Իսրայելը հարվածել է իրանական ռազմական ուժերին․ կան զոհեր և վիրավորներ
ՎիդեոԻսրայելի ռազմաօդային ուժերը հրթիռային հարվածներ են հասցրել Պալմիրայից հարավ-արևելք գտնվող իրանական T-4 ռազմական օդանավակայանին (Դամասկոսից 240 կիլոմետր հեռավորության վրա): Ինչպես հաղորդել է Al Hadath հեռուստաալիքը, իրանական անօդաչու թռչող սարքերի հենակետը ենթարկվել է հարձակման: Աղբյուրի փոխանցմամբ՝ դրա վրա տեղակայված շիա ջոկատների զինվորները, որոնք կռվում են սիրիական զորքերի կողմից, կորուստներ են կրել: Չորսը զոհվել են, կան նաև վիրավորներ, սակայն նրանց թիվը չի նշվում:
Ավելի վաղ սիրիական ռազմական աղբյուրը SANA գործակալությանը հայտնել էր, որ իսրայելական ինքնաթիռները հարձակվել են Պալմիրայի հարավային ծայրամասում գտնվող Ալ Թանֆ սահմանային տարածքից: Հարձակումը հետ մղելիս մեկ սիրիացի զինվոր է զոհվել, ևս երեք զինվոր վիրավորվել է:
