Լրահոս
Կարևոր


«Մեր քաղաքական նպատակասլացությամբ ու նվիրվածությամբ տարբերվելու ենք քաղաքական այլ ուժերից». «Ապրելու երկիր» կուսակցության քաղաքապետի թեկնածուն Մանե Թանդիլյանն է

Քաղաքականություն

«Ապրելու երկիր» կուսակցության քաղաքական խորհրդի ընդլայնված նիստում որոշում է կայացվել, որ Երևանի ավագանու առաջիկա ընտրություններում կուսակցության քաղաքապետի թեկնածուն Մանե Թանդիլյանն է: Քաղխորհրդի նիստի ավարտին լրագրողների հետ զրույցում կուսակցության հիմնադիր նախագահ Մանե Թանդիլյանը և համահիմնադիր Մեսրոպ Առաքելյանն անդրադարձան այն կարևորագույն խնդիրներին, որոնք ծառացած են մայրաքաղաքի առջև, նախանշեցին դրանց լուծման ուղիները:

Մեսրոպ Առաքելյանն ասում է, որ կուսակցությունն իր ստեղծման օրվանից՝ 2021 թ.-ի օգոստոսից, ընդգծել է համայնքներում ընտրություններին մասնակցելու կարևորությունը: «Յուրաքանչյուր համայնքի ուժեղացումը կարևոր նախադրյալ է երկրի ուժեղացման համար: Այդ ճանապարհով ընթանալով` երկու տասնյակից ավելի համայնքներում մասնակցել ենք ՏԻՄ ընտրությունների: Այս պահին Հայաստանի 18 համայնքում կուսակցությունն ունի ներկայացվածություն, 3-ում ստանձնել է կառավարումը: Արձանագրված արդյունքները խոսում են այն մասին, որ այս կարճ ժամանակահատվածում կուսակցությունը վայելում է հասարակության վստահությունը: Այս ընթացքում համայնքներում իրականացվել է որակյալ կառավարում, մեծ բարեփոխումներ, երեք համայնքում էականորեն փոխվել է բնակիչների կյանքը: Մեր հաջորդ կարևոր հանգրվանը Երևանն է, համոզված ենք, որ հասարակության հետ ակտիվ աշխատանքի շնորհիվ հնարավորություն կունենանք ստանալ նաև երևանցու վստահությունը և էականորեն փոխել Երևանի դիմագիծը»,-ասում է կուսակցության համահիմնադիրը:

Մանե Թանդիլյանը հաստատում է՝ տրամադրված են Երևանում շռնդալից հաղթանակի: «Վստահ ենք, որ այսպիսի առաջադրումով և այն թիմով, որը ձեզ շուտով կներկայացնենք, «Ապրելու երկիր» կուսակցությունն ունի բոլոր շանսերը հաղթելու Երևանի ավագանու ընտրություններում: Պատրաստ ենք համագործակցության բոլոր այն մարդկանց հետ, որոնք մեր կարմիր գծերի հետ հաշտ են: Դրանք վերաբերում են Արցախին, նրան, որ նախկինին վերադարձ չի լինելու, իսկ ներկաներն իրենց վաղուց սպառել են բոլոր ոլորտներում և պետք է հեռանան, կարևոր է նաև, որ այդ մարդկանց համար հանրային-պետական շահը գերակա լինի անձնական, կուսակցական, նեղ քաղաքական շահերից»,-ասում է կուսակցության նախագահը: Փաստում է՝ երևանցիների՝ իրենց վստահված քվեն ծառայելու է երեք նպատակի՝ քաղաքային, քաղաքական և պետական: «Երբ խոսում ենք ՏԻՄ ընտրությունների մասին, ակնհայտ է, որ առաջնահերթ է քաղաքային նպատակը: Առաջինը մեզ համար Երևանի խնդիրների լուծումներն են լինելու: Թամանյանի նախագծած եվրոպական քաղաքը պիտի հենց այդպիսի դառնա: Երևանը, ցավոք, մատնված է անփույթ վերաբերմունքի: Երևանցու հետ խոսելու ենք այն մասին, թե հայության ինչպիսի մայրաքաղաք պիտի ունենանք: Ընդգծելու ենք մի քանի առաջարկ, նախ լինելու է Երևանի զարգացման ծրագիրը:

