Ռուսաստանի ու Հայաստանի միջև առևտաշրջանառության ծավալը մոտ ապագայում կարող է վերականգնվել․ Պուտին
Քաղաքականություն
Ռուսաստանի եւ Հայաստանի միջեւ առեւտրաշրջանառության ծավալը, որը նվազել է կորոնավիրուսային համավարակի պատճառով, մոտ ապագայում կարող է վերականգնվել եւ աճել: Այս մասին հայտարարել է ՌԴ նախագահ Վլադիմիր Պուտինը Մոսկվայում Հայաստանի վարչապետ Նիկոլ Փաշինյանի հետ հանդիպմանը, հայտնում է News.am-ը՝ հղում անելով ՏԱՍՍ-ին:
Ռուսաստանի ղեկավարը երկու երկրների միջեւ ապրանքաշրջանառության ծավալը զգալի է անվանել՝ նշելով, որ 2020 թվականին մի շարք պատճառներով, առաջին հերթին՝ կորոնավիրուսի համավարակի պատճառով, այս ցուցանիշի որոշակի անկում է նկատվել: «Համոզված եմ, որ շատ մոտ ապագայում մենք կարող ենք ոչ միայն վերականգնել այս ծավալը, այլեւ՝ առաջ շարժվել»,- ասել է Պուտինը: