««Փորձում ենք հոգեպես և ֆիզիակապես պատրաստ լինել բեմ վերադառնալուն». Մարիամ Ադամյան

Դերասանուհի Մարիամ Ադամյանն արդեն շուրջ 5 տարի է՝ խաղում է թատրոնում: Tert.am Life-ի հետ զրույցում Հ. Ղափլանյանի անվան դրամատիկական թատրոնի դերասանուհին ասաց, որ երկար դադարից հետո պատրաստվում է «Սերը տարիք չի հարցնում» ներկայացմանը, որը կրկին բեմում կլինի փետրվարից:  

«Թատրոնում նախապատրաստական աշխատանքներ ու փորձեր են, քանի որ փետրվարից բեմ ենք վերադառնալու: Լինելու են և՛ խաղացանկից արդեն հայտնի ներկայացումներ, և՛ նոր ներկայացումներ, որոնց մասին խոսել չեմ կարող: Վաղուց չենք խաղացել և, իհարկե, աշխատանքային վիճակի մեջ լինելու խնդիր կա, աշխատելու շատ բան կա, հիմա փորձում ենք բեմ վերադառնալուն հոգեպես և ֆիզիակապես պատրաստ լինել: Առաջին ներկայացումը «Սերը տարիք չի հարցնումն» է, որը խաղում եմ ՀՀ վաստակավոր արտիստ Հրաչյա Հարությունյանի հետ: Մի փոքր լարվածություն կա, քանի որ երկար ժամանակ է՝ չենք խաղացել, հանդիսատեսի հետ շփումը չի եղել, թեև կարծում եմ՝ փորձերի շնորհիվ կվերդառնանք նախկին վիճակին» ,- ասաց նա:

Մարիամի խոսքով՝ ինչպես թատրոնի բոլոր դերասանները, ինքը ևս կարոտել է բեմն ու հանդիսատեսի հետ շփումը: «Վաղուց չենք խաղացել ու շատ եմ կարոտել բեմը: Այդ ընթացքում փորձել եմ այլ բաներով զբաղվել, փորձել լցնել թատրոնի տեղը, ավելի շատ ժամանակ եմ հատկացրել կարդալուն, նաև սերիալային նկարահանումներ ունեի. այս ամենն օգնում էր խուճապային իրավիճակից կտրվել՝ չնայած խուճապի հեշտ չեմ մատնվում:  Ընդհանրապես ես երբևէ խուճապի չեմ մատնվել թեկուզ համաճարակի հարցում՝ իհարկե պահպանելով բոլոր կանոնները» ,- նշեց Մարիամը:

Ըստ դերասանուհու՝ որքան էլ ժամանակները փոխվել են, թատրոնը շարունակվում է պահանջված մնալ: «Կարծում եմ՝ թատրոնը միշտ է պահանջված, մարդիկ միշտ էլ սիրել են թատրոն գնալ: Որքան էլ այսօր մեր կյանք են մտել համացանցը, հեռուստատեսությունը, մարդիկ էլ հաճախ չեն կարողանում 3 ժամ հատկացնել թատրոն դիտելու համար, որովհետև շատ են աշխատում ու նախընտրում են իրենց հանգիստը հեռուստացույցի առջև անցկացնել, թատրոնը միշտ էլ կլինի: Իհարկե մեզնից շատ դարեր առաջ պահանջարկն ավելի շատ է եղել և դա բնական է» ,- ընդգծեց նա:  

«Անվերջ վերադարձ» ներկայացման մեջ Դրամատիկական թատրոնի բեմից հնչում են  «Արվեստի մեջ առաջնորդվել ժողովրդի ճաշակով՝ նշանակում է չծառայել ժողովրդին» Սևակյան խոսքերը, դերասանուհուց հետաքրքրվեցինք՝ որքանո՞վ է համաձայն մտքի հետ:   