Երկրորդ՝ այս ընտրություններով լուծվելու է քաղաքական խնդիր: Երևանում ընտրողները նաև քաղաքական կողմնորոշում պիտի ունենան: Այս ընտրություններն արդյունավետ իշխանափոխության միջոց ենք դիտարկում, համարում ենք, որ ընտրությունների միջոցով և անցնցում իշխանությունների փոփոխման կարիք կա երկրում: Դա արել ենք տարբեր համայնքներում, ապացուցել ենք, որ ՔՊ-ի հետ որևէ համայնքում որևէ ընտրությունների արդյունքում համագործակցության եզր չկա, առավել ևս չի լինելու Երևանում:

Պետական նպատակի մասին: Խորապես համոզված ենք, որ հզոր Հայաստանի հիմքում ուժեղ Երևանն է, այստեղ են կենտրոնացած տնտեսական, մշակութային, բովանդակային տարբեր ոլորտներ: Երևանը պետք է դառնա այն հիմնասյունը, որով հետագայում պետք է զարգանա Հայաստանը և դառնա մեր արժանապատվությանը, մեր արժեքներին հարիր պետություն: Այստեղ շատ անելիք ունենք: Երևանցու մանդատը ծառայելու է Երևանում կատարվելիք փոփոխություններին: Ընտրություններին մասնակցող բոլոր ուժերը պետք է հայտարարեն իրենց հետագա անելիքների մասին: Հայտարարում ենք, որ երևանցու տված մանդատը, վստահության քվեն որևէ ձևաչափով չի ծառայելու ՔՊի-ի հետ համագործակցությանը»,-հավելում է Թանդիլյանը՝ նշելով, որ այս հարցում պետք է երևանցիների հետ բաց խոսեն նաև քաղաքական մյուս ուժերը:

Տիկին Թանդիլյանը վստահ է, որ գործող իշխանությունը կիրառելու է ձեռքի տակ ունեցած բոլոր գործիքակազմերը Երևանում իշխանությունը պահելու համար. «Առաջին անգամ չէ, որ դրան հանդիպում ենք: Գիտենք, թե ինչպես պայքարել այդ ռեսուրսի դեմ, այն պրոցեսների դեմ, որոնք հետագայում կիրառվում են: Իրատես ենք, գիտենք վարչական ռեսուրսի ազդեցության տեսակարար կշիռը, գիտենք, թե ինչ ենք անում, որպեսզի այն չաշխատի: Աշխատում ենք մարդու հետ, որը միայնակ կատարում է իր ընտրությունը:

Այն, ինչ այսօր կատարվում է Երևանում և քաղաքապետարանում, իշխանության զավթում է: Երևանը ղեկավարում է մի մարդ, որը ո՛չ ընտրությունների է մասնակցել, ո՛չ ավագանու հետ կապ ունի: Սա կոչվում է իշխանազավթում: Երևանցին սա չի ներելու»:

Past.am-ի հարցին ի պատասխան, Երևանի քաղաքապետի թեկնածու Մանե Թանդիլյանը մանրամասնում է, թե ինչո՞ւ երևանցին հենց «Ապրելու երկիր» կուսակցությանը պետք է տա վստահության իր քվեն, անդրադառնում է նաև հարցին, թե, ի տարբերության այլ քաղաքական ուժերի, ո՞րն է իրենց կուսակցության առավելությունը: «Երևանցին ունի հազար ու մի պատճառ մեզ ընտրելու, չենք թողնելու որևէ պատճառ մեզ չընտրելու: Այս առումով խոսում եմ թե՛ թիմի, թե՛ ծրագրերի, թե՛ ճիշտ ներկայանալու մասին: Ոչ միայն տարբերություն են տեսնելու, այլ նաև գիտեն տարբերությունը: Հիմա դա պետք է ապացուցենք ճիշտ ներկայանալով և մեր ծրագրերով: Երևանցիներն ամեն օր բախվում են տրանսպորտի, խցանումների, աղբի, ասֆալտի հետ կապված խնդիրներին:

