Այս անբարոյականները չունեն ոչ մի սրբություն և իրենց ֆեյքերով ցուցաբերում են նույն հիստերիկությունը և անհավասարակշիռ պահվածքը, ինչն իրական կյանքում ցուցաբերում է իրենց քաղաքական հովանավոր Նիկոլ Փաշինյանը
Արմեն Հարությունյանը գրում է
Այս անբարոյականները չունեն ոչ մի սրբություն և իրենց ֆեյքերով ցուցաբերում են նույն հիստերիկությունը և անհավասարակշիռ պահվածքը, ինչն իրական կյանքում ցուցաբերում է իրենց քաղաքական հովանավոր Նիկոլ Փաշինյանը
Իշխանական ֆեյքերի «ՊՈԱԿ»-ի ամենահայտնի ֆեյք էջերը կառավարող անձինք ինչպես 2,5 տարի, այնպես էլ հիմա այս դժվարին պահին չեն դադարում իրենց սադրիչ գործողությունները և շարունակում են լկտի ստեր տարածել ողջ համացանցում։ Խոսքը գնում է Մանե Էլբակյան և Ռեգինա Պռազյան ֆեյք էջեր մասին, որոնց կառավարողները իշխանական ամենաբարձր օղակներից են։ Այս անբարոյականները չունեն ոչ մի սրբություն և իրենց ֆեյքերով ցուցաբերում են նույն հիստերիկությունը և անհավասարակշիռ պահվածքը ինչն իրական կյանքում ցուցաբերում է իրենց քաղաքական հովանավոր Նիկոլ Փաշինյանը։
Ընդդիմադիրներից սարսափած հողատու դավաճանը, այլևս չտիրապետելով իրավիճակին, իր ֆեյքերի ֆաբրիկային հրահանգել է երևակայություններին զոռ տալ և հնարել տարատեսակ ստեր և այդ կերպ փորձել վարկաբեկել ընդդիմադիրներին։ Վերոնշյած լպիրշ ֆեյքերը երեկվանից համացանցում տարածում են, թե իբր ընդդիմադիրները այսօրվա հանրահավաքին մասնակցելու համար մարդկանց գումար են առաջարկում և ինչ որ կազմակերպչական աշխատանքներ են տանում։ Վստահեցնում եմ, որ այս ամենը լկտի սուտ է և իրականության հետ որևիցէ աղերս չունի։ Այս անմեղսունակները 2,5 տարի ապրել են բացառապես համացանցում, 2,5 տարի հանրությանը լարել են իրար դեմ, բաժանել սև ու սպիտակի և կարծում են թե այսքանից հետո մարդկանց, բացի դավաճան և սրիկա Նիկոլ Փաշինյանին երկրից վայրկյան առաջ մաքրելուց, էլի ի՞նչ որ բան է անհրաժեշտ, որպեսզի դուրս գան փողոց։ Ո՛չ հարգելիներս, հանրության ճնշող զանգվածը գիտակցում է իրավիճակի լրջությունը և պատրաստ են ամեն գնով վարչապետի աթոռից կառչած անձնավորությանը նետել աղբանոցը։
Ինչևէ, հուսանք իշխանավորները կհասկանան, որ իրենց համար լավագույն տարբերակը իշխանության անցնցում փոխանցումն է, հակառակ դեպքում իրենց սպասում է վատագույներից վատագույնը։Իսկ իրավապահ մարմինները լավ կանեն, ոչ թե խաղաղ հանրահավաքներ կազմակերպող ընդդիմադիրներին հրավիրեն ԱԱԾ կամ ՀՔԾ հարցաքննության, այլ զբաղվեն իշխանական ֆեյքերի սադրիչ, պառակտիչ և հանրությանը իրար դեմ հանող գրառումներով։