրապարակին» հայտնեց սպանված զինծառայողի հորաքրոջ ամուսինը՝ Անտոնը: «Նա շատ ուժեղ տղա էր: Գնաց, թուրքի բոմբերի տակ կռվեց, թուրքի գնդակից պրծավ, եկավ, հայի ձեռքից գնաց»,- ասում է մեր զրուցակիցը: Նա հայտնեց, որ Հմայակը «լուրջ տղա» էր, ծառայել է ԱԱԾ «սպեցնազում»:

«Նա լուրջ տղա էր, ավելի շուտ՝ հաշտարար էր, քան կռվարար: Նա չէր կարող կռիվ հրահրել»,- ասաց մեր զրուցակիցը: Ճի՞շտ է արդյոք, որ ՔՊ-ական երիտասարդների հետ վիճաբանության ընթացքում ապարանցիները եւ Հմայակը հայհոյել են Նիկոլ Փաշինյանին, նա տեղյակ չէ: «Ես մորգում եմ հիմա, ոչ մի տեղեկություն չունեմ՝ ճի՞շտ է դա, թե՞ սուտ: Մեր գլուխը հիմա շատ խառն է, դեռ ժամանակ չեմ ունեցել նման հարցերով հետաքրքրվել: Կարող եմ ասել, որ ոչինչ էլ կոծկել չի հաջողվի, ամեն ինչ էլ ջրի երես ա դուրս գալու»։ 

Հրազենի ի՞նչ վերքեր կան Հմայակի մարմնին։ Մեր հարցին զոհվածի ազգականը պատասխանեց. «Աճուկի շրջանում»։ Նա հրաժարվեց այլ տեղեկություններ հայտնել, քանի որ ընտանիքը զբաղված էր հուղարկավորության հարցերով: «Սիրտ չունենք, մայրը վատ վիճակում է»,- ասաց նա: Կրակողները տուժողի ընտանիքի հետ խոսելու, ցավակցելու չեն գնացել:

Կարճ հիշեցնենք՝ կիրակի լուրեր տարածվեցին, որ Ապարանում ՔՊ-ական երիտասարդները կրակոցներ են արձակել Փաշինյանին հայհոյած անձանց ուղղությամբ, կան սպանվածներ եւ վիրավորներ: Ոստիկանությունը հերքեց քաղաքական ենթատեքստը՝ հաղորդելով, որ վեճը տեղի է ունեցել կենցաղային հողի վրա: Երեկ ՔԿ-ն հաղորդեց, որ Ապարանում հունիսի 18-ին վեճ է ծագել երեւանցի երիտասարդների եւ ապարանցիների միջեւ՝ «մեքենան վարելու հետ կապված», որին միջամտել են մի խումբ ապարանցիներ, եւ որը շարունակվել է հաջորդ օրը՝ Ապարանի գազալցակայանի տարածքում, իսկ երեկոյան արդեն Նիգավան գյուղի աղբանոցի մոտ արձակվել են ճակատագրական կրակոցները: Փաստորեն, իրավապահների անգործության պայմաններում երեք օր շարունակ «ռազբորկաներ» են տեղի ունեցել փոքրիկ քաղաք Ապարանում ու մերձակայքում, ծեծկռտուք, որն ի վերջո ավարտվել է սպանություններով: Հետաքրքիր է, որ կրակել է ոչ թե կոնֆլիկտի մասնակից զինվորականը, այլ զինված ՔՊ-ականը: Նրան ձերբակալել են: Նրա անունը հայտնի դարձավ «Հրապարակին»՝ Հայկ Հովհաննիսյան: Ծագումով Արագածոտնի Ձորագլուխ գյուղից է, բայց երկար տարիներ բնակվել է Երեւանում։ Նա մեղադրվում է սպանության եւ ապօրինի զենք կրելու մեջ:

Մահացածներից Տիգրան Հարությունյանը, ըստ լուրերի, Ապարանի համայնքապետ Կարեն Եղիազարյանի՝ «Գնթունիկի» Կարենի քրոջ որդին է: Գազալցակայանն էլ, որտեղ հնչել են կրակոցները, պատկանում է Արագածոտնի փոխմարզպետ, ՔՊ-ական Էդգար Փարվանյանին։

Թե՛ Փարվանյանը, թե՛ Ապարանի քաղաքապետը երեկ անհասանելի էին լրագրողների համար: Սա զարմանալի չէ, քանի որ ունենք տվյալներ, որ Փաշինյանը հատուկ հանձնարարականներ է տվել ՔՊ-ականներին՝ միջադեպի հետ կապված, այդ թվում՝ չտիրաժավորելու այն եւ խուսափելու մեկնաբանություններից: Ապարանի քաղաքապետ Կարեն Եղիազարյանի բջջայինին պատասխանում էր այլ անձ, որը չներկայացավ, սակայն հաստատեց, որ մահացած երիտասարդը քաղաքապետի քրոջ որդին է: Ակնհայտ է, որ դեպքի վերաբերյալ իրավապահների տեղեկությունները նպատակ ունեն հերքելու քաղաքական ենթատեքստը եւ հնարավորինս մեղմացնելու կրակողների մեղքը:

Ըստ Քննչական կոմիտեի՝ ստացվում է, որ ոչ թե Նիկոլին ուղղված հայհոյանքն է միջադեպի պատճառը, այլ՝ վիճաբանությունը մեքենային ազդանշան տալու՚՚ շուրջ, ինչպես նաեւ՝ կրակոցները կատարվել են որսորդական հրացանից: Այս դեպքում տարակուսանք է առաջացնում, թե ինչպես են որսորդական հրացանից կրակելով հաջողացրել վիրավորել միանգամից 7 հոգու: Անհավանական այս տեղեկությունը կասկածներ է առաջացնում, որ ծածկադմփոցն արդեն սկսվել է, եւ որ իրականում հանցագործներն ամենեւին էլ որսորդական հրացանով զինված չեն եղել, այլ առնվազն ավտոմատ են ունեցել: Թեեւ իշխանությունները ցանկանում են ցույց տալ, որ ամեն ինչ անելու են դեպքը բացահայտելու համար ու արդեն պաշտոնից ազատել են ոստիկանության Ապարանի բաժնի պետ, ոստիկանության գնդապետ Աշոտ Հայրապետյանին, քրեական դեպքը կոծկելու միտումն ակնհայտ է: Ամենայն  հավանականությամբ, այս անգամ էլ ՔՊ-ականներին կփրկեն պատժից: 

ՀԳ. Նիգավանի ողբերգական դեպքերն ակամայից հիշեցրին 2019 թվականին Եղեգնաձորում տեղի ունեցած ՔՊ-ականների ու զինվորականների կոնֆլիկտը, որի ընթացքում Վայոց Ձորի նախկին մարզպետ Տրդատ Սարգսյանի մտերիմները դաժան ծեծի ենթարկեցին փոխգնդապետ Արա Մխիթարյանին, որը մինչ օրս կոմայի մեջ է: Այդ վեճը նույնպես ծագել էր ավտոմեքենան կայանելու հետ կապված կոնֆլիկտից: Սկիզբն աղմկոտ էր ու սկանդալային: Մարզպետը հրաժարական տվեց, 7-8 հոգի մեղադրյալի աթոռին նստեցին: Հետագայում, սակայն, իրավապահները «մաքրեցին»՚՚ մարզպետին՝ հիմնավորելով, թե նա չի եղել դեպքի վայրում, չնայած գործում կան զինվորականների վկայությունները: Ի վերջո, դատարանի առաջ ընդամենը մեկ անձ կանգնեց՝ նախկին մարզպետի օգնականը: Նա ընդամենը 5 տարվա ազատազրկման դատապարտվեց, սակայն սա էլ շատ հարմարեցին: Այժմ դատավճիռը բողոքարկման փուլում է՝ վերաքննիչ դատարանում: Զինվորականները շարունակում են մնալ Հայաստանի ամենաանպաշտպան խավը: Ամենակասկածելի քննությունները նրանց սպանությունների գործերով են ընթանում: Դրանք հիմնականում չեն բացահայտվում: Քրեական դեպքերն ավարտվում են նրանց կյանքի իրավունքի դեմ ոտնձգություն կատարածների  արդարացմամբ: Մանավանդ՝ եթե մյուս կողմում իշխանությունների ներկայացուցիչներն են կամ նրանց մոտ կանգնած անձինք։