Արդեն իսկ ունենք 10 մեգապրոյեկտ, որոնք աստիճանաբար ներկայացնում ենք, օրերս ներկայացրեցինք Երիտասարդության պալատի վերականգնման ծրագիրը: Սա մեր արժանապատվության վերականգնումն է, այն ապօրինի որոշումների վերացման և դրանց կրկնվելը թույլ չտալու մասին է: Գիտենք, թե ինչպես է վերացվել Երևանի խորհրդանիշներից մեկը: Խոսելու ենք Երևանի տրանսպորտային խնդրի լուծման մասին՝ Երևանի ճոպանուղու ցանցի ներդրման մասով: Միայն գնման ընթացակարգ սահմանելը և այն որպես լուծում ներկայացնելը հարիր չէ 21-րդ դարին: Ավտոբուս եք գնել, հիմա էլ պետք է այդ լավ ավտոբուսի մե՞ջ ժամերով խցանման մեջ մնանք: Ճոպանուղին դառնալու է ավելի արդյունավետ տրանսպորտային միջոց: Այնպիսի լուծումներ ենք առաջարկելու երևանցուն, որ նա օր առաջ ցանկանա մեզ ընտրել: Մեր քաղաքական համառությամբ, նպատակասլացությամբ ու նվիրվածությամբ ենք տարբերվելու քաղաքական այլ ուժերից»,-արձագանքեց Թանդիլյանը:

Մեսրոպ Առաքելյանը հավելում է՝ տասնամյակներ շարունակ հասարակությունն իր ընտրությունից ամիսներ անց աստիճանաբար սկսել է հիասթափվել: «Մեր փորձով ցույց ենք տվել, որ ամենայն պատասխանատվությամբ ենք մոտենում քաղաքացու «Ապրելու երկիր» կուսակցությանը տրված քվեին: Այցելելով Տաթև, Նոյեմբերյան կամ Ալավերդի համայնքներ, կարող ենք ուղղակի զրուցել այն մարդկանց հետ, որոնք 1-2 տարի առաջ իրենց ձայնը տվել են մեր կուսակցությանը՝ հարցնելով, թե արդյո՞ք իրենք փոշմանել են ընտրելով «Ապրելու երկրին»: Վստահեցնում եմ՝ այն համայնքներում, որտեղ մենք կառավարում ենք և այնտեղ այսօր նորից լինեն ընտրություններ, ավելի շատ ձայներ կստանանք կարճ ժամանակում կատարած աշխատանքի և պրոֆեսիոնալ ու որակյալ կառավարման արդյունքում: Այն քվեի պատասխանատվությունը, որը քաղաքացին մեզ է տալու 2-3 ամսվա քարոզարշավի արդյունքում, ստանձնելու ենք ամբողջ հինգ տարվա համար: «Ապրելու երկիր» կուսակցությանը տրված քվեն որևէ ձևով անպատասխանատու վերաբերմունքի չի արժանանալու»,-ընդգծում է Առաքելյանը:

Սահմանապահ Բաղանիսն ամուր է, քան երբևէՈ՞վ է փչացնում հայ-ռուսական հարաբերությունները Ավստրալիան մտադիր է իր արևային վահանակներն արտադրելՌուսաստանում միգրանտների թվային հսկողություն կսահմանվի. Պետդումայի փոխխոսնակ Եղեգնաձորում սպանության փորձ կատարելու վարույթով կալանավորվել է 32–ամյա բնակիչը 102-րդ ռազմաբազայի և ռուս սահմանապահների ներկայությունը Հայաստանի ինքնիշխանության միակ իրական երաշխիքն է. ՌԴ ԱԳՆ Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին Պապիկյանի գլխավորությամբ քննարկվել են սպառազինության և ռազմական տեխնիկայի զարգացման ծրագրի ընթացքին վերաբերող հարցեր Փաշինյանի թիրախում Արցախի իշխանություններն են ԵՄ-ԱՄՆ-Հայաստան հանդիպմանը Երևան-Բաքու կարգավորումը չի քննարկվելու. ԵՄ-ն հակադարձել է Բաքվին Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի Ալիևին նոր պատերազմ է հարկավոր. Ռուսական մամուլի անդրադարձը Բարձրահարկ շենքում հզոր հրդեհ է բռնկվել․ ԲրազիլիաՌԴ-ի հետ կապերը խզելու դեպքում Հայաստանը կկորցնի արժեքը Եվրամիության աչքում. ռուս քաղաքագետ Վրաերթի ենթարկված 83-ամյա կինը հիվանդանոցում մահացել է Եթե ընդունում ես, որ քեզնից ոչինչ չես ներկայացնում, դրանով նաև քո բանակցային դիրքերն ես թուլացնում. Դավիթ Ջամալյան ԶՊՄԿ-ն մասնակցել է ՀԱՊՀ Կապանի մասնաճյուղի կազմակերպած «Ապագա ճարտարագետ» էքսպոյին «Արտավազդ» ամենամյա մրցանակաբաշխությունն այս տարի կյանքի կոչվեց «Գագիկ Ծառուկյան» բարեգործական հիմնադրամի շնորհիվ (տեսանյութ) Նիկոլ Փաշինյանը՝ Հայաստանի դեմ պատերազմի առաջին գծում Նիկոլն Իլհամի փիառշիկն է դարձել Սա խելագարություն է, պետք է վե՛րջ դնել՝ թե չէ՝ կհասնենք նրան, որ թշնամուն խնդրենք՝ «մեզ մի սպանեք» Վաղվանից մեր հանրապետության բոլոր առևտրային բանկերը, բացառությամբ ՎՏԲ բանկի, դադարեցնում են МИР քարտերի սպասարկումը. Շաքե ԻսայանԿասպից ծովում երրորդ երկրների ռազմական ներկայությունը հակասում է տարածաշրջանի շահերին․ Իրանի ԱԳՆԱպրիլի 5-ից հետո ակնհայտորեն Հայաստանում քաղաքական նոր իրողություն է ստեղծվելու. Արշակ Կարապետյան Տաք օդային հոսանքներ են ներթափանցել Հայաստան. Սուրենյանը՝ եղանակի մասին Իշխանությանն անհանգստացրել է Արցախի նախագահի պնդումը ՀՀ տարածքների նկատմամբ ադրբեջանական օկուպացիայի և տարածքային պահանջատիրության մասին․ Տիգրան Աբրահամյան Այրվել է վագոն-տնակ՝ ներսում եղած իրերով Fastex-ը վիրտուալ համերգներ է կազմակերպում «Ցերեբրում» վիրտուալ Երևանում Ջուր չի լինի Այսօր Ավագ Ուրբաթ է, տեղի կունենա Խաչելության կարգ Անկում տարադրամի շուկայում․ փոխարժեքն՝ այսօր Մայիսին կամ հունիսին սպասվում է Ռուսաստանի կողմից լայնածավալ հшրձակում, բայց մենք պատրաստ չենք․ մենք հիմա օգնության կարիք ունենք․ Զելենսկի Ալիևը կարող է հանգիստ լինել՝ Նիկոլը թույլ չի տա, որպեսզի Արցախի վտարանդի կառավարություն լինի«Պետք է մեկտեղել ջանքերը Հայաստան-Սփյուռք միասնական օրակարգ ձևավորելու հարցում». կայացավ Արման Վարդանյանի և Ամրամ Պետրոսյանի հանդիպումը Ինձ մոտ ձևավորված կարծիք կա, որ վերջնակետն Ալեքսանդրապոլի պայմանագիրն է. Նաիրի ՍարգսյանՓաշինյանը խմբեր է գործուղում Տավուշի մարզ Ղրղզստանի մայրաքաղաքում ավազամրրիկից շենքեր և ավտոմեքենաներ են վնասվել Պարզվել է 20-ամյա հղի կնոջ մահվան պատճառը. մեղադրանք է ներկայացվել բժշկական կենտրոնի երեք բժշկի Հայկ Մարությանն առաջիկայում կուսակցություն կհիմնի Գործող իշխանությունները գիտակցաբար ստանձնում են զիջողի, հանձնողի կերպարը. Մենուա Սողոմոնյան«Գագիկ Ծառուկյան» բարեգործական հիմնադրամի հովանու ներքո իրականացվել է 23-րդ «Արտավազդ» ամենամյա մրցանակաբաշխությունը . ՏոնոյանՉտրվե´լ թշնամական հերթական սադրանքին. «Հայաքվե» Իտալիան կառուցում է լողացող հիբրիդային էլեկտրակայան Գրիգոր Դանիելյանի որդուն հիվանդանոց են տեղափոխել Հետքա՞յլ՝ ԵՄ անդամության դիմումի հարցում Կրոկուսի վրա հարձակում գործած ահաբեկիչները գտնվել են թմրանյութի ազդեցության տակ Հայտնի է՝ ով է ճանաչվել Լա Լիգայի՝ մարտ ամսվա լավագույն մարզիչ Շղթայական ավտոմեքենաների ջարդ Երևանում. 12-ամյա երեխան ու նրա մայրը տեղափոխվել են հիվանդանոց Երբ ռուսական ռազմաբազան դուրս գա, Հայաստանը չի հետաքրքրի ոչ մեկին. Արշակ Կարապետյան Վարչախմբի թիրախում հաջորդը ռուսական ռազմակայանն է