«Այդ խոսքերը մեր թատրոնի բեմից հաճախ են հնչում, ինքս էլ խաղում եմ տվյալ ներկայացման մեջ: Իհարկե ժողովրդի ճաշակը մարզելու համար է նախատեսված, պետք չէ այդ ճաշակին որևէ բան հարմարեցնել: Եթե ռեժիսորները, դերասաններն ինչ-որ բան անեն առաջին հերթին իրենց դուր գալու համար, այդ ժամանակ ժողովրդին էլ դուր կգա: Հանդիսատեսի հետ պետք է ազնիվ լինել, ազնվությունը միշտ էլ գնահատվում է: Միշտ ասում եմ, որ դիմացինիդ ազնվությունից ելնելով միշտ լսում ես նրան և կապ չունի, թե ինչից է խոսում: Ազնիվ ներկայացումն անհնար է, որ հետք չթողնի թեկուզ մեկի հոգում» ,- եզրափակեց Մարիամը:

Լրահոս
Ձեթն ու շաքարավազը թանկ են՝ խառը կանաչի, սոխ կերեք, օգտակար է. (տեսանյութ) «Նա մսխել է մարդկանց սերը եւ հավատը». Արմեն Աշոտյան Ucom-ը որակի ապահովման համար ներդրել է հավելյալ ռեսուրսներ Հանրապետության անասնահամաճարակային իրավիճակի վերահսկողությունն առաջնահերթ խնդիր է ՀՀ ԶԻՆՎԱԾ ՈՒԺԵՐԸ ԼԻԱՐԺԵՔ ԻՐԱԿԱՆԱՑՆՈՒՄ ԵՆ ՄԵՐ ՀԱՅՐԵՆԻՔԻ ՍԱՀՄԱՆՆԵՐԻ ՊԱՇՏՊԱՆՈՒԹՅՈՒՆԸ. ՊՆ Լարված իրավիճակ Ազատության հրապարակի հարակից տարածքում․ բախում Փաշինյանի աջակիցների և հրաժարականը պահանջողների միջև Արտակ Թովմասյանը խմբակցություններին իմպիչմենտի գործընթաց սկսելու կոչ է անում Իլհամ Ալիևը խոսել է Հայաստանում տիրող ներկա իրավիճակի մասին Արման Վարդանյանը ԱԱԾ-ի տնօրենին, ոստիկանապետին և Գլխավոր դատախազին հրաժարական տալու կոչ է անում Անդրանիկ Քոչարյանը վախկոտ է և հասարակ սրիկա. Խաչատուրով Գլուխները պատով են տալու՝ կրակելու են ժողովրդի վրա, թող հլը փորձեն կրակեն կամ ուժ կիրառեն. Վանեցյան Կոչ ենք անում 15:00-ից հավաքվել Ազատության հրապարակում. Էդուարդ Շարմազանով Նաիրի Սարգսյանը փոխանցեց, որ լրագրողներին դուրս հանեն կառավարությունից «Հայոց Արծիվների» հրատապ հայտարարությունը «Բարգավաճ Հայաստան» կուսակցության քաղաքական խորհրդի հայտարարությունը Որոշել եմ պաշտոնից ազատել Օնիկ Գասպարյանին. Նիկոլ Փաշինյան Ամեն ինչ ունի իր սահմանները. ՀՀ զինված ուժերը պահանջում են Նիկոլ Փաշինյանի հրաժարականը. Հայտարարություն Խաչիկ Ասրյան. Ուժի, Օրենքի և Արդարության Հայաստան՝ ահա՛ նախկին մերժված և ներկա հողատու իշխանությունների այլընտրանքը «Իսկանդերը» լիներ էլ, չէր աշխատելու, որպեսզի Լավրովի պլանն իրականանար Իրո՞ք խնդիրները լոգիստիկ էին, թե՞ կան ավելի լուրջ պատճառներ. զենքի արտադրության փոխարեն՝ ներմուծո՞ւմ․ «Փաստ» Արծրուն Հովհաննիսյանը մեկնել է ԱՄՆ Ձեթն ու շաքարավազը թանկ են՝ խառը կանաչի, սոխ կերեք, օգտակար է Ու՞մ է ձեռնտու այս ծանրագույն իրավիճակում խայտառակ կերպով լարել իրավիճակը մեր և Ռուսաստանի միջև. Արման Աբովյան Փաշինյանի աջակիցը հայհոյանքներով հարձակվել է Yerkir.am-ի թղթակցի վրա Յո՞ երթաս, ապիկար իշխանություն. (տեսանյութ)
Ամենադիտվածը