Ավինյանը մեկնարկել է ընտրական մարաթոնը
ՎիդեոՏիգրան Ավինյանը, ըստ էության, հաստատել է, որ 2023թ. Երևանի ավագանու ընտրություններում քաղաքապետի ՔՊ թեկնածուն հենց ինքն է լինելու։ Ավինյանը, մասնավորապես, օրեր առաջ իր ֆեյսբուքյան էջում տեղեկացրել է, որ հանդիպել է Քաղաքացիական Պայմանագրի Դավթաշենի ակտիվի հետ և քննարկել Երևանի խնդիրները։
«Նախորդ շաբաթ գործընկերների հետ մասնակցել եմ «Քաղաքացիական պայմանագիր» կուսակցության Դավիթաշենի քաղ. ակտիվի հետ հանդիպմանը։ Քննարկել ենք Երևանի խնդիրներն ու քաղաքի զարգացման ծրագրերը, որոնց իրականացման արդյունքում Երևանը բնակիչների համար կդառնա ավելի հարմար ու բարեկեցիկ քաղաք»,- տեղեկացրել է Ավինյանը «ֆեյսբուքի» իր էջում։
Ըստ էության, այս հանդիպումները արդեն պարբերական բնույթ են կրում և ընտրական մարաթոնից առաջ ստուգատեսի յուրօրինակ ձև են,- գրում է Past.am-ը։
