Լարված ու պայթյունավտանգ իրավիճակ Փարաքարում
ՎիդեոՓարաքար համայնքում այս պահին մեծ թվով ոստիկանական ուժեր են կուտակվել: Այսօր նախատեսված է նոր համայնքապետի երդմնակալության արարողությունը, սակայն բանն այն է, որ միանգամից երկու թեկնածուներ իրենց համարում են ընտրված:
«Ապրելու երկիր» կուսակցությունը 21 հոգանոց ավագանիում ստացել է 10 մանդատ եւ 10 ձայնով իրենց թեկնածուն՝ Վոլոդյա Գրիգորյանը ընտրվել է համայնքի ղեկավար: Թեեւ 10 ձայնը 50 տոկոսից քիչ է, սակայն «Ապրելու երկիր» կուսակցությունը պնդում է, որ եթե առաջադրված է մեկ թեկնածու, ապա նա կարող է ընտրվել 40+ տոկոս ձայներով:
Դրանից հետո եկել ավագանու 11 ձայներով համայնքապետ էր ընտրվել Դավիթ Մինասյանը, որը «Դավիթ Մինասյան» դաշինքի թեկնածուն է: Նրան էին ընտրել նաեւ ՔՊ-ի անդամները:
«Ես այստեղ եմ, որովհետեւ Վոլոդյա Գրիգորյանը կրել է: Սա սոցապնախարար Նարեկ Մկրտչյանի քայլերն են: Նախարարին կանչեք էստեղ: Ինքը ստիպում է, որ համայնքապետ պետք է լինի Դավիթ Մինասյանը: Փաշինյանը մեր ձայներով է դարձել վարչապետ, նենց որ հիմա էլ Վոլոդյա Գրիգորյանը պետք է մեր ձայներով լինի համայնքապետ: Մենք պահանջում ենք, որ էստեղ գան Փաշինյանը, Պապիկյանը, Նարեկ Մկրտչյանը: Ոստիկաններին ինչի՞ եք բերել էստեղ»,-ասաց ակցիայի մասնակիցներից մեկը:
