Կասպից ծովում ջրի մակարդակի անկման պատճառով նոր կղզի է առաջացել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Կասպից ծովում՝ Ղազախստանի ափերի մոտ, ջրի մակարդակի նվազման հետևանքով նոր կղզի է առաջացել։ Այս մասին հայտնել է ղազախական Caspian Holiday զբոսաշրջային ընկերության հիմնադիր Էրբոլատ Մուխաշովը։

Նրա խոսքով՝ վերջին հինգ տարիներին Կասպից ծովի հյուսիսային հատվածում ջրի մակարդակի անկման պատճառով նոր կղզիներ են ի հայտ գալիս։

Դրանցից մեկը՝ Ռիբաչի կղզին, գտնվում է Ղազախստանի Մանգիստաուի մարզի ափերի մոտ՝ Սվյատոյ կղզուց շուրջ 500 մետր դեպի արևելք և Բաուտինո գյուղից մոտ 30 կմ հեռավորության վրա։

Մուխաշովի փոխանցմամբ՝ նոր առաջացած կղզիներում հիմնականում հանդիպում են գայլեր, ինչպես նաև վայրի խոզեր և գորշուկներ։

Նշենք, որ Կասպից ծովի մակարդակի նվազում է արձանագրվում 1990-ականների կեսերից։ 2025 թվականին այն հասել է պատմական նվազագույնի՝ իջնելով ծովի մակարդակից ավելի քան 29 մետր ցածր։ Ադրբեջանի և Ղազախստանի նախագահները նախկինում ահազանգել են Կասպից ծովի ծանծաղացման հետևանքով տարածաշրջանին սպառնացող բնապահպանական ռիսկերի մասին։

Հետևեք մեզ՝ այստեղ