  
Իվետա Տոնոյանը ստանձնեց ԲՀԿ աշխատակազմի ղեկավարի պաշտոնը Հուլիսի 5–ին երթ, իսկ հուլիսի 8–ին՝ հանրահավաք. Սաղաթելյանը ներկայացրեց առաջիկա անելիքներըԱռաջիկա տարիներին ակտիվ ռազմական բախումների փուլում կապրենք. ԲորդաչյովՊատգամավորական աշխատանքն ինձ համար նոր չէ, ես իմ գործառույթները շատ լավ գիտեմ. Մարտուն ԳրիգորյանԴադիվանք կորցրած մարդկանց փորձում են սպառնալ ինչ-որ պաշտոններից զրկելովՄոտ օրերս Չալաբյանի խափանման միջոցի փոփոխության հարցը կարող է լուծվելՔաղաքական ճգնաժամի նոր փուլ՝ խորհրդարանական ճգնաժամ. «Փաստ»Որպես պատժիչ միջոց են դիտում նույնիսկ եռամսյա հավաքների զորակոչը. «Փաստ»Մեր հայրենիքը մաս-մաս հանձնելու ֆոնին մեզ` պաշտոններից ազատելը ոչինչ է. Վահե ՀակոբյանՀերթական ապօրինությունն է գրանցվել Ավետիք Չալաբյանի գործի քննության հարցում. պաշտպանական խումբ Իրավական կազուս Ավետիք Չալաբյանի գործովԲարդ ժամանակահատվածում ՊՊԾ-ն իր առջև դրված խնդիրը կատարել է, ինչն արժանի է գնահատանքի. ՓաշինյանԱրևային մարտկոցները գերմանացիներին օգնում են խնայել և վաստակելԱրցախը չի փակել իր լինելիության էջը, պայքարը շարունակվում է․ Սեյրան ՕհանյանԻրավական կազուս Ավետիք Չալաբյանի գործովԳեղամա գեղեցկուհին այսօրվանից պատրաստ է ընդունել այցելուներինԼույս աշխարհ է եկել հանուն հայրենիքի կյանքը տված ոստիկանների եղբայրըԳիշերը ռուսական ավիացիան հարվածել է Օդեսայում բնակելի շենքին․ կան զոհերՄոտ օրերս Չալաբյանի խափանման միջոցի փոփոխության հարցը կարող է լուծվելՌուսաստանն անցնում է ռազմական դրության ՀՀ նախագահը Սահմանադրական դատարանի դատավորի թեկնածու է առաջադրելՈւ այս միտքը փակի տակ է. երևի վտանգավո՞ր էԱննա Հակոբյանը լուսանկարներ է հրապարակել Մոնակոյից Տարադրամի փոխարժեքն՝ այսօր CodeSignal-ը բոլորին հրավիրում է մասնակցել Gyumri Tech Week միջոցառմանըՑուցարարները Բերձորի լուսանկարները թողեցին Ազգային ժողովի շենքի մոտՀիվանդանոցներում այսօր առավոտից խառնաշփոթ է. որն է պատճառը Իշխան Սաղաթելյանն ու Վահե Հակոբյանը զրկվեցին պաշտոններից. ՔՊ–ն միաձայն կողմ է քվեարկել նախագծերինՈստիկանական մեծաթիվ ուժեր ԱԺ մոտ․ ՔՊ-ն քննարկելու է Սաղաթելյանին և Հակոբյանին պաշտոնանկ անելու հարցըԱրտահանման 80 տոկոսը` ԵԱՏՄ երկրներ. AquaYan ջրերի գործարանը նվաճում է շուկանԱվետիք Չալաբյանին փակի տակ պահելու համար գաղտնի փոխել են օրենքըԵթե Փաշինյանը Ռոբերտ Քոչարյանի գործողության համար պատժվեր, Ավետիք Չալաբյանի նկատմամբ այդպիսի լկտիություն իրեն թույլ չէր տա Ու այս միտքը փակի տակ է. երևի վտանգավո՞ր էԿոնվերս Բանկը կհոգա ապահովագրության ծախսերը ծրագրային վարկավորման շրջանակումՄոսկվայում հայերը վերջին հրաժեշտը տվեցին կլարնետահար, երգիչ Հովհաննես Վարդանյանին Ինձ համար միևնույնն է, իսկ իրենց կյանքում ամեն ինչ ավելի վատ է լինելու. Վահե Հակոբյանը՝ պաշտոնից զրկվելու լուրերի մասին«Միս ընդհանրապես չեմ առնում, որ առնեմ հետո սոված կմնամ».քաղաքացին` գնաճի մասին40 մլն դոլարի չարաշահումներ 2018-2021թթ. Երևանի քաղաքապետարանումԵրկար ժամանակով լույս չի լինելուԵթե Փաշինյանը Ռոբերտ Քոչարյանի գործողության համար պատժվեր, Ավետիք Չալաբյանի նկատմամբ այդպիսի լկտիություն իրեն թույլ չէր տաՆիկոլի ․․․ իրա մարդն էր, հերոսի ծնողին խփեց, գետնին գցեց․ 30 ոստիկանով չկարացան մեկի ձեռքը բռնենԵրկու դիտարկում Ավետիք Չալաբյանի հոդվածի շուրջԼաչինում հավեսի կամ թալանի համար կտրում են մալուխային գիծը եւ մնում ենք առանց կապի. Արցախի նախագահՊատվիրեք Mastercard Standard և Mastercard Gold և օգտվեք արտոնյալ պայմաններով վարկային գծիցԱրտակարգ իրավիճակ «Զվարթնոց» օդանավակայանում «Իշխանությունը պահելու համար ինչ գին ասես՝ կվճարեն». «Փաստ»Ուզում են ավելի մասնագիտանալ մանիպուլյացիայի գործում. «Փաստ»Մեր պահանջն է, որ Նիկոլ Փաշինյանը նստի մեղադրյալի աթոռին. զոհված կամավորականի մայր «Green land». երազանքների էկոբնակավայր` «Good realty» անշարժ գույքի գործակալությունիցԻրենք ինչ արել են, արել են ի օգուտ մեզ. Ալեն Սիմոնյանն՝ ընդդիմադիրների մասին