Լրահոս
Կարևոր

Բուժաշխատողները վիրավորված են պետության վերաբերմունքից

Հասարակություն

Կորոնավիրուսով պայմանավորված՝ երկրում իրավիճակը գնալով ավելի է վատթարանում։ Սա արդեն անհերքելի փաստ է, իրողություն։ Ու մինչ վարչապետ Նիկոլ Փաշինյանն իր հերթական «լայվի» ընթացքում կորոնավիրուսի նոր բռնկման մասին է ահազանգում, իսկ առողջապահության նախարար Արսեն Թորոսյանն էլ հիվանդների սորտավորման մասին է խոսում, վարակակիրների թիվը կտրուկ աճում է մեր երկրում։ Միայն երեկվա տվյալներով, կորոնավիրուսով հաստատված դեպքերի թիվն աճել է 452-ով, ընդհանուր հաստատված դեպքերն անցել են 7 հազարից։ Ըստ պաշտոնական հայտարարությունների՝ օր-օրի աճում են նաեւ կորոնավիրուսով պայմանավորված՝ պետությանը տրվող ֆինանսական օգնությունները, եւ թվում էր, թե պետությունն այս վտանգավոր իրավիճակում պետք է ավելի խրախուսեր բուժաշխատողներին, գնահատեր նրանց աշխատանքը՝ ոչ միայն տեսահոլովակներ նկարահանելով։ Բայց այս չհուսադրող պատկերի ֆոնին ամենախոցելի խավը շարունակում են մնալ բուժաշխատողները։ Ինչո՞ւ․ որովհետեւ պետությունը ոչ միայն չի կարողանում ապահովել հիվանդանոցներում տարրական աշխատանքային պայմաններ, այլեւ հունիսի 1-ից բոլոր բուժաշխատողներին ուղարկում է տուն՝ առանց թեստավորելու եւ 14 օր մեկուսացնելու։

«Հրապարակի» խմբագրություն ահազանգեցին «Սուրբ Գրիգոր Լուսավորիչ» բժշկական կենտրոնի մի քանի բուժաշխատակիցներ, ովքեր պատմեցին, որ բուժանձնակազմն անելանելի վիճակում է, քանի որ իրենց ասվել է՝ հունիսի 1-ից պետք է գնան տուն եւ տնից գան աշխատանքի, իսկ մեկուսացման մասին խոսք չկա, որովհետեւ հյուրանոցների հետ պետության պայմանագրերն ավարտվել են, ուստի 14-օրյա մեկուսացումն էլ պետք է անցկացնեն տանը՝ ուղղակիորեն վտանգելով նաեւ տան անդամների առողջությունը։ Այս որոշումն առաջին հերթին հարվածել է ֆինանսապես խոցելի խավին, որոնք, օրինակ, չունեն ամառանոց կամ մեծ տուն, որտեղ կարող են մեկուսանալ։ Այս հանգամանքը դժգոհությունների ալիք է բարձրացրել․ բուժանձնակազմի մի մասը, հիմնականում նրանք, ովքեր ունեն ամառանոցներ կամ առանձին են ապրում, արդեն լքել են հյուրանոցները՝ չսպասելով հունիսի 1-ին, իսկ նրանք, ովքեր տանն ունեն տատիկ, պապիկ, մեծահասակ ծնողներ եւ փոքրահասակ երեխաներ, հայտնվել են անելանելի կացության մեջ։ Բավական չէ, որ կրկնակի վարձատրվելու խոստումների դիմաց վարձատրվել ու վարձատրվում են քիչ, դեռ մի բան էլ այս ծանր վիճակում պետությունը բուժաշխատողներին թողել է բախտի քմահաճույքին՝ պատճառաբանելով, թե պետք է կոլեկտիվ իմունիտետ ձեռք բերել։

