Մի փոքրիկ հողակտոր, և ամբողջ Միացյալ Նահանգներն ու Եվրոպան ամբողջությամբ կապահովվեն արևային էներգիայով
Հասարակություն
Էլոն Մասկը խոսել է արևային էլեկտրակայանի համար անհրաժեշտ տարածքի մասին, որը կարող է էլեկտրաէներգիա մատակարարել ամբողջ Միացյալ Նահանգներին կամ ամբողջ Եվրոպային, գրում է ixbt.com–ը։
«Մոտավորապես ասած 100-ը 100–ի մղոն, ես կասեի 160-ը 160 կիլոմետր տարածքով արևային էներգիան բավարար է ամբողջ Միացյալ Նահանգները էլեկտրաէներգիա մատակարարելու համար։ Այո, 100-ը 100–ի մղոն տարածքը Յուտայի, Նևադայի կամ Նյու Մեքսիկոյի մի փոքրիկ անկյուն է։ Ակնհայտ է, որ այս ամենը անհրաժեշտ չէ մեկ վայրում։ Բայց դա ԱՄՆ տարածքի շատ փոքր տոկոսն է, և դա երկրի կողմից սպառվող ամբողջ էլեկտրաէներգիան արտադրելու համար»,– ասել է Էլոն Մասկը
Նա հավելել է, որ նույնը վերաբերում է նաև Եվրոպային. «Դուք կարող եք վերցնել մի փոքր մասը։ Դուք կարող եք վերցնել, օրինակ, Իսպանիայի և Սիցիլիայի համեմատաբար նոսր բնակեցված տարածքները և արտադրել Եվրոպային անհրաժեշտ ամբողջ էլեկտրաէներգիան»,– ասել է նա։
Մասկը նաև բացատրել է, թե ինչո՞ւ այդ ուղղությամբ շարժ չկա։
«Այսպիսով, ինչո՞ւ այս ուղղությամբ շարժ չկա Եվրոպայում և Միացյալ Նահանգներում։ Ցավոք, Միացյալ Նահանգներում արևային էներգիայի սակագնային արգելքները չափազանց բարձր են։ Եվ դա արհեստականորեն մեծացնում է արևային էներգիայի ներդրման տնտեսական նպատակահարմարությունը, քանի որ Չինաստանն է արտադրում գրեթե բոլոր արևային վահանակները... Մենք ակնհայտորեն չենք վերահսկում ԱՄՆ սակագնային քաղաքականությունը։ Բայց մյուս երկրների համար Չինաստանը արտադրում է արևային մարտկոցներ, որոնք աներևակայելի էժան են»,– ասել է նա:
Նա նաև նշել է, որ էլեկտրաէներգիան արհեստական բանականության ներդրման սահմանափակող գործոնն է հավելելով, որ հնարավոր է, որ այս տարվա վերջին ավելի շատ չիպեր արտադրվեն, քան կարող են օգտագործվել։ Այս տարի SpaceX-ը նախատեսում է «ապացուցել Starship տիեզերանավի լիարժեք վերօգտագործելիությունը, ինչը կլինի հսկայական նվաճում, քանի որ տիեզերք մուտք գործելու արժեքը կնվազի 100 անգամ»։
Հիշեցնենք, որ նա ասել է, որ ռոբոտները կգերազանցեն մարդկանց թիվը խոստանալով մեքենաներ, որոնք կբավարարեն «մարդկային բոլոր կարիքները»։ Նա կոչ է արել պատրաստվել «զարմանալի առատության»։ Էլոն Մասկը նաև հայտարարել է, որ 2026 թվականի վերջին արհեստական բանականությունը կլինի ավելի խելացի, քան մարդիկ, իսկ հինգ տարվա ընթացքում ավելի խելացի, քան ամբողջ մարդկությունը։ Արհեստական բանականությունը և ռոբոտները կհանգեցնեն աննախադեպ տնտեսական աճի: Միլիարդատերը նաև ներկայացրել է իր տիեզերական ընկերության՝ SpaceX-ի նպատակը։
Հայաստանում արևային պանելներ արտադրող առաջին և միակ ընկերությունը Սոլարոնն է։
Տեղադրե՛ք SolarOn արևային կայան և զրոյացրեք էլեկտրաէներգիայի ծախսը։
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։
Զանգահարեք 8757, 010 440055
էլ. փոստ ֊ [email protected]