«Մեզ ասում են, որ պետությունն այլեւս ի վիճակի չէ բուժաշխատողներին պահել, եւ որ ոչ ոք չի կարող ասել, թե 24-ժամյա ծանր հերթապահությունից հետո տուն գնալով դո՞ւ կվարակես քո ծնողներին, թե՞ իրենք կվարակեն քեզ՝ խանութից տուն վերադառնալով։ Բայց այստեղ պետությունը մի բան հաշվի չի առել՝ ռիսկայնության գործոնը․ եթե խանութում վարակվելու հավանականությունը 10 տոկոս է, ապա հիվանդանոցում՝ 99 տոկոս։ Բուժաշխատողներ կան, ովքեր արդեն 3-րդ ամիսն են աշխատում, մարդիկ ոտքի վրա մարում են, հոգնել են, չեն դիմանում, իսկ նման պայմաններում շատ հեշտ է վարակվելը, որովհետեւ իմունիտետդ հյուծվում է»,- ասում է բուժաշխատողներից մեկն ու նշում, որ հիվանդանոցը բուժաշխատողների պակաս ունի, մարդիկ անգամ իրենց հաշվին են ուզում արձակուրդ գնալ, բայց չեն թողնում, որովհետեւ մի մասը հիվանդացել է եւ դեռ չի ապաքինվել, իսկ մյուս մասը ներկա դրությամբ աշխատում է։

«Բոլորը դժգոհ են, բայց ավելի շատ՝ վիրավորված, ստացվում է՝ ռուսաստաններից, ամերիկաներից Հայաստան վերադարձող քաղաքացիներին պետությունը կարող է 14 օրով մեկուսացնել հյուրանոցներում, տեր կանգնել իր քաղաքացիներին, ինչը գովելի է, իսկ իր բուժաշխատողներին՝ ո՞չ։ Եթե քեզ հռչակել ես ժողովրդավարական, սոցիալական պետություն, պետք է տեր կանգնես քո բոլոր քաղաքացիներին։ Այդ ինչպե՞ս է ստացվում, որ, օրինակ, Ռուսաստանում ապրող իր քաղաքացու հանդեպ պետությունը գիտակցում է իր սոցիալական պատասխանատվությունը, իսկ հայրենիքում ապրող, օր ու գիշեր հիվանդների հետ աշխատող բժշկի առաջ դրսեւորում է զրո պատասխանատվություն՝ նրան ուղարկելով տուն՝ քրոնիկ հիվանդ ծնողների հետ անցկացնելու իր 14-օրյա մեկուսացումը։ Լավ, գոնե տուն ուղարկելուց առաջ թեստավորեին, նոր ուղարկեին, բայց այստեղ էլ նորից բժիշկների վրա են ուզում խնայել եւ թեստավորումն անել 14 օր անց, երբ արդեն տան անդամներդ նույնպես վարակված կլինեն։ Բժիշկներին պետք չէ ֆեյսբուքներում շնորհակալություն հայտնել, խոսքն արժեք չունի, եթե վերաբերմունք ու հարգանք չես դրսեւորում։ Բան չունենք ասելու, հնարավոր է՝ դեռ 1-2 տարի էլ այս վիճակը լինի, եւ պարզ է, որ պետությունը չի կարող 2 տարի պահել բուժաշխատողներին, բայց, նախ, պետությունը թող իր պարտականությունները կատարի, նոր հետո այդ պարտականությունը դնի ամեն քաղաքացու ուսին եւ խղճին»։

Մեկ այլ՝ ոչ պակաս կարեւոր խնդիր է բժշկական արտահագուստի հարցը, որ վերջին օրերին կրելը դարձել է անտանելի․ «Վերջին օրերին բուժանձնակազմին բաժանել են տեղական արտադրության՝ էժան կլինկորից կարված կոմբինեզոն համազգեստներ, որի մեջ անհնար է աշխատելը, կես ժամից ամբողջությամբ ջուր ես դառնում, դե պատկերացրեք՝ եթե այդ արտահագուստը մի քանի ժամ քո հագին է։ Աշխատելու պայմաններն առանց այն էլ դժվարին են, դա էլ գումարվում է, ու արդեն աշխատելը դառնում է տանջանք»։ Պարզվում է՝ նոր արտահագուստներն այնքան անորակ են ու վատը, որ բուժաշխատակիցներից շատերը հրաժարվել են այն կրել՝ փոխարենը հագնելով կրկնակի խալաթ, ինչը, անշուշտ, չի կարող ապահովել այն պաշտպանիչ միջավայրը, ինչ կոմբինեզոնները, եւ ուղղակիորեն սպառնում է յուրաքանչյուր բուժաշխատողի կյանքին․ «Ասում են՝ բժիշկները մեր զինվորներն են, հերոսներն են, այսպե՞ս են «զինվորների» հետ վարվում։ Այս իրավիճակը նման է նրան, որ սահմանին կանգնած քո զինվորին համազգեստ, զենք չտաս ու հետն էլ ասես, որ եթե թշնամին հարձակվեց, քեզ ո՛չ համազգեստը կփրկի, ո՛չ էլ զենքը։ Այսինքն՝ քո գլխի ճարը դու պիտի տեսնես․․․»։

Անի Առաքելյան

Նարեկ Կարապետյանի հետ հանդիպումից հետո հասարակական-քաղաքական գործիչների ճեպազրույցներըՆարեկ Կարապետյանը հանդիպում է հասարակական գործիչների հետ․ ուղիղ միացումԿանխել ալիևյան սահմանադրությունը և պահպանել անկախ Հայաստանը. Նարեկ ԿարապետյանԱդրբեջանի հետ խաղաղություն հաստատելու համար իսկապե՞ս անհրաժեշտ է փոխել Սահմանադրությունը. տեսանյութՀայաստանի իշխանությունները Բաքվի՞ց են հրահանգներ ստանում՝ քաղաքական հետապնդումներն ուժեղացնելու համար. Իրինա ՅոլյանԹույլ չենք տա, որ մեր երկիրը դառնա Ադրբեջանի կցորդը. Ավետիք ՉալաբյանՍոցփաթեթի կառուցվածքը պետք է փոխվեր, և արդյունքները կլինեին ավելի գոհացուցիչ. Հրայր Կամենդատյան«ՀայաՔվեն» ևս իր պայքարի ճանապարհին ենթարկվում է իշխանական ճնշումների. Մենուա ՍողոմոնյանԱլիևի՞ Սահմանադրությունը, թե՞ Հայաստանի անկախությունը. տեսանյութՓաշինյանը խարխլում է Հայաստանի պետականության և ազգային ինքնության հիմքերը՝ սպասարկելով Ալիևի շահերը. Գառնիկ ԴավթյանՀայաստանում կրթության որակը անկում է ապրում, և իշխանությունները նպաստում են դրան. Ատոմ ՄխիթարյանԿա մեկ օրակարգ` թույլ չտալ ալիևյան սահմանադրության ընդունում. Նարեկ Կարապետյանի միավորման կոչը հենց այս նպատակն ունի. Հայկ ՖարմանյանՄեր ուժը մեր աշխատակիցներն են. Ֆելիքս ՉիլինգարյանՄենք թույլ չենք տա, որ քաղաքական ողորմելի շահարկումներով ու անգրագետ ամբոխահաճությամբ աղճատվի մեր հազարամյա պատմությունը. Հրայր ԿամենդատյանԱյն մասին, թե իրականում ինչ հետևանքների կարող է բերել Ալիևի պահանջով սեփական Անկախության հռչակագրից հրաժարվելը. Ավետիք ՉալաբյանԸնդդիմության համախմբումը մեր պայքարի գործում շատ կարևոր ու առաջնային քայլ է. Արսեն ԳրիգորյանՍահմանափակ հնարավորություններով առճակատային «լարախաղացությունը». «Փաստ»«Այս մարդը կենտրոնացել է Ադրբեջանի պահանջների, սպառնալիքների կամ շանտաժի ներքո գործողություններ իրականացնելու վրա». «Փաստ»Ժողովրդավարական սկզբունքների հերթական ոտնակոխը. գործընթացի լեգիտիմությունը խաթարված է հենց սկզբից. «Փաստ»Ճանապարհային «պատերազմներ». ինչո՞ւ են Հայաստանում վթարներն այսքան շատ ու այսքան մահաբեր. «Փաստ»Շինծու գործեր, կանխորոշված որոշումներ. քաղաքական հետապնդման դասական ձեռագիրը. «Փաստ»ՀՀԿ-ն և «Իմ հզոր համայնքը» միասնական ցուցակով կմասնակցեն Մասիսի ընտրություններին. «Փաստ»Համախմբման նոր ալիք. ո՞վքեր են միավորվում ընդդիմության հայտարարության շուրջ. «Փաստ»«Արդարադատության» նոր ստանդարտը. ինչպես բանտարկել բոլորին և ապրել «երջանիկ». «Փաստ»Գիտնականները հայտնել են Արեգակի վրա բռնկումների ակտիվության աճի մասին12 պատմամշակութային կառույց ստացել է հուշարձանի կարգավիճակ. ՀՀ ԿԳՄՍՆԹրամփ․ Եթե չկանգնեցնեի Իրանին, Իսրայելն ու Մերձավոր Արևելքը կարող էին այլևս գոյություն չունենալԲաքվի օրակարգը չի կարող թելադրվել մեր ժողովրդին, մենք չենք ունենալու «ալիևյան սահմանադրություն»․ Մարիաննա Ղահրամանյան«Հայոց պատմության և քրիստոնեության մասին բացառիկ տգիտություն է քարոզվում»․ Հրայր ԿամենդատյանՌուսաստանի ՀՕՊ ուժերը գիշերվա ընթացքում խոցել են ուկրաինական 142 անօդաչու թռչող սարքԱԺ փոխնախագահի հակասական հայտարարությունները․ երեք օր առաջ ողջունում էր աթոռով հարվածը, այսօր՝ դատապարտում․ Հրայր ԿամենդատյանՆոյեմբերի 9-ին Եռաբլուրում հարգանքի տուրք կմատուցեն հերոսների հիշատակին․ կարևոր ուղերձով նամակներ կհանձնվեն կառավարությանը և ՌԴ դեսպանատանը. Աննա ԿոստանյանՅոթ վերք եկեղեցում կատարվել է նախատոնակՈւկրաինան ԱՄՆ-ին է փոխանցել բանակցությունների առաջարկները. ԶելենսկիՁյուն, բուք․ ի՞նչ եղանակ սպասել նոյեմբերի 7-ից 11-ինՊԵԿ էլեկտրոնային համակարգերը ժամանակավորապես անհասանելի կլինեն«Նոր Զովք». 6 օրում երկու արտադրամասի կասեցում և սննդի անվտանգության լուրջ հարցերՀայրենիքից չենք կարող նեղանալ, պետք է մնանք մեր տեղերում և ուժեղացնենք պետությունը․ Ռուբեն ԳրիգորյանԻրանը Ռուսաստանից С-400 զենիթահրթիռային համալիրներ է խնդրելԳարիկ Կարապետյանը վնասվածքի պատճառով չի շարունակի պայքարը ծանրամարտի աշխարհի առաջնությունումՀայաստանը Եվրասիական տարածաշրջանում բեռնաշրջանառության աճով երկրորդ տեղում է«Տառերի Պուրակի» հարևանությամբ, սունկ հավաքելու ժամանակ 51-ամյա տղամարդը կայծակնահարվել և տեղում մահացել էՀնդկաստանը Հայաստանին Pinaka համակարգի համար նախատեսված 1000 կառավարվող արկ կմատակարարի. IDRWՈ՛չ ալիևյան սահմանադրությանը. այո՛ անկախ Հայաստանին. Արամ ՎարդևանյանԱրգենտինայի հավաքականը 10 համար չի ունենա առաջիկա խաղերումԱնկախ փորձաքննության արդյունքներ․ Երեմյան կաթնամթերքում խախտումներ առկա չեն«29 պատգամավոր պատրաստ է բռնաճնշման, ալիևյան սահմանադրություն չի ընդունվելու ՀՀ-ում». Տիգրան ԱբրահամյանԵՄ-ն զգուշացրել է TikTok-ին փոխել «For You»-ի վնասակար ալգորիթմը՝ «ճագարի բնի» էֆեկտը վերացնելու համարԷլմիրա Կարապետյանը չի կարողացել դուրս գալ հրաձգության ԱԱ-2026-ի օլիմպիական մրցաձևի եզրափակիչԸնդդիմությունը պետք է մեջք մեջքի կանգնի և դիմակայի ալիևյան պարտադրանքներին․ Ավետիք Չալաբյան